Sagrɔ 1 - WEN GBAŊKA

¹ Deevid ale jam ka naab a bo Jerusalem la nidoabinni Sagrɔwa wieŋa ale nna: Sagrɔwa ayen,

² <>

³ Nuru ale nya ka boa a nyini wa ninammu meena po dii ate wa nam tɛŋzuk de la?

⁴ Gaŋsa a jam kama ate gaŋsa a cheŋ, alege tɛŋzuk de a boro kama taam wuu.

⁵ Wenbinni a pusi kama, wenbinni abe a siŋ kama, ale kpabi a ŋmani a cheŋ di pusika jigini.

⁶ Vioku a fuk a cheŋ yeseoku ale tulim a cheŋ wiilukku geŋsa a gilim a gilim ku le poom liŋ va juijui la.

⁷ Buboalisa meena chali a siŋ ka nyakpiemu po, alege nyakpiemu diem kan sueri. Buboalisaŋa ale nyini juijui la, dula jigini ate si ŋmani a cheŋ.

⁸ Wari meena a ta ka jianta ate waai a kan baga a biisi ŋa wari ya. Numbinni a nya ka dila a kan jiagi, tunni mɛ a wom ka dila di kan jiagi.

⁹ Dii ale liŋ boro la ale pilim boro dii ale liŋ nye la ale ŋman pilim nye. Wari a ka tɛŋzuk de a chim wapaali.

¹⁰ Wari a boro ate waai ale baga ayen, <> Di poom liŋ bo dela kama ate ku beni, alege ate tama a jam.

¹¹ Ba kan ŋman teeri nuru kpagsa wari ya, ate baai mɛ ale diem cheena la baai ale paasaŋ ba la a kan teeri ba wari ya.

¹² Mi, sagrɔwa jam ka naab a nya Izirali zuk Jerusalem po.

¹³ Mi jam yik ka m dek a zamsi ale kpesi ayen m gisi ale yam a nya dii meena ale nye tɛŋzuk la. Ka boan jib doabrita ate Naawen a pai ji nuru biiga!

¹⁴ Mi nya wie ŋaai meena ale jam nye tɛŋzuk de la kama, ŋa meena ka kiri ya ŋa a nye ase ka fi le a vi viok diila.

¹⁵ Jabuui ale goaliŋ la a ka teentika, jabuui ale kan karo la ba kan chiini.

¹⁶ Mi yaa weeni m dek ayen, <>

¹⁷ Mi yaa poli ayen m miŋ yam ale yesiŋsa ale berinni kiri, alege mi yaa miŋ ayen kude mɛ a nye ase fi le a vi viok diila.

¹⁸ Yam yega a ta ka niniga cheena. Fi dan ta sebika yega, fi a nya ka niniga yega.