Niŋdeerɔba 20 - WEN GBAŊKA

¹ Ate Izirali demma meena a nyini Dan dɔkku buuni a ta ga paari Beerseba ale Gilead tɛŋka a yaa nyini ase nuru yeŋ la a tigsi chaab Naawen niŋ Mizpa tɛŋka po.

² Ate Izirali buuni meena niŋdeerɔma ale Wen tigsuŋku yaa za ale tugurik tɔŋdɔba tusa kobsinaansi (400,000) a gomsi ale gebisa.

³ Benjamin demma a yaa wom ayen Izirali demma a cheŋ Mizpa. Izirali demma yaa weeni ayen, <

⁴ Dila Livai waai powa ate ba jam ko la yaa weeni ayen, <

⁵ Yɔkku po ate Gibea demma a saŋ m ŋaaŋ a jam gilim yenni a yaa ba ko mu. Ba fɛ goa ale m powa kama ate wa kpi.

⁶ Mi yaa jam pai m powa a gebi wa bunabuna a ta boanni dinyi meena a cheŋ Izirali tɛŋ kpieŋsaŋa a te, dii nyiŋla ba nye wakaasuŋku de ale chivieŋa de ka Izirali tɛŋka po.

⁷ Yɔgyɔgla de nama Izirali demma meena a biisa ni le ta diila.

⁸ Nuruma meena yaa jam yiti ase nuru yeŋ la ayen, <

⁹ Alege yɔgyɔgla de ti le ti nye Gibea demma diila ale nna. Ti le tu chaab ale ba ase ti ni nak gbaŋka ate ka weeni ti diila.

¹⁰ Ti le ta ka nuruba pi a nyini nuruba kook po Izirali buuni meena po, a ta nuruba kook a nyini nuruba tusidi po, abe ti ta nuruba tusidi a nyini tusa pi (10,000) meena po, a yaa ŋanta a te tugurik tɔŋdɔma. Ase tugurik tɔŋdɔma a dan ga paari Gibea ale bo Benjamin tɛŋka po la, dila ale basi ate ba nya jabuui nyiŋ ate chivieŋa de nye Izirali tɛŋka po la.>>

¹¹ Dila Izirali demma meena yaa tigsi chaab ale nɔiyeŋ ase nuru yeŋ la, a nye kpaliŋ ale tɛŋ kpieŋka.

¹² Izirali buuni yaa tom nuruba ate ba cheŋ Benjamin dɔkku buuni meena jigi ayen, <

¹³ Yɔgyɔgla de ni pai Gibea gaasa nuruma de a nyo ti nisima po, ate ti ko ba a yeeri biemu de Izirali po.>> Alege Benjamin an jam wom ba Izirali dem mbala.

¹⁴ A nyini ba tɛŋ kpieŋsaŋa po, ba yaa gum chaab a jam Gibea tɛŋka po ayen ba nye kpaliŋ ale Izirali demma.

¹⁵ Benjamin dɔkku buuni yaa deri lueri tugurik tɔŋdɔba tusa pisiye ale ŋayuebi (26,000) ale gebisa ba tɛŋ kpieŋsaŋa po a gum chaab ale nuruba kobsiyopɔi waai ate ba lueri a ta nyini Gibea tɛŋka po la.

¹⁶ Tugurik tɔŋdɔma de meena po, ka galisa kobsiyopɔi ale jam bo ba po, ba wanyi meena a kan nak visiŋ tain a jɔgi.

¹⁷ Benjamin watɔga, Izirali nyiini a jam ta ka nuruba tusa kobsinaansi (400,000) ale gebisa, ba meena tugurik tɔŋdisa.

¹⁸ Izirali demma yaa cheŋ Betel ayen ba wom a nyini Wen jigi. Ba yaa bek ayen, <> Ate Naawen weeni ayen, <>

¹⁹ Saluik kuui ale pai saŋ la Izirali demma yaa ga kali moata Gibea tɛŋka.

²⁰ Izirali demma yaa cheŋ ba nye kpaliŋ ale Benjamin demma, ba jam za ka kpaliŋ zaana jigi ayen ba nye kpaliŋ ale ba, Gibea tɛŋka po.

²¹ Benjamin demma yaa nyini Gibea tɛŋka po a nyini a ko Izirali demma tusa pisiye ale ŋaye (22,000) kpaliŋka po dai dila danni.

²² Alege Izirali demma yaa jam te chaab nyiŋbiiri a ŋman pilim zaani kpaliŋ zaana jigi, ba le poom liŋ za kab tii la.

²³ Izirali a jam cheŋ ka Naawen niŋ a puusi a kum a ta ga paari junɔi, a bek Naawen. Ba weeni ayen, <> Ate Naawen yaa tulisi ayen, <>

²⁴ Ate Izirali demma yaa torisi kpaŋ Benjamin demma daa ŋayewa danni.

²⁵ Dai dila danni ase Benjamin demma ale nyini Gibea po a nyini ayen, ba zɛri badek nyiŋ a kan siak a te ba la, ba ŋman ko Izirali demma tusa pi ale naaniŋ (18,000), ba meena a gomsi badek ale ka gebisa.

