Niŋdeerɔba 7 - WEN GBAŊKA

¹ Saluik yokyokwa, Jerub Baal yaase Gidiyon ale la ale wa nuruma meena a yaa ga kali Yarod vinni. Midian demma boka jigini a jam boka bala wiilukku geŋsa a viaka ale moata More guuku la.

² Naawen a weeni Gidiyon ayen, <

³ mooli a te nuruma ayen, <> Dila nidoaba tusa pisiye ale ŋaye (22,000) ale jam ŋmani alege tusa pi (10,000) a tali wari.

⁴ Alege Naawen a weeni Gidiyon ayen, < wa a cheŋ, alege mi a dan weeni ayen, wa kan cheŋ.>>

⁵ Dila Gidiyon yaa ta nidoama a siŋ nyiam jigi. Dula Naawen a weeni wa ayen, <>

⁶ Nidoaba kobsita ale jam pai ba nisa a ŋari nyiamu a nyu. Mbala meena a jam kpi ka duna tɛŋ ayen ba nyu.

⁷ Naawen a jam weeni Gidiyon ayen, <>

⁸ Dila Gidiyon yaa basi ate Izirali dem mbala meena a ŋmani kali ba viitaŋa alege a ta nidoaba kobsitawa baai ale jam tuesi nidoa mbala ŋantaŋa ale damunsaŋa la. Midian demma boka jigini a jam boka wa tɛŋ viaka po.

⁹ Yok kula po Naawen a weeni Gidiyon ayen, <

¹⁰ Ase fi a dan yɔgsa ale fi le nye kpaliŋ ale ba, cheŋ ba boka jigini ale fi tomteerɔwa Pura

¹¹ a wom ba le a weeni diila. Dila ŋaaŋnyiŋ fi nya nyiŋbiiri a kpaliŋ ale ba.>> Dila ate wa ale Pura wa tomteerɔwa a yaa jam cheŋ ba boka jigini nakpiak.

¹² Midian demma ale Amalek demma ale nuru baai ale bo kori geŋsaŋa la meena a jam kala ka viak po a sobri nna ase tintue la. Ba laalaakomima a jam ka chiina ase nyakpiemu tintain busuŋ la.

¹³ Gidiyon yaa jam paari ale nuru a boro a weeni wa doa wa gɔdaasima ayen, <>

¹⁴ Wa doawa yaa tulisi ayen, <>

¹⁵ Ase Gidiyon ale ga wom gɔdaasimaŋa ale ŋa kiri ale ka diila, wa yaa nye Naawen jiam. Wa yaa ŋman cheŋ Izirali demma boka jigini a wi ayen, <>

¹⁶ Wa labi nidoaba kobsitawa buta, wa pai damunsa ale leŋ koruta a nyo ba meena nisima po ate botta a bo leŋsaŋa po.

¹⁷ Wa jam weeni ba ayen, <

¹⁸ Ase mi ale baai meena ale bo ale mi la a dan peeri ti damunsaŋa, a nyini ni boka jigini meena nama mɛ a peeri ni damunsaŋa abe ni kaari a te Naawen ale Gidiyon.>>

¹⁹ Gidiyon ale nidoaba kooku ale wa a yaa paari Midian demma boka jigini nakpiaka goota suŋsuŋ, ba le tagri limisidɔwa la ŋaaŋnyiŋ. Ba yaa peeri ba damunsaŋa ale mobi ba leŋsaŋa ale bo ba nisaŋa po la.

²⁰ Labika butawa a jam peeri ba damunsaŋa kama ale ŋɔriŋ ba leŋsaŋa. A ta botta ba gala nisaŋa po ale ta damunsaŋa ate ba jam a peeri la ba juga nisaŋa po. Ba jam kaari ayen, <>

²¹ Nuru meena ale jam za wa zaana jigi a gilim ba boka jigini la, Midian demma meena yaa yiti a chali ale a kaari ase ba ale yiti a chali la.

²² Ase damunsa kobsitawa ale jam peeri la, Naawen yaa basi ate nidoama ale bo ba boka jigini la yaa tulim a chub chaab ale ba gebik woŋsaŋa. Tugurik tɔŋdɔma yaa yiti chali cheŋ Bet Sitta a duŋ Zerera ate ku yalima a paari Abel Meyola tɛŋ banni a moata Tabbat.

²³ Izirali demma ale nyini Nafitali ale Asɛ ale Manasa meena la ba jam wi ba kama ate ba nyini, ate ba vi Midian demma.

²⁴ Gidiyon yaa tom nuruba Ɛfraim tɛŋka ate guuta a bo ka po la meena ayen, <> Dila ba jam wi Ɛfraim nidoama meena ate ba nyini a ga tuesi Jodan nyaataŋa a ta ga paari Bet Baraya.

²⁵ Ba jam maa nak yik ka Midian demma niŋdeerɔba baye. Oreb ale Zeeb ale la. Ba jam ko Oreb ka Oreb piuŋku zuk ale ko Zeeb wadek daamu nyeka jigini. Ba jam vi Midian demma kama a ta Oreb ale Zeeb Zuimaŋa a jam te Gidiyon, waai ale jam bo Jodan benni nɔi la.