Ezra 9 - WEN GBAŊKA 1 Wieŋa de meena ale jam nye la ŋaaŋnyiŋ, niŋdeerɔma a yaa jam a weeni mi ayen, < 2 Ba jam faari tɛŋ sila liema gela kama a te badek ale ba nidoabilisaŋa, ale pai baai ale gaari badek la a gum chaab ale tɛŋ sila nuruma. Niŋdeerɔma ale kpaŋŋa ale jam a dɛ niŋ a sak nye kaasuŋku. 3 Ase mi ale ga wom nya kude la, m yaa dari m gattaŋa a cheeri ale dari m zukku zuisaŋa ale m teeŋka a vɔssi alege kali tɛŋ ale daanika. 4 Ate baai nyiŋsa ale a gɔk Izirali Wenni wieŋa nyiŋla a yaa tigsi a gilim mu nuruma de ale kan ta siaka la nyiŋ. Mi jam kala kama ale daanika a ta ga paari diipo ate ba nye junɔinni kaabka la. 5 Ase ku ale ga paari junɔinni kaabka la, mi yaa yiti zaani ale m gattaŋa tii ale cheeri la, a kpi duna tɛŋ a zak nisa a te Naawen m Wenni 6 a puusi ayen, < 7 A nyini ti kokpieŋsaŋa daaŋa po a ta jam paari jinla, ti biemu a kasim zuak kama. Alege ti biemu nyiŋ, tama ale ti nalimaŋa ale ti kaabteerɔma a yaa jo ti dachaasaŋa ale ba nalimaŋa nisima po ase ku ale ka dii jinla nna. 8 < 9 Tama ka yɔm, alege tama Wenni an zɛri ti a basi ya. Wa jam sak wa ŋmanteka ale ti kama Persia nalimaŋa niŋ: Wa jam te ti ka nyuvuri paalik ayen tama a ŋman pilim sɛ ti Wen yenni, ale te ti parik ate ka kasi Juda ale Jerusalem meena. 10 < 11 ate fi pai a te ti a ta va fi tomteerɔma ale ka biisiteerɔba la zuk diipo ate fi a weeni ayen, 12 Dila nyiŋ nama a kan pai ni liema a yalisi ba bisaŋa yaase ni a faari ba liema a te ni bisaŋa. Ni poom kan nye wari ate ku a sak ayen nama a yaali ni dɛ ka doata ale ba diipo diipo, dila ale ku basi ate ni pagra abe ni dɛ tɛŋka ŋanmaŋsaŋa abe ni tali a te ni bisaŋa ate ba ale kasim a boro taam wuu.> 13 < 14 Tama a ŋman magsi ayen ti ŋman pilim a tom kaasi fi buusaŋa abe ti ga faari baai ale tom a kaasi fi la? Fi sui a kan puuri ale tama ate fi kaasi ti, ate fi kan tali nuruba magadek yaase javuk mɛ la? 15 Naawen yaa, Izirali Wenni, fi ka waai ale ka wayɔrisima nyɔnɔ. Fi a tali ti a basi kama. Dila nyiŋla tama a bo ka fi niŋ ale ti kaasuŋku, kula nyiŋ ale soa ate tama wanyi mɛ la an baga a zaani fi niŋ la.>> |
© 2023, Ghana Institute of Linguistics, Literacy and Bible Translation