Sagrɔ 12 - WEN GBAŊKA

¹ A teeri fi nyeerɔwa fi paalimu daaŋa po, ale ge jigi ate daanika daa a jam ate benaŋa a moata ate fi le weeni ayen, <>

² Ale ge ate wenbinni ale chiika ale chiŋmarisaŋa bolimu a nye birim la ate chiŋmaaŋa a ŋman va ŋmorukku;

³ Ase yenni nyaarɔwa nyiŋ a dan gɔk, ate nuru pagrɔwa a wobsa, ase numdɔma a dan basi numka ba le kan soa diila nyiŋ, ate baai ale va tuokpatta liisi a nya la a kan nya a paari.

⁴ Ase suik duataŋa a dan lik ate numka nuemka a kpeglim, ase nuruba a nin wom nuinsa kumsa a yiti, alege si yiilaŋa meena a nueri.

⁵ Ase nuruba a nin yɔgsa ale pimpitima jiga ale yɔgsa ale suik duata po chelim ase kanpoak a nin ta puuta ate nanchoŋ a vuuri ku dek a va ate koarisa masim a ŋman ka. Nuruwa ale kpi ate kumdɔma a bo suik duataŋa niŋ a cheŋ.

⁶ Ni teeri wa wari ale ge jigi ate ni nyuvooŋa a gebi ase kpana chɔrinni la yaase ni mobi ase ligmɔniŋ chin la, ni le nye ase ka nyiam samɔniŋ ale mobi yuei diila yaase jaŋarim ale wɛ a bo vili po diila,

⁷ abe ni ŋman cheŋ tantaŋa po ni le nyini juijui la abe chiika a ŋmani cheŋ Wen jigi.

⁸ Sagrɔwa weeni ayen, <>

⁹ Sagrɔwa a jam ka daa yam nyiini, alege wa jam sak nuruma ka dii ate wa seba la. Wa kpesi gisi nya a magsi wamagsima boari.

¹⁰ Sagrɔwa a nya wie maŋsa, dii ate wa jam ŋmarisi la jam ka chekki ale wensie.

¹¹ Yam nyɔnɔ wieŋa a nye ase ka naapeerik doari la, wie ŋaai ate wa biisi la a nye ase ka peema ale feri jo paari diila, ka naapeerik ale biisi ŋa.

¹² Bi kpesi fidek m biiga ale sinsaga ŋa chaab. Nuruba a kasim a ŋmarisi gbaŋsa kama, zamsika yegayega ale nye ate fi jiak.

¹³ Yɔgyɔgla de fi wom wari meena kama, wanni kpeglimka ale nna a chali Wen abe fi ta wa wieŋa ale ka nuru ale magsi wa a nye dii meena la ale nna.

¹⁴ Wen ale bo wari meena buusa ale wari dii meena ate fi suk nye la, di ka wamaŋ yaase wabiok yoo wa le bo di buusa.