Jeremaya 17 - WEN GBAŊKA

¹ <

² Ba bisaŋa a poom a teeri ba kuŋkuŋtaŋa ale Asera zaŋŋa ale za ti sii meena ale ta va sobta la ale gu wɔŋtaŋa zuk.

³ Mi guuku ale bo tɛŋka po la ale ni nitalimu ale ni tuilum ŋantaŋa m le pai te ate ba koalim ale ni tangbanaŋa meena ni wabaataŋa tɛŋka po meena nyiŋ.

⁴ Nidek nye beka nyiŋ ni le jɔk nitalim buui ate m pai te ni. M le basi ate ni chim ni dachaasaŋa yɔm tɛŋ kaai po ate ni zɛ. Diila ni zuk m suinni po kama ate di ale de taam wuu.>>

⁵ Naawen ale weeni diila ale nna: <

⁶ Wa le nye ase ka tiib fiik ale bo tɛŋ koruta po la. Wa kan paari ŋanta ase ŋanta a nin jam. Wa le bo ka gɔnni po kosikka jiŋŋa, yesa jigi juijui ate waai a karo.

⁷ <

⁸ Wa le nye ase ka tiib ate ba vuk nyiam nɔi la buui tɛŋ naŋsa ale teeri a siŋ benni po. Bu niŋ ka tuiluk po ase ku nin jam, bu vaataŋa kasim sobi kama. Ku kan daani bu ase ben dii ŋmoruk a nin kan ni ya ale kan kpeeri yɔna yɔnika.>>

⁹ Suinummu a ta pimpaasima a gaam ŋanta meena kama a ka tebika. Ka wana ale baga a miŋ bu?

¹⁰ <>

¹¹ Ase yeŋ ale a wɔgri jena ŋaai ate ka an lobi la ku ka dila dek ale nuru waai ale pai venta suik a paari ŋanta. Wa dan ga pak maga wa le jɔk ba ate ku kpeglimka wa chim beruk.

¹² Ti Wen yenni a nye ase ka zula naam zukpaglik la, a za gu woŋ zuk a nyini piilimka po.

¹³ Naawen yaa, Izirali yiila, baai meena ale zɛri fu la ale jo chivie po. Ba le muriŋ bɛ ase yue ale ŋmarisi tanta po la dii nyiŋla ba zɛri Naawen kama, nyuvuri nyiam bulika.

¹⁴ Tebi mu, Naawen yaa, ate m nya tebika, vari mu basi ate m nya varibasika, diila ka fi ale waai ate mi a pak.

¹⁵ Ba kasim a weeni mi kama ayen, <>

¹⁶ Mi an chali a bɛ ya ale m le chim fi naapeerik la. Fi seba ayen mi an yaali daanika danni: Wa dii ale a nyini mi nɔi po la fi seba kama.

¹⁷ Kan chim nyinyigsa nyɔnɔ a te mu, fi jigi ate mi a suk kaasuŋ danni.

¹⁸ Basi ate baai ale a namsi mu la chivie a yik ba, alege kasi mu chivie po, basi ate yɔgsum yik ba, alege kasi mu nyinyigsa po. Ta kaasuŋ danni a jam ba zuk, kaasi ba ale kaasuŋ ku nɔi buye.

¹⁹ Naawen ale weeni mi diila ale nna: <

²⁰ Weeni ba ayen,

²¹ Naawen ale weeni diila ale nna: Ni kpesi ate ni kan ji jib Vuusumu Danni yaase ni ta va Jerusalem nansuiŋtaŋa.

²² Ni kan ta jib a nyini ni yeeŋa po a nyini yaase ni tom tuini Vuusum Danni, alege ni basi ate Vuusum Danni a ta tuilum ase mi ale weeni ni kokpieŋsaŋa diila.

²³ Alege ba an wom ya yaase ba popola a bo du, ba tue jam kpari kama a kan wom yaase ba niŋ bo waalika po.

²⁴ <<

²⁵ nalima ŋaai ale a kali Deevid zukpaglika zuk la ale va tɛŋka de nansuiŋtaŋa a jo ale ba kpaŋŋa. Ba ale ba kpaŋŋa ale do wusuma ale torokoba, ate Juda nuruba ale baai ale bo Jerusalem la a bani ba, ate tɛŋka de nuruba a bo ka po taam wuu.

²⁶ Nuruba ale nyini Juda tɛŋsaŋa ale tɛŋ kpaŋsaŋa ale gilim Jerusalem, ba le nyini Benjamin tɛŋbanni po ale yeniŋ guutaŋa, ale tɛŋ kaai ale ta guutaŋa la ale Negev a ta juka tiirita ale kaabsa ale ŋanbie tiirita ale ŋan baai nyum ale masa ale jiam teka tiirita a jam Naawen yenni po.

²⁷ << >>