Ezra 10 - WEN GBAŊKA

¹ Ase Ezra ale jam a puusi ale a weeni kaasuŋku ale a kum alege lo tɛŋ Wen yenni po la, Izirali demma nuru boari nidoaba ale nipooba ale bisa a yaa jam gilim wa. Ba mɛ a jam a kum kama.

² Ate Jeyiel nidoabinni Sekania, ate wa nyini Iilam buuni po la, a yaa weeni Ezra ayen, <

³ Yɔgyɔgla de, ni basi ate ti nye nɔiyeŋ ti Wenni niŋ ate wa basi ate nipooma de ale ba bisaŋa a cheŋ, a ta va m nyɔnɔwa sinsaŋŋa ale baai ale a chali ti Wenni buusaŋa la nyiŋ. Basi ate ku nye a magsi chaab ale Sinsaŋŋa.

⁴ Yiti zaani. Wanni de a bo ka fi nisima po. Ti ale maari fu, pii nyiŋ a nye di.>>

⁵ Dila nyiŋ Ezra a yaa zaani a basi ate Izirali kaabteerɔma baai ale dɛ niŋka la ale Livaima ale Izirali demma meena ayen ba pɛ ayen ba ale nye dii ate ba a zɔk ale chaab la. Ate ba yaa jam pɛ.

⁶ Ate Ezra a yaa ŋmani wa an jo Wen yenni po alege cheŋ ga jo Eliasib nidoabinni Jeyoyanan dɔkku po. Ase wa ale jam dula la, wa an jam dɛ jaaboa yaase wa nyu nyiam mɛ, dii nyiŋla wa jam kasim a kum kama baai ale nyini yɔntini po a jam la ale jam kan ta wensie la nyiŋ.

⁷ Ba yaa jam nye moolik Juda ale Jerusalem tɛŋsaŋa meena ayen ba tigsi chaab Jerusalem po.

⁸ Nuru waai a dan zɛri ate ku paari daa ŋata alege ate wa an jam ya wa le jɔk ŋan baai ate wa ta la a ta va kpaŋŋa ale nisɔmma ale zɔk diila, abe ba yiak wa baai ale ŋmani la tigsuŋku po.

⁹ Daa ŋatawa po Juda ale Benjamin demma meena a yaa jam tigsi chaab Jerusalem po. A nyini chiik kaai ale a saari neokku la ka daa pisiyewa danni, nuruma meena a yaa jam tigsi gigiluk a kala Wen yenni po, ŋmoruk ale jam a ni ale ba bo dula jigini ba tuka nyiŋ.

¹⁰ Ate Ezra waai ale ka kaabteerɔ la a yaa yiti zaani ale weeni ba ayen, <

¹¹ Yɔgyɔgla de ni weeni ni kaasuŋku a te Naawen, ni koma Wenni jigi, abe ni a nye wa yaalika. Ni poori nidek a nyini nuru baai ale gilim ni la po a nyini abe ni basi tɛŋ yonsaŋa liema ate ni faari la.>>

¹² Ate tigsuŋku meena a yaa tulisi ate ku jueli ayen, <

¹³ Alege nuruba yegayega ale bo dela ku be ŋman chim ka ŋmoruk nika vari dila nyiŋla tama a kan baga a zaani peelimmoa. Daa dila nyiini, ti kan baga a pai dai yeŋ yaase daa ŋaye nya wanni de zuwa, dii nyiŋla tama biemu a zuak ka nna yegayega.

¹⁴ Basi ate ti kpaŋŋa a tom a te tigsuŋku meena. Basi ate ti tɛŋka po waai meena ale faari tɛŋ yoŋ nipok la a jam ba le dak diipo la ale niŋdeerɔma ale baai ale a bo buusa la wanyi meena a nyini tɛŋ meena a va jam, a ta ga paari diipo ate tama Wenni suipuurumu a ta va wanni de zuk ale basi ti la.>>

¹⁵ Ka Asayel nidoabinni Jonatan ale Tikva nidoabinni Jazeya, bala nyiini ale Mesullam ale Livaiwa Sabbetai, ale maari ba ate ba zɛri nya kude.

