Ezra 8 - WEN GBAŊKA

¹ Baai ale jam dɛ ba dɔkdemma niŋ la ale baai yue ale jam ŋmarisi ate ba va mi a nyini Babilon a jam diipo ate Artasaset a chim naab la ale nna:

² Gersom a jam nyini ka Fineyas buuni po ate Daniel a nyini Itamar buuni po alege ate Yattus Sekania nidoabinni a nyini Deevid buuni po;

³ Zakaria a jam ka Paros buuni po. Ba jam ka nidoaba kook ale pisinu.

⁴ Zerayia nidoabinni Elieyoenai a jam nyini ka Payat Moab buuni po. Ba jam ka nidoaba kobsiye.

⁵ Jayaziel nidoabinni Sekania ka Zattu buuni po. Ba mɛ a jam ka nidoaba kobsita.

⁶ Jonatan nidoabinni Ebed ate wa nyini Adin buuni po la ale wa nidoaba a jam ka pisinu.

⁷ Ataliaya nidoabinni Jesaiya ate wa nyini Iilam buuni po la ale wa nidoaba a jam ka pisiyopɔi.

⁸ Maakil nidoabinni Zebadia a nyini ka Sefatia buuni po. Ba mɛ a jam ka nidoaba pinaanuŋ.

⁹ Jeyiel nidoabinni Obadia ate wa nyini Joab buuni po la ale wa nidoaba a jam ka kobsiye ale pi ale naaniŋ.

¹⁰ Josifia nidoabinni Selomit a nyini ka Bani buuni po. Ba jam ka nidoaba kook ale pisiyuebi.

¹¹ Bebai nidoabinni Zakaria a nyini ka Bebai buuni po. Ba mɛ a jam ka nidoaba pisiye ale naaniŋ.

¹² Joyanan ate wa kowa a nye Yakkatan la a nyini ka Azgad buuni po. Ba jam ka nidoaba kook ale pi.

¹³ Elifelet ale Jeuel ale Sɛmaiya ka Adonikam buuni ale la. Ba jam ka nidoaba pisiyuebi a jam ŋaaŋnyiŋ.

¹⁴ Utai ale Zakkur ate ba nyini Bivai buuni po la a jam ka nidoaba pisiyopɔi.

¹⁵ Mi yaa tigsi ba a ta moata buboali kaai ale chali va Ayava benaŋka la jigini, ti jam bo dula a paari ka daa ŋata. Mi ale kpesi a nya nuruma ale kaabteerɔma po la mi an jam nya Livai denɔ ba po.

¹⁶ M yaa weeni Ɛlieza ale Ariel ale Sɛmaiya ale Elnatan ale Jarib ale Elnatan ale Natan ale Zakaria ale Mesullam baai ale ka niŋdeerɔba la ale Joiarib ale Elnatan baai zamsika ale zuak la,

¹⁷ a yaa tom ba Iddo jigi wa la ale chim Kasifia tɛŋka kpagi. M weeni ba ale ba weeni Iddo ale wa nuruma, baai ale a tom Wen yenni po ate di bo Kasifia po la dii ale magsi ba nye la kama dila ale ku basi ate ba niŋ a bo ale ti Wen yenni jigi.

¹⁸ Ti Wen nisaŋa ale bo ti zuk la, ba yaa ta Serebia, nuru maŋ, wa jam ka Livai a nyini Mayali buuni po. Wa ale wa bisaŋa ale wa suataŋa a jam ka pi ale naaniŋ.

¹⁹ Yasabia ale Jesaiya ale nyini Merari buuni po la ale wa suataŋa ale wa suataŋa bisaŋa a jam ka nuruba pisiye.

²⁰ Ba jam ta ka nuru baai ate Naab Deevid ale wa nuruma a jam lueri ayen ba a maari Livaima kobsiye ale pisiye wa la a jam. Ba jam ŋmarisi ba meena yueŋa kama.

