Niŋdeerɔba 9 - WEN GBAŊKA

¹ Abimelek Jerub Baal biika yaa cheŋ wa mawa suataŋa ale bo Sikiim la jigi a weeni ba ale wa mawa yezukku meena, ayen,

² <>

³ Ase wa suataŋa ale ŋman pilim weeni kude meena a te Sikiim demma meena la, ba yaa jam siak ayen ba va Abimelek, ba weeni ayen wa ka ti suok.

⁴ Ba jam te wa ka kpana ligbie dobrim a paari pisiyopɔi a ta nyini Baal Berit puusika yenni po, ate Abimelek a pai a da tugurik tɔŋdɔba, baai yaa le jam chim wa ŋaaŋviirɔba.

⁵ Wa jam cheŋ wa kowa yenni ale bo Ofra la po, a ko wa suataŋa Jerub Baal bisa pisiyopɔiwa tintain yeŋ zuk. Alege Jotam Jerub Baal bi baaŋka a jam suk kama wa an nya wala.

⁶ Ate Sikiim demma ale Bet Millo demma meena a yaa tigsi chaab a bo tiib kpiemu ale bo Sikiim la ayen ba bobi Abimelek naab.

⁷ Ase Jotam ale jam wom kude la, wa yaa jueli Gerizim Guuku zuk a na ba ayen, <

⁸ Dai yeŋ ate tiisa a cheŋ si bobi naab a te sidek. Si yaa jam weeni kpaam tiimu ayen, <>

⁹ <>

¹⁰ <>

¹¹ Alege ate kiŋkaŋka a tulisi ayen, <>

¹² Ate tiisaŋa yaa weeni tunuku ayen, <>

¹³ Alege ate tunuku a tulisi ayen, <>

¹⁴ Kpeglimka tiisaŋa meena a yaa weeni kangbegini ayen, <>

¹⁵ <>

¹⁶ <

¹⁷ ale poli ayen m kowa a jam kpaliŋ a te ni, wa an kpaliŋ wa nyuvunni nyiŋŋa, a vari ni a ta nyini Midian demma nisima po a basi,

¹⁸ alege jinla ni ta ka chaab ale mi kowa dɔkdemma, a ko wa nidoabilisa pisiyopɔiwa tintain yeŋ zuk ale bobi Abimelek wa nipokbili yɔmawa biika, naab ate wa nya Sikiim demma zuk dii nyiŋla wa ka ni suok la nyiŋ,

¹⁹ ase ni dam poom nye ka zula ale wensie nyeela a te Jerub Baal ale wa dɔkdemma jinla, Abimelek ate le chim ni mariŋka abe nama mɛ a chim wa mariŋka.

²⁰ Alege ni a dan kan nye dila, basi ate bolim a nyini Abimelek jigi a dɛ nama Sikiim demma ale Bet Millo demma abe bu dɛ Abimelek.>>

²¹ Jotam yaa chali ga suk Beer tɛŋka po, dii nyiŋla wa jam a chali ka yɔgsum ale wa suoku Abimelek.

²² Abimelek ale jam nya Izirali tɛŋka zuk a paari bena ŋata la ŋaaŋnyiŋ,

²³ Wen yaa tom chichirik biok Abimelek ale Sikiim demma jigi, kaai nyeka ale jam ŋmasi toa a te Abimelek la.

²⁴ Naawen a jam nye kude kama ayen kaasuŋ kuui ate ba nye Jerub Baal a ko nidoabilisa pisiyopɔiwa la, ba ziimu ale nyini la, ayen ku chim tutuna a bo ba suoku Abimelek ale Sikiim demma zuk, baai ale jam maari wa ate wa ko wa suataŋa la.

²⁵ Ate ba zɛri wa nɔi la, Sikiim demma de yaa basi ate ka nidoaba a ga suk guuku zuk ayen ba zu waai meena ale va dula a taam la, ate kude a jo Abimelek turi.

²⁶ Gaal Ebed biika yaa va wa suoku a cheŋ Sikiim po, ate ka nuruma a pai ba sebchakka meena a basi wa jigi.

²⁷ Ba ale jam cheŋ tattaŋa po a tigsi ba yɔnaŋa a pai da la ŋaaŋnyiŋ, ba yaa jam dɛ tigi ba wenni dɔkku po. Ase ba le jam boro a dɛ ŋandiintaŋa ale a nyu la, ba yaa ka kikaasa a te Abimelek.

²⁸ Gaal Ebed biika yaa weeni ayen, <

²⁹ Nuruma de a dan va mi ale weeni diila. Mi ale ko wa. Mi ale weeni Abimelek ayen, <>

³⁰ Ase Zebul tɛŋ kpieŋka niŋdeerɔwa ale wom dii ate Gaal Ebed biika a weeni la, wa sui yaa ŋmasi puuri.

