Daniel 7 - WEN GBAŊKA

¹ A nyini bein diipo ate Babilon Naawa Belsazzar a dɛ naamu la, Daniel a jam gɔdaasim kama diipo ate wa doa wa gaduokku zuk la, wa yaa ŋmarisi ŋa.

² Daniel weeni ayen, <

³ Ate duŋ kpieŋsa sinaansi a nyini nyakpiemu po a jueli kunkɔŋni si jam kan neesi chaaba.

⁴ Kaai ale dɛ niŋka la a nye ase ka gbeŋli la, alege a ta jiiruk kinkaŋŋa. Mi yaa kasim a jam a nya ka. Ase mi ale a nya ka la, kinkaŋŋa a yaa vɔssi. Ka yaa jam yiti zaani naŋsa siye zuk ase nurubiik la ale ta nurubiik suinum.

⁵ M yaa ŋman nya ka choa a saari siye. Kala mɛ a nye nna ase ka goabiak la. Ka yaa yiti zaani kauk yeŋ nyiŋ ale ta nyapik koba ŋata ka nɔnni po nyinaŋa suŋsuŋka po. Ate jaab yaa weeni ayen,

⁶ Ku ŋaaŋnyiŋ mi yaa nya duŋ ka choa kala a nye ase ka yɔŋni la, ka ta ka kinkaŋŋa ŋanaansi ka ŋaaŋka a nye ase nuim la. Duŋ ka de a jam taka zuima ŋanaansi ale ta pagrim a dɛ naam.

⁷ Ku ŋaaŋnyiŋ m gɔdaasimaŋa po, m nya ka duŋ ka choa ale saari sinaansi, kala wie a toa kama a nyigsi ale pagra. Kala a jam taka kuta nyin kpiema. Ka jam a ŋɔriŋ kama ale a nɛ ka ale a yik ŋan baai la, ale a tabi ŋan baai ale tali la. Kala ka ka tɔga ale nsila meena. Ka jam taka nyiila pi.

⁸ Ase mi ale a poli nyiilaŋa wie la, nyiili di choa mɛ a ŋman nyini nna fiifiiga a gum chaab ale m ŋala. Ku ŋaaŋnyiŋ m ŋala ŋata a yaa voori, nyiini de a jam ta ka nina ase nurubiik nina la ate wa nɔnni a biisi kanjanta wie.

⁹ Ase mi ale a nya la, wenŋmazuk naamu zukpagliksaŋa a yaa zaani magsi ate Dila Po Nuruwa a yaa kali. Wa garukku a jam peenti kama nna tektek. Wa zuisaŋa mɛ a peenti ase ŋmoruk tana la. Wa zukpaglika mɛ a jam a nyaksi ase ka bolim la, ka naŋsaŋa mɛ a nyaksi.

¹⁰ Belinaŋ ale bolim a chali a nyini wa jigi ate tusa ale paari tusa a yaa jam wa jigi. Tusa ale paari tusa pi (10,000) a za wa niŋ buusa boka dɔkku po ate ba yaa lak gbaŋsa.

¹¹ Mi yaa kpesi a wom dii nyiŋla kanjanta wie ate nyiini de a jam a biisi. Mi jam kasim a nya ka dila a ta ga paari diipo ate ba ko duŋka de ale ju ka nyiