Niŋdeerɔba 10 - WEN GBAŊKA

¹ Abimelek daaŋa ŋaaŋnyiŋ, nuru ale nyini Isaka dɔkku, wa yuei ale Tola, Pua nidoabinni ate Dodo chim wa ko kpieŋ la. Tola yaa yiti ayen wa vari Izirali a basi. Wa jam bo ka Samir po, Ɛfraim ate guuta a bo ka po la.

² Wa jam dɛ Izirali demma niŋ ka bena pisiye ale ŋata ale kpi ate ba gu wa Samir po.

³ Wa jam basi ate ka Jair ale nyini Gilead la a va wa, waai ale jam de Izirali demma niŋ a paari bena pisiye ale ŋaye la.

⁴ Wa jam ta ka nidoabilisa pisita baai ale jam a do bonsa pisita. Ba jam a nya ka tɛŋsa pisita zuk Gilead po sii ate jinla ba a wi ayen Yavvot Jair la.

⁵ Jair ale jam kpi la, ba jam gu wa ka Kamon po.

⁶ Izirali demma a ŋman jam nye ka biem Naawen nimbie po. Ba jam va ka Baal ale Astoret ale Araam demma ale Saidon demma ale Moab demma ale Ammon demma ale Filistia demma wenaŋa. Izirali demma ale jam zɛri Naawen ale an ŋman tom a te wa la nyiŋ.

⁷ Wa sui yaa jam puuri ale ba. Ate wa pai ba a nyo Filistia demma ale Ammon demma nisa po,

⁸ baai ale jam namsi ba ale ŋɔriŋ ba. Bena pi ale naaniŋ, ba jam namsi Izirali demma meena ale bo Jodan ate ka bo Gilead po la kori geŋsa Amori demma tɛŋka po.

⁹ Ammon demma a jam lo Jodan beni a jueli a nye kpaliŋ ale Juda ale Benjamin ale Ɛfraim yenni demma ate Izirali a jam bo daanika yegayega po.

¹⁰ Ate Izirali demma a jam kaari a te Naawen ayen, <>

¹¹ Naawen yaa tulisi ayen, <

¹² ale Saidon ale Amalek ale Maon demma ale jam a namsi ni la ate ni kum te mi a yaali maarika la, mi an jam vari ni a ta nyini ba nisa po a basi ya?

¹³ Alege ni jam zɛri mi kama ale va bɔgluk yoŋta, dila mi a kan ŋman vari ni a basi.

¹⁴ Ni cheŋ a ga kaari a te bɔgluk tii ate ni lueri la. Ni basi ate ŋala a vari ni a basi diipo ate ni bo daanika po la.

¹⁵ Alege Izirali demma a weeni Naawen ayen, <>

¹⁶ Ate ba yaa kpiti bɔgluk chaŋsaŋa a basi ale tom a te Naawen. Wa an jam bag a ta niniŋŋa ŋmana.

¹⁷ Ase ba le jam wi Ammon demma ayen ba gomsi badek ate ba ga tigsi Gilead la, Izirali demma a jam tigsi bo ka Mizpa.

¹⁸ Gilead nuruma niŋdeerɔma a yaa weeni chaab ayen, <>