Ezra 2 - WEN GBAŊKA

¹ Nuru baai ale nyini yɔntini po a jam la ale nna, baai ate Babilon naawa Nebukadnezzar a jam yik a ta cheŋ Babilon la. Ba jam ŋmani kuli Jerusalem ale bo Juda po la kama. Waai meena a cheŋ ka wa ale nyini tɛŋ kaai la.

² Baai ale jam maa va la ale Zerubabel ale Jesua ale Neyemia ale Seraiya ale Areelaiya ale Mordekai ale Bilsan ale Mispar ale Bigvai ale Areyum ale Baanaya. Izirali demma nidoama a jam le nna:

³ Paros ŋaaŋbisaŋa a jam ka tusa ŋaye ale kook ale pisiyopɔi ale baye (2,172).

⁴ Sefatia ŋaaŋbisaŋa a jam ka kobsita ale pisiyopɔi ale baye.

⁵ Araya ŋaaŋbisaŋa a jam ka kobsiyopɔi ale pisiyopɔi ale banu.

⁶ Payat Moab ale nyini Jesua ale Joab po la ŋaaŋbisaŋa a gum chaab a paari ka tusa ŋaye ale kobsinaaniŋ ale pi ale baye (2,812).

⁷ Iilam ŋaaŋbisaŋa a jam ka tusidi ale kobsiye ale pisinu ale banaansi (1,254).

⁸ Zattu ŋaaŋbisaŋa a jam ka kobsaneok ale pisinaansi ale banu.

⁹ Zakkai ŋaaŋbisaŋa a jam ka kobsiyopɔi ale pisiyuebi.

¹⁰ Bani ŋaaŋbisaŋa a jam ka kobsiyuebi ale pisinaansi ale baye.

¹¹ Bebai ŋaaŋbisaŋa a jam ka kobsiyuebi ale pisiye ale bata.

¹² Azgad ŋaaŋbisaŋa a jam ka tusidi ale kobsiye ale pisiye ale baye (1,222).

¹³ Adonikam ŋaaŋbisaŋa a jam ka kobsiyuebi ale pisiyuebi ale bayuebi.

¹⁴ Bigvai ŋaaŋbisaŋa a jam ka tusa ŋaye ale pisinu ale bayuebi (2,056).

¹⁵ Adin ŋaaŋbisaŋa a jam ka kobsinaansi ale pisinu ale banaansi.

¹⁶ Ater ale nyini Azekaya po la ŋaaŋbisaŋa a jam ka pineok ale naaniŋ.

¹⁷ Bezai ŋaaŋbisaŋa a jam ka kobsita ale pisiye ale bata.

¹⁸ Jora ŋaaŋbisaŋa a jam ka kook ale pi ale baye.

¹⁹ Yasum ŋaaŋbisaŋa a jam ka kobsiye ale pisiye ale bata alege ate,

²⁰ Gibbar ŋaaŋbisaŋa a jam ka pineok ale banu.

²¹ Betiliyem tɛŋka demma a jam ka kook ale pisiye ale bata.

²² Netofa tɛŋka demma a jam ka pisinu ale bayuebi.

²³ Anatot tɛŋka demma a jam ka kook ale pisiye ale naaniŋ.

²⁴ Azmavet tɛŋka demma a jam ka pisinaansi ale baye.

²⁵ Kiriat Jearim ale Kefira ale Beerot tɛŋsaŋa demma a gum chaab a jam ka kobsiyopɔi ale pisinaansi ale bata.

²⁶ Arama ale Geba tɛŋsaŋa demma a gum chaab a jam ka kobsiyuebi ale pisiye ale wanyi.

²⁷ Mikmas tɛŋka demma a jam ka kook ale pisiye ale baye.

²⁸ Betel ale Ai tɛŋsaŋa demma a jam ka kobsiye ale pisiye ale bata.

²⁹ Nebo tɛŋka demma a jam ka pisinu ale baye.

