Ezra 5 - WEN GBAŊKA

¹ Yɔgyɔgla de Naawen biisiteerɔwa Aggai ale biisiteerɔwa Zakaria, Iddo ŋaaŋbiika, a jam mooli te Juuma ale bo Juda ale Jerusalem po la Izirali Wenni yuei nyiŋ, waai ale a nya ba la.

² Ate Sealtiel nidoabinni Zerubabel ale Jozadak nidoabinni Jesua a yaa piilim tuima a boro a sɛ Naawen yenni Jerusalem po. Ate Naawen biisiteerɔma a jam maa boro ale ba, a maari ba.

³ A nyini dila po wa Yufiretis Benni Kunkɔŋ Kinkala zuk niŋdeerɔwa Tattenai ale Setar Bozenai ale ba vaanchaama a jam cheŋ ba jigi a bek ayen, <>

⁴ Ba mɛ a ŋman bek ba ayen, <>

⁵ Alege ba Wenni nina a jam bo Juuma nisɔmma zuk kama, alege ba an basi tomka a ta ga paari diipo ate tontomiŋka a jam paari Darius ate wa yaa ŋmarisi tulisi ba.

⁶ Gbaŋka ate Tattenai, niŋdeerɔ waai ale jaa a nya Yufiretis Benni Kunkɔŋ Kinkala zuk la ale Setar Bozenai ale ba vaanchaama, ale kpaŋŋa meena ale bo Yufiretis Benni Kunkɔŋ Kinkala la ale jam tom te Naab Darius la ale nna.

⁷ Wie ŋaai ate ba jam tom a te wa la ale nna. Naab Darius tama a puusi fu.

⁸ Naawa a magsi ayen wa seba ayen tama cheŋ Juda tɛŋka po kama, ale Naawen Kpienni yenni. Nuruma a boro a pai tintain kpiema a sɛ ale pai tapaga a vi parika zuk. Tuini a cheŋ kama nalimnyiini ase di ale magsi di cheŋ diila.

⁹ Tama a yaa bek niŋdeerɔma ayen, <>

¹⁰ Ti be ŋman pilim bek ba kama ayen ba yue ale boa? Dii ale ku nye ate tama ŋmarisi ba niŋdeerɔma yueŋa ate ti weeni ba wie a sak fu.

¹¹ Dii ate ba tulisi ti la ale nna: <

¹² Alege ti koma ale nye ate wenŋmazuk Wenni sui a puuri la, wa yaa pai ba a nyo Nebukadnezzar Kaldiya denɔwa nisima po, Babilon Naawa ale la, waai ale kaasi Wen yenni de alege ta nuruma a cheŋ Babilon tɛŋka.

¹³ Ku ŋaaŋnyiŋ, Babilon Naawa Sairus ale piilim a dɛ wa naamu ben diila, naab Sairus a yaa te suik ayen ba sɛ Wen yenni.

¹⁴ Wa yeeri ligmɔniŋka ale kpana ŋanti baai meena ate Nebukadnezzar a jam pai a ta nyini Wen yenni ale bo Jerusalem po la a ta kuli wa yenni Babilon la a te kama. <

¹⁵ Ale weeni wa ayen, <

¹⁶ Ate Sesbazzar wade a yaa jam dueni Wen yenni nyubini Jerusalem po. A nyini da di la danni a ta jam paari jinla ba diem boro a sɛ di kama ba an diem nueri ya.>>

¹⁷ Nya kude dan yɔk naawa sui, basi ate ti gisi a ta nyini naab yeri ŋiak wieŋa po a ta nyini Babilon po ate ti nya ase Naab Sairus a sum jam te ka suik ayen ba ŋman pilim sɛ Wen yenni Jerusalem po ya. Basi ate Naawa a weeni ti wa popolaŋa ale ka dii a ta va wanni de la.