Niŋdeerɔba 1 - WEN GBAŊKA

¹ Josua kummu ŋaaŋnyiŋ, Izirali demma a yaa bek Naawen ayen, <>

² Naawen a yaa tulisi ayen, <>

³ Juda demma a yaa weeni Simeyon demma ba suataŋa ayen, <> Simeyon demma a yaa jam va ba cheŋ.

⁴ Juda demma ale jam nye kpaliŋka la, Naawen a yaa pai Keenan ale Perizzi a nyo ba nisima po ate ba ko nuruba tusa pi (10,000) Bezek tɛŋka po.

⁵ Ka dula jigini ate ba jam nya Adoni Bezek a nye kpaliŋ ale wa a nya pagrim Keenan ale Perizzi demma zuk.

⁶ Adoni Bezek a jam yiti chali kama, alege ba vi yik wa kama a gebi wa naŋsaŋa ale wa nisimaŋa nandub doataŋa a basi.

⁷ Ate Adoni Bezek a weeni ayen, <> Ba jam ta wa jam ka Jerusalem ate wa kpi dula.

⁸ Juda demma a jam siti Jerusalem mɛ a tuesi ka. Ba jam ko tɛŋka demma kama ale juka ale bolim.

⁹ Dila ŋaaŋnyiŋ, Juda demma a yaa cheŋ ayen ba nye kpaliŋ ale Keenan demma ale bo guuku zuk la Negev ale guutaŋa chiak yeniŋ geŋ la.

¹⁰ Ba jam nya pagrim Keenan demma ale bo Yebron ate ba jam a te ka yuei ayen Kiriat Arba la ale nak yiak Sesai ale Ayiman ale Talmai.

¹¹ A nyini dula ba jam kasim nya ka pagrim nuru baai ale jam bo Debir po ate ba jam a te ka yuei ayen Kiriat Sefer la.

¹² Ate Kaleb weeni ayen, <>

¹³ Kenaz nidoabinni Otniel, Kaleb yuawa a yaa nak yik ka, ate Kaleb a pai wa liewa Aksa a yalisi wa.

¹⁴ Yalika danni Otniel a yaa weeni liewa ayen wa bek wa kowa ate wa te wa tɛŋ. Wa yaa nyini wa bonika zuk a siŋ, ate Kaleb a yaa bek wa ayen, <>

¹⁵ Ate liewa a tulisi ayen, <> Kaleb yaa te wa bulik sii ale bo pimpitini zuk ale viaka po la.

¹⁶ Moosis ŋachobwa Ken denɔwa ŋaaŋbisaŋa yaa basi Kpinkpatta Tɛŋka ale Juda nuruma a ga bo ale Juda Gɔnni nuruma Negev po a moata Arad.

¹⁷ Juda nuruma a jam va Simeyon demma ba suataŋa a ga nye kpaliŋ ale Keenan demma ale bo Zefat la ale kaasi tɛŋka meena. Dila nyiŋla ka yuei jam le Yorma.

¹⁸ Juda demma a jam maa tuesi ka Gaza ale Askelon ale Ekron, tɛŋ meena ale ka tɛŋbain.

¹⁹ Naawen a jam bo ale Juda demma kama. Ba jam tuesi tɛŋ kaai ale bo guuku zuk la kama, alege ba an jam baga a yiak nuru baai ale bo peelimmu po la a basi ya, dii nyiŋla ba jam ta ka kuta torokoba.

²⁰ Ase Moosis ale puulim la, ba jam pai Yebron tɛŋka te ka Kaleb waai ale yiak Anak bisa batawa a basi la.

²¹ Benjamin buuni an jam baga yiak Jebus demma baai ale jam bo Jerusalem po la a basi kama, ale jinla de Jebus demma a diem bo ale ka Benjamin demma.

²² Josefi yenni demma mɛ a jam nye kpaliŋ ale Betel tɛŋka ate Naawen a bo ale ba.

²³ Ba le jam tom nuruba ayen ba ga kpesi nya Betel ate ka yuei a chim Luz la,

²⁴ kpesi nyaarɔma yaa nya nuru ale wa nyini tɛŋka po a nyini ate ba yaa weeni wa ayen, <>

²⁵ Ate wa yaa sak ba, ate ba ko tɛŋka nuruma ale gebik alege basi nuruwa ale wa dɔkdemma meena.

²⁶ Ate wa yaa cheŋ Yit demma tɛŋka po, dula jigini wa jam sɛ ka tɛŋ ka yuei jam le Luz, ka yuei diem ale la a ta jam paari jinla danni.

²⁷ Alege Manasa demma an jam yiak Bet San yaase Taanak yaase Dor yaase Ibleam yaase Megiddo tɛŋsaŋa ale baai ale kali gilim ba la a basi ya, dii nyiŋla Keenan demma a jaa yaali ba bo ka tɛŋ kala po.

²⁸ Ase Izirali demma ale jam nya pagrim la, ba yaa namsi Keenan demma ale fifiok tuima alege an yiak ba a basi ya.

²⁹ Ɛfraim demma mɛ an jam yiak Keenan demma ale jam bo Gaza la, Keenan demma a diem jam bo ka dula ale ba.

³⁰ Zebulun demma an jam yiak Keenan demma ale bo Kitron yaase Nayalol po la, baai ale tali bo ale ba la a basi ya, alege ba an jam a basi ate ba a tom fifiok tuima.

³¹ Yaase Asɛ demma a yiak baai ale bo Akko la yaase Saidon la yaase Alab la yaase Akzib la yaase Yelba yaase Afek la yaase Areyob la a basi ya,

³² dila nyiŋla Asɛ demma a yaa jam bo ale Keenan demma.

³³ Nafitali demma mɛ an jam yiak baai ale bo Bet Sɛmes la yaase Bet Anat la a basi ya, alege Nafitali demma mɛ a jam bo Keenan demma tɛŋka po, ate baai ale bo Bet Sɛmes ale Bet Anat la a yaa jam chim fifiok tomteerɔba a te ba.

³⁴ Amori demma a jam kasi Dan demma a basi ka tɛŋ kaai ale ta guutaŋa la po, a kan basi ate ba siŋ jam tɛŋka peelimmu po.

³⁵ Amori demma mɛ a jam a yaali ba nyini Yeres Guuku ale Aijalon ale Saalbim a siŋ kama, alege Josefi yenni pagrimu ale jam gum du la, ba jam fɛ ba mɛ kama a te ba fifiok tuima.

³⁶ Amori demma tɛŋ banni a jam nyini ka Nueoŋ Guuku a ga va Sela a siŋ a cheŋ.