Niŋdeerɔba 4 - WEN GBAŊKA

¹ Eyud ale kpi la ŋaaŋnyiŋ Izirali demma a ŋman nye biem Naawen nimbie po.

² Ate Naawen a pai ba nyo Jabin nisima po Keenan naawa waai ale a nya Yazor tɛŋka la. Wa tugurik tɔŋdɔma kpagni a jam le Sisera, waai ale jam bo Yaroset Yaggoyim la.

³ Dii nyiŋla wa jam ta ka kuta torokoba kobsaneok ale namsi Izirali demma a paari bena pisiye, ate ba kum a te Naawen a yaali maarika.

⁴ Debora nipok biisiteerɔwa, Lappidot powa ale jam dɛ Izirali demma niŋ dipo.

⁵ Wa jam a bo buusa ka Debora kpinkparukku ale bo Arama ale Betel suŋsuŋ, Ɛfraim po ate guuta a bo ka po la tɛŋ, ate Izirali demma a jam wa jigi ate wa a biisi ba biisaŋa a te ba.

⁶ Wa yaa jam wi Barak Abinoam biika ate wa nyini Kades ale bo Nafitali po la a weeni wa ayen. <

⁷ Mi ale bari yik Sisera Jabin tugurik tɔŋdɔma niŋdeerɔwa ale wa torokoma ale wa tommu Kison Benaŋka a pai nyo fi nisima po.>>

⁸ Barak yaa weeni wa ayen, <>

⁹ Debora a yaa weeni ayen, << Ku nala.>> Mi ale cheŋ ale fu. Alege fi le a nye dii wanni de zuk la, zulaŋa a kan chim fi zula, Naawen ale pai Sisera a nyo ka nipok nisima po.>> Dila nyiŋla Debora yaa cheŋ Kades ale Barak,

¹⁰ kauk kuui ate wa tigsi Zebulun ale Nafitali nuruba la. Nuruba tusa pi (10,000) ale jam va wa. Debora mɛ a jam maa va wa cheŋ kama.

¹¹ Ɛba Ken denɔwa a jam basi wa Ken dem chaama kama, Yobab waai ale ka Moosis chee la ŋaaŋbisaŋa, ale ti wa viuku a moata ti kpiemu ale bo Zaanannim a moata Kedes la.

¹² Ase ba le ga weeni Sisera ayen Barak Abinoam biika a jueli Tabor Guuku zuk la,

¹³ Sisera yaa tigsi wa kuta torokoba kobsaneok ale nuruma meena ale bo ale wa a nyini Yaroset Yaggoyim a ta ga paari Kison Benaŋka.

¹⁴ Debora yaa weeni Barak ayen, <> Ate Barak a yaa nyini Tabor Guuku zuk a siŋ ate nuruba tusa pi (10,000) a vi wa ŋaaŋ.

¹⁵ Ase Barak ale kasim a jueli ba zuk la, Naawen yaa basi ate yɔgsum a yik Sisera ale wa tugurik tɔŋdɔba ate Sisera a basi ba torokowa ale chali naŋtabie.

¹⁶ Alege Barak a vi ba torokoma ale tugurik tɔŋdɔma a paari Yaroset Yaggoyim. Sisera tommu meena ba jam ko ba kama ale gebik, nuru yeŋ mɛ la an tali ya.

¹⁷ Sisera a jam chali ka naŋtabie a cheŋ Jael viuku Ken denɔwa Ɛba pok ale la, dii nyiŋla nyemagsika ale jam bo Jabin Yazor naawa ale Ken denɔwa buuni suŋsuŋ.

¹⁸ Jael yaa nyini tu Sisera a weeni wa ayen, <> Ate wa yaa jo nipowa viuku po ate nipowa a pai wa suk.

¹⁹ Wa weeni ayen, <> Mi a saalim te mu nyiam.>> Wa yaa lak bunlɔk ale biisim a te ate wa nyu ale ŋman pai wa a suk.

²⁰ Sisera yaa weeni nipowa ayen, <><> Weeni ayen, <>

²¹ Alege Jael Ɛba powa a yaa pai viuku kpaasini le janakferim a cheŋ wa jigi nna diki alege wa jiak a doa. Nipowa pai kpaasini a nak feri wa ponni a vuri paari tɛŋka ate wa kpi.

²² Barak yaa jam vi Sisera ŋaaŋ ate Jael yaa tu wa. Wa weeni ayen, <><> Wa yaa va wa jo ga a paari la ale ka viuk kpaasiri ale feri wa ponni ate wa kpi doa.

²³ Dai dila danni Wen a pai Jabin Keenan naawa a te Izirali demma.

²⁴ Izirali demma a yaa ŋmasi nya pagrim nna yegayega Jabin Keenan naawa zuk a ga paari diipo ate ba ko wa la.