²⁶ Ate Izirali demma, nuruma meena yaa jam cheŋ Betel a kala Naawen niŋ a kum. Ba jam bobi ka nɔi a puusi ate ku paari junɔi a nye juka kaabka tiirita ale suiyɔgni tiirita a te Naawen.

²⁷ Izirali demma a ŋman pilim bek Naawen. Da ŋala po Wen nɔiyeŋka dakanni a jam bo ka dula,

²⁸ ale Eleaza nidoabinni Fineyas, Aaron ŋaaŋka a jam ka kaabteerɔwa. Ba jam bek kama ayen, <> Ate Naawen ayen, <>

²⁹ Ate Izirali demma yaa ga suk doa gilim Gibea tɛŋka.

³⁰ Ba yaa cheŋ ba nye kpaliŋ ale Benjamin demma daa ŋatawa danni, ba jam za ka kpaliŋ zaana jigi ayen ba nye kpaliŋ ale Gibea ase ba le poom liŋ jam za juijui la.

³¹ Benjamin demma yaa nyini ba tu chaab ale ba dari ba a ta nyini tɛŋ kpieŋka po a nyini. Ba piilim a te Izirali demma tueta ase ba ni liŋ jam nye ba diila, ate nuruba pisita a kpi peelimmu niŋ ale suitaŋa ale a cheŋ Betel ale Gibea la po.

³² Ase Benjamin demma ale a weeni ayen, <> Izirali demma mɛ ayen, <>

³³ Izirali demma meena yaa basi ba ale bo juijui la ale ga za Baal Tamara, ate Izirali demma ale suk doa la yaa yiti a nyini Gibea yeniŋ geŋsa.

³⁴ Izirali tugurik tɔŋdɔma tusa piwa (10,000) yaa tu Gibea demma suik. Kpaliŋka a jam pagra kama ate Benjamin demma a jam zɛ kaasuŋ ale moata ba dii ya.

³⁵ Naawen a jam nya pagrim Benjamin demma zuk a te Izirali demma, dai dila danni Izirali demma a jam ko Benjamin demma ka tusa pisiye ale ŋanu ale kook (25,100). Ba meena jam ka tugurik tɔŋdɔba.

³⁶ Ate Benjamin demma a yaa nya ayen ba nak ba kama. Yɔgyɔgla de Izirali demma a jam yiti chali ale basi Benjamin demma dii nyiŋla, ba sebchakka meena a jam bo ka ba ale suk doa moata Gibea la zuk.

³⁷ Nuru baai ale jam suk doa la yaa deri yiti nna nwuli a jo Gibea tɛŋka, a waaŋ ka meena po, a ko tɛŋka nuruma meena ale gebik.

³⁸ Izirali demma a weeni baai ale suk doa la kama ayen ba ju tɛŋka ale bolim ate ba dan nya nyuisa ase chiŋmari la a nyini tɛŋka po,

³⁹ Izirali demma baai ale kan suk doa la yaa le chali jam kpaliŋka po. Benjamin demma a jam pilim te Izirali demma ka tueta a paari ase nuruba pisita la, ale weeni ayen, <>

⁴⁰ Alege nyuisaŋa ale yiti tɛŋ kpieŋka po la, Benjamin demma a viriŋ nya ale tɛŋka meena a chɔgsi bolim ate nyuisa a jo chiŋmaaŋa po.

⁴¹ Izirali demma a yaa viriŋ jueli ba zuk, Benjamin demma nyiŋsa yaa jam a gɔk nna pampam, dii nyiŋla ba jam seba kama ayen kaasuŋ ale jam ba zuk.

⁴² Ba yaa yiti chali alege Izirali demma a duŋ gɔnni po, alege ba an jam baga chali beya. Izirali dem baai ale jam nyini tɛŋka po nyini la yaa kasi ba a che che ba a lɔnsi dula.

⁴³ Ba jam gilim Benjamin demma a basi ka suŋsuŋ a vi yik ba nna moali moali ya Gibea tɛŋka kori geŋsa.

⁴⁴ Benjamin demma tusa pi ale naaniŋ (18,000) ale jam kpi, ba meena a jam ka tugurik tɔŋdɔba dek.

⁴⁵ Ase ba le viriŋ a duŋ gɔnni po Arimmon Piuŋku nyiŋla, Izirali demma a ko ba po ka tusa ŋanu (5,000) suiku po. Ba jam a saŋ ba ŋaaŋ ka dila a ga paari Gidom a ŋman ko nuruba tusa ŋaye (2,000).

⁴⁶ Dai dila danni Benjamin demma tusa pisiye ale ŋanu (25,000) ale kpi, ba meena a jam ka tugurik tɔŋdɔba dek.

⁴⁷ Alege nuruba kobsiyuebi ale chali jo gɔnni po Arimmon piuŋku geŋsa a bo dula a paari chiisa sinaansi.

⁴⁸ Izirali demma a yaa ŋman cheŋ Benjamin demma jigi a ko ba meena, a gum chaab ale ba duŋsaŋa ale jaab meena ate ba nya la. Tɛŋ kpien sii meena ate ba a nya la, ba ju si ale ka bolim.