Niŋdeerɔba 19 - WEN GBAŊKA

¹ Da ŋala po Izirali a jam ka naaba. Yɔgyɔgla de ka Livai waai ale jam bo niŋniŋ Ɛfraim tɛŋka ate guuta a bo ka po la, ale jam ta nipok a nyini Betiliyem ale bo Juda po la a jam ayen wa boro ale wa.

² Alege wa jam ka wensie ale wa. Nipowa a jam basi wa kama ale nyini ga bo wa kowa yenni ale Betiliyem ale bo Juda po la. Wa le jam bo dula paari chiisa sinaansi ŋaaŋnyiŋ la,

³ wa chorɔwa a jam saŋ wa ŋaaŋ kama ayen wa ta wa a kuli. Nidoawa a jam ta ka wa tomteerɔ ale bonsa siye a cheŋ. Nipowa yaa ta wa a jo wa kowa yenni po. Ase wa ŋachobwa ale nya wa la, wa sui yaa peenti nna yegayega ate wa tuesi wa nalimnyiini.

⁴ Wa ŋachobwa, nipowa kowa yaa weeni wa ayen wa goa, dila wa yaa jam bo dula a paari daa ŋata a dɛ ale a nyu a goa paari daa ŋata.

⁵ Daa ŋanaansiwa danni wa yaa zue yiti gomsi ayen wa kuli, alege nipowa kowa a weeni wa chicham biika ayen, <>

⁶ Dila ba nɔi bayema a yaa kali ba dɛ abe ba nyu ale chaab. Dila ŋaaŋnyiŋ nipowa kowa a ŋman weeni wa ayen, <>

⁷ Nuruwa ale yiti wa kuli la, wa ŋachobwa a diem va wa kama ayen wa goa, ate wa ŋman goa yok kula.

⁸ Saluik daa ŋanuwa danni, ase nuruwa ale yiti wa cheŋ la, nipowa kowa ayen yɔgli fidek. <> Dila ba nɔi bayema a ŋman dɛ ale chaab.

9 Ase nidoawa ale wa powa ale wa tomteerɔwa ale yiti ba kuli la, wa ŋachobwa nipowa kowa yaa weeni ayen, <>

¹⁰ Alege ba le kaa yaali ba ŋman goa yok ku choa la, nidoama a yaa nyini a duŋ Jebus nyiŋ, Jerusalem ale la, ale wa bonduensa siyewa ale wa powa.

¹¹ Ase ba le ga moata Jebus ale vanni a moata veenti ka la, tomteerɔwa yaa weeni wa kpagni ayen <>

¹² Ate wa kpagni a tulisi ayen, <>

¹³ Wa ŋman weeni a gum du ayen ni jam ate ti paari Gibea yaase Arama a goa tɛŋsaŋa de kanyi po.>>

¹⁴ Dila ba yaa jam a cheŋ, wenbinni a jam boro a siŋ kama ase ba le moata Gibea ale bo Benjamin po la.

¹⁵ Ba yaa jam goa dula yok kula. Ba jam ga kala ka tɛŋ kpieŋka peelimmu po, alege waai an jam ta ba a kuli wa yeri ayen ba goa.

¹⁶ Junɔi dila nisɔmma ale nyini Ɛfraim tɛŋka ate guuta a bo ka po la, waai ale jam bo Gibea po la. Nuru baai ale jam bo dula la ka Benjamin dem, a nyini talim tuima jigi a jam.

¹⁷ Wa le nya nyeendɔma ale ba kala tɛŋ kpieŋka peelimmu po la, nisɔmawa yaa bek ba ayen, <>

¹⁸ Wa yaa tulisi ayen, <

¹⁹ Ti nɔi tiyema a ta ŋandiinta a magsi ti bonsaŋa dɛka kama. Tama a ta ŋandiinta ale daam a magsi tidek, fi tomteerɔwa mi ale fi nipokbili tomteerɔwa nidoabili paalika ale va ti la. Ti kan yaali jaaboa.>>

²⁰ <> ate nisɔmawa a yaa weeni ayen, <>

²¹ Dila wa yaa ta wa a jo wa yenni po a te wa bonsaŋa ŋandiinta. Ba le sugri ba naŋsaŋa a nueri la, ba yaa dɛ ŋandiinta ale nyu.

²² Ase ba le boro a dɛ la, gaasa nuruma de gela ale bo tɛŋ kpieŋka po la, a yaa jam gilim yenni. A nak tuoku ale a na nisɔmawa waai ale soa yenni la ayen, <>

²³ Yenni nyɔnɔwa yaa nyini peelim a weeni ba ayen, <

²⁴ Nya, m lie ale nna wa zɛ nidoa ale nichaanɔwa pok ale nna. Mi ale pa ba a te ni yɔgyɔgla de, ate ni nye ba dii meena ate ni a yaali la. Alege nuruwa de ni kan nye chivieŋa de.>>

²⁵ Alege nidoama an jam wom wa. Nuruwa yaa ta wa powa, a nyini te ba ate ba fɛ goa ale wa yokku meena, ale basi wa saluik yokyok ate wa kuli.

²⁶ Vari ale veenti la nipowa yaa ŋman kuli yeri juijui ate wa kpagni a boro la, a lo doa nansuiŋku nɔi ate wenbinni pusi paari wa dula.

²⁷ Ase wa kpagni ale yiti saluiku a lak yenni tuoku a nyini wa cheŋ la, dula ale wa powa a doa, a lo doa yenni tuoku nɔi, ate wa nisaŋa a vi gaam joka jigini.

²⁸ Ate wa weeni wa ayen, <> alege wa an tulisi ya. Ate nuruwa a yaa pa wa a kali wa bonika zuk a duŋ yeri.

²⁹ Wa le jam paari yeri la, wa yaa pa gebik a gebi wa powa bunabuna a paari pi ale buye a ta cheŋ gilim Izirali kabtaŋa meena.

³⁰ Waai meena ale jam nya dila la a weeni kama ayen, <>