¹⁶ Ate baai ale nyini yɔntini po a jam la a yaa nye dii ale magsi ba nye la. Kaabteerɔwa Ezra yaa lueri nuruba baai ale ka yie nyam la, nuru yeŋ a ta nyini buuri meena po, ale ŋmarisi ba meena yueŋa. Chiisa piwa ka piilimka danni ba yaa kali ayen ba kpesi wanni zuk.

¹⁷ A ta nyini chiik kaai ale dɛ niŋka la ka piilimka danni ba yaa jam tu chaab ale baai meena ale faari tɛŋ yonsa lieba la a nueri.

¹⁸ A nyini kaabteerɔma buuni po baai ale faari tɛŋ yonsa lieba la ale nna: A nyini Jozadak nidoabinni Jesua buuni po ale wa suataŋa ale nna: ka Maaseiya ale Ɛlieza ale Jarib ale Gedalia.

¹⁹ Ba a jam pɛ kama ayen ba yiak ba pooma alege waai meena a te padiak ayen ba nye kaabka ba kaasuŋ ku nyiŋ.

²⁰ A nyini Immer ŋaaŋbisaŋa po a jam ka Yanani ale Zebadia.

²¹ A nyini Yarim ŋaaŋbisaŋa po a jam ka Maaseiya ale Elaja ale Sɛmaiya ale Jeyiel ale Yuzaya.

²² A nyini Pasur ŋaaŋbisaŋa po a jam ka Elioenai ale Maaseiya ale Ismael ale Netanel ale Jozabad ale Elasa.

²³ Livaima po a jam ka Jozabad ale Simei ale Kelaiya, Kelaiya yuei di choa a jam le Kelita, ale Petayia ale Juda ale Ɛlieza.

²⁴ A nyini yilendisaŋa po a jam ka Eliasib. A nyini nansuiŋ limisidɔma po a jam ka Sallum ale Telem ale Uri.

²⁵ Izirali demma po a jam ka Paros ŋaaŋbisaŋa. Ŋaaŋbisaŋa de jam ka Aramiya ale Izzia ale Malkija ale Mijamin ale Eleaza ale Malkija ale Benaya.

²⁶ A nyini Iilam ŋaaŋbisaŋa po a jam ka Mattania ale Zakaria ale Jeyiel ale Abdi ale Jeremot ale Elaja.

²⁷ A nyini Zattu ŋaaŋbisaŋa po a jam ka Elioenai ale Eliasib ale Mattania ale Jeremot ale Zabad ale Aziza.

²⁸ A nyini Bebai ŋaaŋbisaŋa po a jam ka Jeyoyanan ale Yanania ale Zabbai ale Atlai.

²⁹ A nyini Bani ŋaaŋbisaŋa po a jam ka Mesullam ale Malluk ale Adaiya ale Jasub ale Seal ale Jeremot.

³⁰ A nyini Payat Moab ŋaaŋbisaŋa po a jam ka Adna ale Chelal ale Benaya ale Maaseiya ale Mattania ale Bezalel ale Binnui ale Manasa.

³¹ A nyini Yarim ŋaaŋbisaŋa po a jam ka Ɛlieza ale Isija ale Malkija ale Sɛmaiya ale Sɛyɛmeon ale

³² Benjamin ale Malluk ale Sɛmariya.

³³ A nyini Yasum ŋaaŋbisaŋa po a jam ka Mattenai ale Mattatta ale Zabad ale Elifelet ale Jeremai ale Manasa ale Simei.

³⁴ A nyini Bani ŋaaŋbisaŋa po a jam ka Maadai ale Amram ale Uel

³⁵ ale Benaya ale Bedeiya ale Keluyi

³⁶ ale Vania ale Meremot ale Eliasib

³⁷ ale Mattania ale Mattenai ale Jaasu.

³⁸ A nyini Binnui ŋaaŋbisaŋa po a jam ka Simei

³⁹ ale Selemia ale Natan ale Adaiya

⁴⁰ ale Maknadebai ale Sasai ale Sayarai

⁴¹ ale Azarel ale Selemia ale Sɛmariya

⁴² ale Sallum ale Amariya ale Josefi.

⁴³ A nyini Nebo ŋaaŋbisaŋa po a jam ka Jeiel ale Mattitia ale Zabad ale Zebina ale Jaddai ale Joel ale Benaya.

⁴⁴ Bade meena a jam faari ka tɛŋ yonsa lieba, ate ba gela ale ba pooma a ta bisa.