³⁰ Magbis tɛŋka demma a jam ka kook ale pisinu ale bayuebi.

³¹ Iilam tɛŋka dem mbala a jam ka tusidi ale kobsiye ale pisinu ale banaansi (1,254).

³² Yarim tɛŋka demma a jam ka kobsita ale pisiye.

³³ Lod ale Yadid ale Ono tɛŋsaŋa demma a gum chaab a jam ka kobsiyopɔi ale pisiye ale banu.

³⁴ Jeriko tɛŋka demma a jam ka kobsita ale pisinaansi ale banu.

³⁵ Senaa tɛŋka demma a jam ka tusa ŋata ale kobsiyuebi ale pisita (3,630).

³⁶ Kaabteerɔma a jam le nna: Jedaya ŋaaŋbisaŋa ale nyini Jesua dɔkdemma po la a jam ka kobsaneok ale pisiyopɔi ale bata.

³⁷ Immer ŋaaŋbisaŋa a jam ka tusidi ale pisinu ale baye (1,052).

³⁸ Pasur ŋaaŋbisaŋa a jam ka tusidi ale kobsiye ale pisinaansi ale bayopɔi (1,247)

³⁹ Yarim ŋaaŋbisaŋa a jam ka tusidi ale pi ale bayopɔi (1,017).

⁴⁰ Livaima a jam le nna: Jesua ale Kadmiel ŋaaŋbisaŋa ale nyini Yodavia buuni po la a gum chaab a jam ka pisiyopɔi ale banaansi.

⁴¹ Yilendisaŋa a jam le nna: Asaf ŋaaŋbisaŋa a jam ka kook ale pisiye ale naaniŋ.

⁴² Baai ale a nya Naawen yenni nansuiŋtaŋa zuk la a jam le nna: Sallum ale Ater ale Talmon ale Akkub ale Yatita ale Sobai ŋaaŋbisaŋa a gum chaab a jam ka kook ale pisita ale neok.

⁴³ Naawen yenni tomteerɔma a jam le nna: Ziya ŋaaŋbisaŋa ale Yasufa ŋaaŋbisaŋa ale Tabbaot ŋaaŋbisaŋa ale

⁴⁴ Keros ŋaaŋbisaŋa ale Siaya ŋaaŋbisaŋa ale Padon ŋaaŋbisaŋa ale

⁴⁵ Lebanaya ŋaaŋbisaŋa ale Agabaya ŋaaŋbisaŋa ale Akkub ŋaaŋbisaŋa ale

⁴⁶ Yagab ŋaaŋbisaŋa ale Salmai ŋaaŋbisaŋa ale Yanan ŋaaŋbisaŋa ale

⁴⁷ Giddel ŋaaŋbisaŋa ale Gayar ŋaaŋbisaŋa ale Areaiya ŋaaŋbisaŋa ale

⁴⁸ Arezin ŋaaŋbisaŋa ale Nekoda ŋaaŋbisaŋa ale Gazzam ŋaaŋbisaŋa ale

⁴⁹ Uzza ŋaaŋbisaŋa ale Pasea ŋaaŋbisaŋa ale Besai ŋaaŋbisaŋa ale

⁵⁰ Asna ŋaaŋbisaŋa ale Meunim ŋaaŋbisaŋa ale Nefussim ŋaaŋbisaŋa ale

⁵¹ Bakbuk ŋaaŋbisaŋa ale Yakufa ŋaaŋbisaŋa ale Yaryur ŋaaŋbisaŋa ale

⁵² Bazlut ŋaaŋbisaŋa ale Meyida ŋaaŋbisaŋa ale Yarsa ŋaaŋbisaŋa ale

⁵³ Barkos ŋaaŋbisaŋa ale Sisera ŋaaŋbisaŋa ale Temaya ŋaaŋbisaŋa ale

⁵⁴ Nezia ŋaaŋbisaŋa ale Yatifa ŋaaŋbisaŋa.

