Jeremaya 18 - WEN GBAŊKA

¹ Wa dii ale nyini Naawen jigi a jam Jeremaya jigi la ale nna:

² <>

³ Dila mi yaa cheŋ siŋ mɛɛrɔwa yenni, ate mi nya ale wa a mɛ a gilim.

⁴ Alege samɔniŋka ate wa a mɛ ale yakka la yaa kaasi wa nisa po, dila mɛɛrɔwa yaa yik tulim a nye ka choa, a tagri a nye dii ale nala a te wadek la.

⁵ Naawen wanni yaa jam mi jigi ayen,

⁶ <> Naawen ale weeni. <

⁷ Ase diipo meena m dan mooli ayen tɛŋ yaase naam a yeeri abe bu lo waaŋ abe bu kaasi,

⁸ ate tɛŋ kala ate m kaam la a laŋ nyeka a basi ka biemu, m le basi m le m nye diila, m kan basi ate kaasuŋ a jam ba zuwa.

⁹ Ate diipo ŋmana m dan mooli ayen tɛŋ ba sɛ ka yaase naam a zaani,

¹⁰ ate ka nye biem mi nina po ale an wom mi nɔi ya, m le zimsi ale mi ale jam a poli ayen m nye wamaŋ kaai la.

¹¹ <

¹² Alege ba le tulisi ayen, >> Naawen ale weeni.

¹³ Dila la Naawen ale weeni diila ale nna: <

¹⁴ Lebanon ŋmoruk tanaŋa a nyaliŋ a bɛ pina ŋaai ale churinti la zuwa? Ka nya yɔgsisa ale nyini niŋniŋ la a basi chalika kama?

¹⁵ Alege mi nuruma a baŋ mi, ba ju ŋan baai nyum ale masa a te bɔgluk tii ale kan ta kiri ya, tii ale basi ate ba a nak naŋsa ba suita po ale dipo suitaŋa po. Ba basi ate ba a cheŋ sui tii ale kaa nya po ale manpala ŋaai ale kan kpa ya.

¹⁶ Ba tɛŋka ale doa kinla, jabuui ale kasim chim jalaam taam wuu, baai meena ale a taam la ku le cha ba ate ba a girinti zuima.

¹⁷ Ase viok ale nyini konni po, m le kati ba waaŋ ba dachaasaŋa niŋ. M le sak ba m ŋaaŋka alege daa m nina ba kaasuŋku danni.>>

¹⁸ Ba weeni ayen, <>

¹⁹ Wom mi, Naawen yaa, wom baai ale a ŋma mu la ale a weeni diila.

²⁰ Ba pai biem a tuni nalimmoa? Alege ba tu goluk a magsi mi. Teeri ayen mi jam zaani ka fi niŋ a biisi a te ba ayen m tulim fi suipuurumu ba jigi a basi.

²¹ Dila pai ba bisaŋa a te kɔm. Pai ba a te gebika pagrimu. Basi ate ba pooma a kan ta bisa abe ba chim pukɔga. Basi ate ba nidoama ba ko ba, ba nidoa paalukku ba ko ba ale gebik kpaliŋ po.

²² Basi ate ba wom kaarik ba yeeŋa po ase fi nin ta nuruba a jam diiri ayen ba koalim ba, diila ba tu ka goluk ayen ba yik mi ale suk batta a magsi mi naŋsaŋa.

²³ Alege fi seba, Naawen yaa, ba zɔŋŋa meena ayen ba ko mu la. Kan vɔŋ ba biemu a te ba yaase fi duisi ba wabaataŋa fi nina po. Basi ate ba yuk ba yiak fi niŋ, nye ale ba diipo ate fi suinni a puuri la.