³¹ Wa yaa tom a weeni Abimelek ayen, <

³² yok fi ale fi nidoama a jam suk doa tattaŋa po a limisi.

³³ Saluik wenbinni pusika po, dɛ niŋ a jo tɛŋka po. Gaal ale wa nidoama a dan nyini peelim ba nye kpaliŋ ale fu, nye dii ate fi nisaŋa a baga a nye la.>>

³⁴ Dila Abimelek ale wa tommu meena a yaa nyini yok a cheŋ Sikiim a lab bunaansi a suk za.

³⁵ Yɔgyɔgla de, Gaal Ebed biika a jam nyini ka peelim a za tɛŋka nansuiŋku nɔi diipo ate Abimelek ale wa tugurik tɔŋdɔma a nyini ba sukka jigini a nyini la.

³⁶ Ase Gaal ale jam nya ba la, wa yaa weeni Zebul ayen, <> ate Zebul a tulisi ayen, <>

³⁷ Alege Gaal a ŋman biisi ayen, <>

³⁸ Ate Zebul a weeni wa ayen, <>

³⁹ Dila Gaal yaa jam dɛ niŋ a ta Sikiim demma a ga nye kpaliŋ ale Abimelek.

⁴⁰ Abimelek yaa jam vi wa, ate ba yega a lo suiku po a koani a ta ga paari nansuiŋku nɔi.

⁴¹ Abimelek a jam bo ka Aruma, ate Zebul a jam yiak Gaal ale wa suataŋa ate ba nyini Sikiim po a nyini.

⁴² Dai dii ale pasaŋ la Sikiim demma a yaa jam nyini tattaŋa po, ate kude a jo Abimelek turi.

⁴³ Dila wa yaa jam ta wa nidoama, a lab ba buta ate ba jam suk doa tattaŋa po. Ase wa le jam nya ale nuruma a nyini tɛŋka po a cheena la, wa yaa yiti wa nye kpaliŋ ale ba.

⁴⁴ Abimelek ale wa tommu a yaa yiti cheŋ niŋ nyiŋ nna nwuli a zaani tɛŋka nansuiŋku nɔi. Ate tommu buyewa la yaa kpabi nwuli a jueli baai ale bo tattaŋa po la zuk a ko ba.

⁴⁵ Dai dila meena Abimelek a jam kparinti wa tugurik tɔŋdɔma a basi ka tɛŋka zuk ate ba nya pagrim ka zuk a ko ka nuruma. Wa jam kaasi tɛŋka kama ale kati yesa a waaŋ ka zuk.

⁴⁶ Ase Sikiim demma ale ga wom kude la, ba yaa chali ga suk ba wenni El Berit yenni parisaŋa po.

⁴⁷ Ase Abimelek ale wom ayen ba jam tigsi ka dula la,

⁴⁸ Wa ale wa ni nidoama meena a yaa jam jueli Zalmon Guuku zuk. Wa yaa pai liak a che tiib naŋsa a vi wa ŋmankpalaŋa. Wa weeni wa nuruma ale bo wa jigi la ayen, <>

⁴⁹ Dila nuruma meena a yaa jam che tiib naŋsa a saŋ Abimelek ŋaaŋ. Ba jam pai si a vi ka yenni parisaŋa zuk a ju ale bolim a lik nuruma a basi du. Dila nuruma meena ale jam bo Sikiim parisaŋa po la, ase tusidi la, nidoaba ale nipooba a jam kpi kama.

⁵⁰ Abimelek a ŋman jam cheŋ ka Tebez a nye kpaliŋ ale ba a nak yik ka.

⁵¹ Tɛŋka po, parik woŋ ale jam boro, juijui ate nidoama ale nipooma ale nuruma meena a jam chali ga suk du. Ba jam kpari badek a basi du kama a jueli bo gboŋku zuk.

⁵² Abimelek yaa jam ga lik parik woŋka a za. Ase wa le diem cheŋ tuak parika nɔnni ayen wa ju ka ale bolim la,

⁵³ nipok yaa jam pai niri a lɔnsi wa zukku zuk a kabri wa zukobini.

⁵⁴ Wa nye nwuli a weeni waai ale a ji wa kpaliŋ kɔlimaŋa la ayen, < >> Dila wa tomteerɔwa a yaa jam chub wa, ate wa kpi.

⁵⁵ Izirali demma ale jam wom ayen Abimelek a kpi la, ba yaa kuli yeri.

⁵⁶ Ayen Wen a ŋman pa gasii ate Abimelek a nye wa kowa, a ko wa suataŋa pisiyopɔiwa la a tuni wa.

⁵⁷ Wen a ŋman jam nye ate Sikiim demma a tuni ba gaasaŋa meena nyiŋ. Kika sii ale jam va Jotam Jerub Baal biika la a jam ka ba zuk.