Ester 6 - WEN GBAŊKA

¹ Yok kula naawa an jam baga goa ya, ate wa yaa weeni ayen ba ta gbaŋ kaai ate ba ŋmarisi bein meena ate dii a nye a bo ka po la a jam kariŋ sak wa.

² Ku jam weeni dula jigini kama ayen Mordekai a jam ta Bigtana ale Teres, naawa tuimtomdisa bayewa baai ale jam a nya naawa nansuiŋku la nyini kama ayen ba jam a zɔk ayen ba ko Naab Ayasuerus.

³ Naawa yaa bek ayen ka boan zula ale tiirim ate Mordekai a nya kude nyiŋŋa? Naawa tuimtomdisaŋa yaa tulisi wa ayen, <>

⁴ Naawa yaa bek ayen, <> Dila po Yaman a jam cheena wa jo ka dabiaka po ayen wa biisi ale naawa ate wa pai Mordekai a yik jabuui ate wa ti la nyiŋ.

⁵ Naawa tomteerɔma a yaa tulisi wa ayen, Ka Yaman ale bo dabiaka po ayen wa nya fu. Ate naawa a weeni ayen ba basi ate wa jam.

⁶ Yaman yaa jo. Naawa yaa bek wa, ayen ka boa ate ti le nye a te waai ate naawa a lueri ayen ba a zuli wa la? Yaman yaa weeni wa suinum po, ayen ka wana ate naawa ale lueri ayen ba zuli a ŋman gaam m dega?

⁷ Ate Yaman yaa tulisi naawa, nuru waai ate naawa a lueri ayen ba a zuli la.

⁸ Basi ate ti ta naam gatta a jam tii chaab ate naawa a jo la, ale naab wusum buui ate naawa a do la, ale naam zutɔk a vuk wa zukku.

⁹ Pai garukku ale naab wusum a nyo naawa nuru kpientaŋa wanyi nisima po, basi ate ba gomsi nuru waai ate naawa a lueri ayen ba a zuli wa la, ba nye nwuli a basi ate wa do wusum ate ni ta wa nyiem tɛŋka meena a weeni ba ayen ku ale magsi ayen ti nye nuru waai ate naawa ayen ti a zuli la ale nna.

¹⁰ Ate naawa weeni Yaman ayen wa nye nwuli pai garukku ale naab wusummu ase fi ale weeni diila a yaa nye Mordekai Juuma waai ale a kali naawa tuoku nɔi la dii meena ate fi a poli la, kan tali dii meena ate fi weeni la basi.

¹¹ Yaman yaa pai garukku ale wusummu a nye nwuli a ta Mordekai a jam ate wa do naab wusummu a cheŋ tɛŋka meena a weeni ayen, ku le magsi ayen ti a nye nuru waai ate naawa a lueri ayen ba a zuli la ale nna.

¹² Kude ŋaaŋnyiŋ Mordekai yaa ŋman jam naawa tuoku nɔi. Alege Yaman yaa jam nye nwuli a jo wa yenni po a kum, ale lik wa zukku.

¹³ Ate Yaman weeni wa powa Zeres ale wa doama dii meena ale nye wa la. Wa yam nyama ale wa powa Zeres yaa weeni wa, ase Mordekai ale ka Juu la, fi ŋaam piilim a lo kama, fi kan baga a zaani ale wa, fi cheen ka kaasuŋ jigi.

¹⁴ Ase ba ale diem boro a biisi ale wa la, naawa tomteerɔwa yaa jam ta Yaman a cheŋ Ester ŋandiintaŋa tigini nwuli.