⁵⁵ Solomon tomteerɔma ŋaaŋbisaŋa jam le nna: Sotai ŋaaŋbisaŋa ale Yassoferet ŋaaŋbisaŋa ale Peruda ŋaaŋbisaŋa ale

⁵⁶ Jaala ŋaaŋbisaŋa ale Darkon ŋaaŋbisaŋa ale Giddel ŋaaŋbisaŋa ale

⁵⁷ Sefatia ŋaaŋbisaŋa ale Yattil ŋaaŋbisaŋa ale Pokeret Yazzebaim ŋaaŋbisaŋa ale Ami ŋaaŋbisaŋa.

⁵⁸ Naawen yenni tomteerɔma ale Solomon tomteerɔma ŋaaŋbisaŋa a jam ka kobsita ale pineok ale baye.

⁵⁹ Nuruma de a jam nyini ka Tel Mela tɛŋka ale Tel Yarsa tɛŋka ale Kerub tɛŋka ale Addon tɛŋka ale Immer tɛŋka alege ba an jam baga a sak ayen ba buuni a nyini ka Izirali.

⁶⁰ Nuruma de jam le Delaiya ŋaaŋbisaŋa ale Tobiya ŋaaŋbisaŋa ale Nekoda ŋaaŋbisaŋa. Ba jam ka kobsiyuebi ale pisinu ale baye.

⁶¹ Kaabteerɔma po a jam le bade: Yabaiya ŋaaŋbisaŋa ale Yakkoz ŋaaŋbisaŋa ale Barzillai ŋaaŋbisaŋa. Nuruwa dɛ a jam faari ka Gilead denɔwa Barzillai lie ate ba yaa a deri a wi wa yuei dila.

⁶² Bade a jam gisi ba yueŋa kama alege ba an nya ŋa ate ba yaa yeeri ba a ta nyini kaabteerɔma po a nyini ase baai ale kan welema la.

⁶³ Niŋdeerɔwa a weeni ba ayen ba kan dɛ tuilum ŋandiintaŋa ba basi ate kaabteerɔwa a pai ŋanti baai ate ba a wi ayen Urim ale Tummim la a nye.

⁶⁴ Ba meena a gum chaab a paari ka tusa pisinaansi ale ŋaye ale kobsita ale pisiyuebi (42,360).

⁶⁵ Nidoaba ale nipooma ale jam chim tomteerɔma la a jam paari ka tusa ŋayopɔi ale kobsita ale pisita ale bayopɔi (7,337) ale ta nidoaba ale nipooba ate ba gum chaab a paari kobsiye a chim yilendisa.

⁶⁶ Ba wusumaŋa a jam ka kobsiyopɔi ale pisita ale ŋayuebi ate wusum bonsaŋa mɛ a paari kobsiye ale pisinaansi ale ŋanu.

⁶⁷ Ba Laalaakomima a chim kobsinaansi ale pisita ale ŋanu, alege ba bonsaŋa a chim tusa ŋayuebi ale kobsiyopɔi ale pisiye (6,720).

⁶⁸ Ase ba ale ga paari Naawen yenni ale bo Jerusalem la, yeeŋa nyama kpaŋŋa gela a yaa te tiirim a magsi chaab ale Naawen yenni sɛka.

⁶⁹ A ta magsi chaab ale ba pagrimu ale ka diila ba te ka ligmɔniŋ boorik dobrim pi ale bunu ale kpana ligbie dobrim tusa kobsiye ale pisinu alege gatta joka a paari kook a te kaabteerɔma.

⁷⁰ Kaabteerɔma ale Livaima ale yilendisaŋa, baai ale a nya nansuiŋtaŋa zuk la ale baai ale a tom Naawen yenni po la a jam boka badek tɛŋsaŋa po, a gum chaab ale nuruba gela, alege ate Izirali dem mbala meena a bo badek tɛŋsaŋa po.