Ester 4 - WEN GBAŊKA

¹ Ase Mordekai ale nya dii meena ale jam a nye la, ku yaa daani wa ate wa yaa cheeri wa gattaŋa a yaa le ge a jo boorik garuk ale nye buntuem a nyo wa nyiŋ a cheŋ tɛŋka suŋsuŋ, a kaari nna yegayega ale tuem.

² Wa jam cheŋ ka naawa tuoku nɔi. Waai an jam baga a jo naawa jigi ale borisa garuk wa.

³ A nyini tɛŋka po meena ate naawa wanni a dan ga paari, Juuma nyiem kasim jam a kum kama ale a bobi nɔi ale a kaari ate ba yega a jo boorisa gatta ale nye buntuem a puk ba nyiŋsaŋa.

⁴ Ester nidoa baai ale nipok baai ale tom a te wa la yaa jam weeni wa Mordekai wie ate wa sui a kaasi. Wa yaa tom gatta a te wa ayen wa yeeri boorisaŋa abe wa jo, alege wa zɛri.

⁵ Wa yaa wi Yatak, tomteerɔma wanyi ate naawa a lueri ate wa tom a te wa la, a weeni wa ayen wa cheŋ Mordekai jigi a kpesi nya ase ka boa ale a nye wa,

⁶ Yatak yaa cheŋ Mordekai jigi tɛŋka po kauk kuui ate ba va a jo naawa yenni po la.

⁷ Mordekai a yaa weeni wa dii meena ale nye la ase Yaman ale puulim ayen wa ale tuni a nyo naawa ligraŋa duenika jigini ale bo naab yenni po la ase ba a nin baga ko Juuma meena.

⁸ Mordekai te Yatak gbaŋ kaai ate wa ŋmarisi wanni a ta nyini Susa tɛŋka po la, a yaa weeni ayen ba kaasi Juuma la sak abe Yatak weeni ku kiri a sak Ester, ate wa basi ate Ester jo naawa jigi a saalim wa ate wa ta jiirim ale wa nuruma.

⁹ Yatak yaa jam weeni Ester wie ŋaai ate Mordekai a weeni wa la.

¹⁰ Ester yaa jam tom wa ayen wa ga weeni Mordekai.

¹¹ Nidoa yaase nipok a ka suik a jo naawa jigi ya alege ba an tom wa, kula choa nyɔnɔ a magsi ayen wa kpi kama. Naawa wanni ale weeni diila ale la. Naawa nisɔmma ale nuru meena tɛŋka po, a seba kude kama. Ka naawa wa yeŋ ale basi ate fi a kpi. Ka naawa abe nin pai wa ligmɔniŋka tachekka a dak fi nyiŋ ayen ba kan ko fu. Alege daa pisita ba an wi mu ate m jam naawa niŋŋa.>>

¹² Ester wieŋa ate ba weeni Mordekai la,

¹³ Mordekai a yaa tom tomtomiŋka de weeni Ester ayen, <

¹⁴ Fi a dan nye diki yɔgyɔgla de maarika ale nyini jigi yoŋ ate Juuma a nya varibasika alege ate fi ale fi buuni meena kpeglim. Ka wana ale seba da dii dai ku paari ka diipo ale magsi ayen ba nye fu naawa pok wa.

¹⁵ Ester yaa tom a tulisi Mordekai ayen,

¹⁶ <>

¹⁷ Mordekai yaa cheŋ a ga nye dii meena ate Ester a weeni wa la.