Jeremaya 21 - WEN GBAŊKA

¹ Naawen wanni yaa jam Jeremaya jigi diipo ate naab Zedekia a tom Malkija nidoabinni Pasur ale Maaseiya nidoabinni Zefania ale jam ka kaabteerɔ la wa jigi. Ba weeni ayen,

² Kpesi yɔgyɔgla de Naawen a te ti dii nyiŋla Babilon naawa Nebukadnezzar a siti ti kama. Dai dii dai Naawen ale tom wakinkagla a te ti ase dipo la ate wa basi ti.

³ Alege Jeremaya a tulisi ba ayen, <

⁴ Dii ate Naawen, Izirali Wenni a weeni la ale nna: Mi a yaali ayen m cheem a ta ka chaab ale nidek kpaliŋ kɔlimaŋa ale bo ni nisa po ate ni pai a kpaliŋ ale Babilon naawa ale Kaldiya dem baai ale bo parika peelim a gilim ni ta la. Ate m tigsi ba tɛŋka de ponni po.

⁵ Mi dek ale teeri ni pagrisa a kpaliŋ ale ni ale suipuurum ale suidomsik ale suiŋmaara.

⁶ M le nak baai meena ale bo tɛŋka de po la a lɔnsi tɛŋ, nidoaba ale duŋsa meena ate ba kpi ale nyiŋtui baata.

⁷ Kula ŋaaŋnyiŋ, Naawen ale weeni, m le pai Juda naawa Zedekia ale wa kpaŋŋa ale nuruma ale bo tɛŋka de po la baai ate nyiŋtuilaŋa an ko ba la ale gebika ale kɔm la a te Babilon naawa Nebukadnezzar ale ba dachaasaŋa ale a gisi ba nyuvooŋa la. Wa le ko ba ale gebik, wa kan sak ba jiirim ale ŋmanteka ale vɔŋteka.

⁸ A ŋman gum du, weeni nuruma ayen,

⁹ Waai dek ale a bo tɛŋka de po la ale kpi ale gebik ale kɔm ale nyiŋtuila. Alege waai ale a nyini peelim a siak a te Kaldiya demma ale gilim a lik ni ta la ale vuuk.

¹⁰ Mi piika nyiŋ ayen m nye tɛŋka de biem alege daa nalimmoa, Naawen ale weeni. M le pai nyo Babilon naawa nisa po ate wa kaasi ka ale bolim.

¹¹ Diem a weeni Juda naam yenni ayen,

¹² Deevid yeri yaa, Naawen ale weeni diila ale nna: <

¹³ Mi ta ka chaab ale ni, Jerusalem demma, naamu baai ale kali viaka ŋmai la piuŋku zuk peelimmu po la, Naawen ale weeni, nama baai ale a weeni ayen, <

¹⁴ M le namsi a va chaab ale ni nyeelaŋa ale magsi diila, Naawen ale weeni. M le fuk bolimu ni tiisaŋa po ate bu dɛ jaab meena ale gilim ni la.