Niŋdeerɔba 12 - WEN GBAŊKA

¹ Ɛfraim nuruma yaa wi ba tugurik tɔŋdɔma a ga va Zafon a weeni Jepeta ayen, <>

² Jepeta yaa tulisi ba ayen, <

³ Mi ale nya ni kan maari la, mi yaa pai m nyuvunni a da a lo jueli a ga nye kpaliŋ ale Ammon demma ate Naawen a pai ba nyo m nisima po. Ka boa ate nama a jam jinla de a yaa ni nye kpaliŋ ale mi?>>

⁴ Jepeta yaa wi Gilead nuruma meena ate ba tigsi chaab a nye kpaliŋ ale Ɛfraim demma. Gilead demma a jam ko ba, dii nyiŋla Ɛfraim demma a jam weeni kama ayen, <>

⁵ Gilead demma jam nya pagrim suik kpeŋŋi ale nyini Jodan Benni po a taam Ɛfraim la. Diipo meena Ɛfraim a dan weeni ayen, <> Gilead demma a nyiem bek kama ayen, <> Wa dan tulisi ayen, <>

⁶ Ba yaa weeni ayen ku nala, be weeni ayen, <> Wa dan weeni ayen, <> Dii nyiŋla wa an baga a wi wanni nalimnyiini, ba yaa yik wa a ko suik kpeŋni ale lo Jodan benni a jueli la. Ɛfraim demma tusa pisinaansi ale ŋaye (42,000) ate ba jam ko.

⁷ Jepeta jam nya Izirali tɛŋka zuk a paari ka bena ŋayuebi. Gilead denɔwa Jepeta yaa kpi ate ba gu wa tɛŋ kanyi Gilead po.

⁸ Wa ale kpi la ŋaaŋnyiŋ, Betiliyem denɔwa Ibzan ale jaa nya Izirali zuk.

⁹ Wa jam ta ka nidoabilisa pisita ale lieba pisita. Wa jam pai wa liema a yalisi ka baai ale kan nyini wa buuni po la, ale faari tɛŋ sii ale kan daa wa buuni po la lieba a te wa nidoabilisa pisitawa meena. Ibzan jam nya Izirali zuk ka bena ŋayopɔi.

¹⁰ Ate Ibzan a kpi ate ba gu wa Betiliyem po.

¹¹ Wa la ŋaaŋnyiŋ ka Zebulun denɔwa Elon ale jam ŋma a nya Izirali tɛŋka zuk a paari bena pi.

¹² Elon mɛ a jam kpi kama ate ba gu wa Aijalon ale bo Zebulun po la.

¹³ Wa mɛ ŋaaŋnyiŋ ka Yillel nidoabinni Abdon ale nyini Piraton la ale ŋman jaa nya Izirali tɛŋka zuk.

¹⁴ Wa jam ta ka nidoabilisa pisinaansi ale ŋaaŋsa pisita baai ale jam a do bonsa pisiyopɔi. Wa nya Izirali zuk ka bena naaniŋ.

¹⁵ Yillel nidoabinni Abdon yaa jam kpi ate ba gu wa Piraton ale bo Ɛfraim tɛŋka ale bo guuku zuk ate ba a wi ayen Amalek demma tɛŋ la.