Jeremaya 12 - WEN GBAŊKA

¹ Naawen yaa, fi kasim ka wayɔrisima nyɔnɔ, ase m nin ta biik a jam fi jigi. Alege m le biisi fi nyemagsika wari. Ka boa ale soa ate wabanyeerik wari a nye a niagi? Ka boa ale soa ate baai ale kan ta siaka la a boro ale suiyɔgni?

² Fi ale vuk ba, ate ba feri naŋsa, ate ba chim a yɔni yɔna. Fi kasim bo ka ba nɔngbanvaataŋa alege yalima ale ba suiniimaŋa.

³ Alege fi seba mi, Naawen yaa. Fi a nya mi kama a chamsi mi popolaŋa ale fu ale ka diila. Dari ba ta cheŋ ase piisa la ate ba che ba. Gaari ba a magsi da dii dai ate ba a tɔgri la.

⁴ Tɛŋka ale ko beni soa ka sɛ ate wuuku ale bo laŋ meena po la a kpi. Dila meena, nuruma a weeni kama ayen, <>

⁵ <

⁶ Fi suataŋa, fidek dɔkdemma a poom a pa fu a da kama, ba kaari kama ate ku jueli a ta chaab ale fu. Kan mariŋ ba, ba le poom a biisi fi wamaŋsa la mɛ.

⁷ <

⁸ Mi nitalimu a yaa nye mi nna ase ka gbeŋli ale bo tiisa po la. Wa a na mi, dila nyiŋ mi kisi wa kama.

⁹ Mi nitalimu a nye mi jigi nna ase piina ale nuin sii ale a dɛ lanta la ale gilim a dɛ mi nuruma ate mi lueri a te m dek la. Ga tigsi gɔi duŋsaŋa meena, a ta si jam ate si dɛ.

¹⁰ Naapeerisa yega ale kaasi m kadukka a tabi m laŋka. Ba le tulim m laŋka ate m sui peenti ale ka la ate ka chim laŋ koruk kinla.

¹¹ Ka le chim tɛŋ kaai ale kan ta jaaboa, tɛŋ kosik ale tɛŋ koruk mi niŋ, tɛŋka meena ale doa kinla dii nyiŋla waai niŋ a karo.

¹² Guutaŋa meena zuk gɔnni po kaasirɔba ale tigsi diila Naawen gebika ale ko a nyini tɛŋka kpeglim kinka a ga paari m kala, waai a kan vuugi.

¹³ Ba le bori ŋanbie alege ŋari munsa. Ba le jiak badek alege kan nya jaaboa. Dila ni ta ni cheka chivieŋa Naawen suipuurumu nyiŋ.>>

¹⁴ Naawen ale weeni diila ale nna: <

¹⁵ Alege m dan voori ba ku ŋaaŋnyiŋ, m le ta jiirim ale ba abe m ta waai meena a ŋman jam wadek nitalim jigi ale wadek tɛŋ po.

¹⁶ Ate ba dan zamsi nalimnyiini mi nuruma suitaŋa ale pɛ mi yuenni nyiŋ ayen, alege ba poom jam sak mi nuruma ayen ba a pɛ Baal nyiŋla ba yaa le kali paari mi nuruma po.

¹⁷ Alege tɛŋ kaai a dan kan wom ya, m le dari ka a voori a kaasi ka chessi.>> Naawen ale weeni.