²¹ Ayava benaŋka nɔi, m yaa weeni ayen ti bobi nɔi, dii ale ku basi ate tama a zɛri tidek ti Wenni niŋ abe ti bek wa ate wa nya tama ale ti bisaŋa chelimu zuk ale ŋanti baai ate ti ta la zuk.

²² Chivie ale jam ta mu ate mi an baga a weeni Naawa ayen wa basi ate tugurik tɔŋdɔma ale wusum duerɔba a kasi ti ti dachaasaŋa nisima po a basi ase tama ale jam bo suiku po a cheŋ la, dii nyiŋla, ti weeni naawa kama, <>

²³ Dila nyiŋ ti yaa bobi nɔi a bek ti Wenni nya kude ate wa yaa tulisi ti puusaŋa.

²⁴ Ate mi yaa lueri kaabteerɔba pi ale baye a gum chaab ale Serebia ale Yasabia ale ba suataŋa pi,

²⁵ ale magsi kpana ale ligmɔniŋ tiirim ale ŋan baai meena ate naawa ale wa nisɔmma ale Izirali demma ayen ba pai a maari Wen yenni tuimaŋa la a te ba.

²⁶ Mi yaa magsi kpana ligbie boorik dobrim kobsiyuebi ale pisinu, ale kpana ŋantomta magsika boorik dobrim kook ale ligmɔniŋ boorik dobrim kook,

²⁷ ale ligmɔniŋ taasa pisiye ale a magsi chaab ale boorik dobrim bunaansi la ale kutuk mɔnuŋ ŋantomta baye ale salisi a nala la a ta tuilum ase ligmɔniŋ la.

²⁸ Mi yaa weeni ba ayen, <

²⁹ Ni kpesi a nya ba zuk nalimnyiini a ta ga paari diipo ate nama ale pai ba a nyo Naawen yenni ale bo Jerusalem po la, kaabteerɔma ale Livaima ale Izirali demma niŋdeerɔma nisima po.>>

³⁰ Ate kaabteerɔma ale Livaima a yaa tuesi kpanaŋa ale ligmɔniŋka ale ŋan baai meena ale magsi ayen ba pai a ta cheŋ ti Wen yenni ale bo Jerusalem la po.

³¹ Chiik kaai ale dɛ niŋka la ka daa pi ale ŋayewa danni tama a yaa basi Ayava buboalika ayen ti cheŋ Jerusalem. Ti Wenni nisima a jam bo ti zuk kama ate wa a kasi ti a ta a nyini dachaasa nisima po ale baai ale a vari nuruba la jigi suiku po a basi.

³² Ti yaa jam paari Jerusalem, dula jigini ti yaa vuusi da ŋata.

³³ Daa ŋanaansiwa danni, ti Wen yenni po, tama yaa pai kpana ale ligmɔniŋ a nyo Yuraya nidoabinni Meremot kaabteerɔwa nisima po. Fineyas nidoabinni Eleaza a jam maa bo dula kama ale wa, Livaima Jesua nidoabinni Jozabad ale Binnui nidoabinni Noadiya mɛ a jam maa boro.

³⁴ Ba jam seba ŋantaŋa nɔi ale ka diila kama ale ŋmarisi dueni mɛ.

³⁵ Baai ale jam bo yɔntini po la a yaa ŋman kuli a yaa nye juka kaabka a te Izirali Wenni: Lalisa pi ale siye a nye kaabka a te Izirali meena, padaasa pineok ale siyuebi ale padabilisa pisiyopɔi ale siyopɔi ale budukta pi ale tiye a nye biem tiirim kaabka. Nya kude meena a jam ka jiam a te Naawen.

³⁶ Ba jam pai naawa ale weeni diila a sak niŋdeerɔwa waai ale a nya Benni Kunkɔŋ Kinkala zuk la kama, waai ale jam a maari nuruma ale Wen yenni la.