Ezra 1 - WEN GBAŊKA

¹ Ben dii ate Persia naawa Sairus a dɛ naam la, ale ge jigi ate Jeremaya ale jam biisi Naawen wanni a sum nye la, Naawen jam nye kama ate Persia naawa suinum a choa ate wa mooli wa naamu po meena ale ŋmarisi ayen,

² <

³ Wa nuruma waai ale bo ni po la, Naawen, wa Wenni abe bo ale wa abe wa basi ate wa jueli Jerusalem ale bo Juda po la a ga sɛ Naawen yenni, Izirali Wenni, Wen dii ale bo Jerusalem po la.

⁴ Nuruma de baai ale bo ale ni la a daa a kuli ku magsi kama ayen ni te ba kpana ale ligmɔniŋ ale ŋanta ale duŋsa ale tiirita a magsi Naawen yenni sɛka Jerusalem po.> >>

⁵ Juda ale Benjamin yeeŋa ale kaabteerɔma ale Livaima. Waai meena ate Naawen a tiri wa suinum la a gomsi ate wa cheŋ Jerusalem a ga sɛ Naawen yenni.

⁶ Ba ale bo ale baai la a yaa maari ba ale kpana ale ligmɔniŋ ale ŋanta ale duŋsa ale tuilum ŋanta a gum chaab ale badek ale nye cheesi kaai ayen ba te ba la.

⁷ Naab Sairus mɛ a pai ŋan baai ale jam bo Naawen yenni po la baai ate Nebukadnezzar a ji a ta nyini Jerusalem a jam zaani wa bɔgtaŋa yenni po la a ta nyini.

⁸ Persia naawa Sairus a jam basi ate ka Mitredat waai ale a nya ligraŋa zuk la a jam ta ba a nyini. Wala ale jam chiini ba a te Juda nabiika Sesbazzar.

⁹ Ŋan baai ate ba jam a te ba la ale nna: ligmɔniŋka ŋandiintaŋa chinaŋa a jam ka pisita. Kpana mɛ a jam ka tusidi alege kpana taasi kpiemaŋa mɛ a paari pisiye ale neok.

¹⁰ Ligmɔniŋ taasaŋa mɛ a paari ka pisita alege ate kpana taasi yona mɛ a jam ka kobsinaansi ale pi ale ŋan yonta ale paari tusidi.

¹¹ Ba meena a gum chaab ale ŋan yona a paari ka tusa ŋanu ale kobsinaansi (5,400). Sesbazzar a jam ta ka ŋantaŋa de ale nuruma a nyini Babilon a jam Jerusalem po.