Jeremaya 20 - WEN GBAŊKA

¹ Immer nidoabinni Pasur waai ale jam ka kaabteerɔ ale chim kpagi kpienni Naawen yenni po la, ale wom Jeremaya a mooli wieŋa de la,

² wa yaa basi ate ba nak biisiteerɔwa Jeremaya ale su wa chɔrima Benjamin Nansuiŋku Guuku Zuk Naawen yenni jigini.

³ Da dii ale pai saŋ la, ate Pasur a yeeri chɔrimaŋa ale basi wa la, Jeremaya yaa weeni ayen, <

⁴ Dila Naawen ale weeni diila ale nna:

⁵ M le pai tɛŋ nummu de jigsika ale ŋan baai meena ka tom nya la ale ka ŋanmaŋsaŋa meena ale Juda nalimaŋa tuilum ŋantaŋa meena a te ba dachaasaŋa. Ba le pai ase ŋanta ate ba koalim la a ta cheŋ Babilon.

⁶ Ale fi, Pasur ale baai meena ale bo fi yenni po la ba le ta ni cheŋ Babilon. Dula ni le kpi ate ba gu ni, nama ale ni doama ate fi mooli ventaŋa a te la.> >>

⁷ Naawen yaa, fi paasi mu, ate mi nya paasika. Fi ta pagrim a gaam mi kama, a nya pagrim mi zuk. Waai meena a nye mi ka siak, ba a la mi kama danni meena.

⁸ Diipo meena mi dan biisi, see m kaari ate ku nyini abe m na ayen, wɔkwɔk ale kaasuŋ. Dila Naawen wanni a ta ka leeta ale ŋmiŋmasim a jam mi jigi danni meena.

⁹ Alege mi weeni ayen, <> wa wanni a bo ka m suinummu po ase bolim la, bolim buui ale lik bo m kobaŋa po. M jiak kama ale di pik taka. Chekki mi an baga.

¹⁰ Mi a wom waai meena a waasi kama ayen, <> Baai ale poom moata mi a chim mi doaba la a limisi mi lueta kama. Da dii dai ba le paasi wa. Ba le weeni ayen, >

¹¹ Alege Naawen a bo le mi kama ase tugurik tɔŋdɔ pagrik la, dila baai ale a namsi mu la ale nak naŋsa a lo ba kan nya pagrimoa. Ba le nye kpeeri abe ba nya chivie, ba valiŋsaŋa ba kan maa baŋ.

¹² Naawen Dii Ale A Dɛ Tugurik Tɔŋdɔma Niŋ La, fi waai ale a kpesi a nya wayɔrisima nyama ale seba dii ale bo ba suiniima ale ba popola po, basi ate mi nya ale fi tuni ba a te mu, diila m pai m wanni a te ka fi.

¹³ Leni yiila a te Naawen. Pai pimpauk a te Naawen. Wa a vari baai ale a silim la gaasa nyama nisa po a basi.

¹⁴ Kikaasa a cheŋ dai dii danni ate ba biak mi la. Dai dii ate mi mawa a biak mi la a kan nya niauŋŋoa.

¹⁵ Kikaasa a cheŋ waai ale ta wapaalaŋa a jam mi kowa jigi, waai ale basi ate wa sui a peenti, a weeni ayen, <>

¹⁶ Nuru wala abe nye ase tɛŋ sii ate Naawen a yuk yiak ale an sak jiirim la. Wa be wom kaarik saluiku, kpaliŋ kaarik kantueŋka.

¹⁷ Diila wa an jam ko mi luikku po, ate mi mawa a chim mi boosukwa, wa luikku a lagri kama taam wuu.

¹⁸ Ka boa ate mi poom maa nyini luikku po a nyini a nya daanika ale suipuurummoa a za ayen m kpeglim daaŋa ale chivie?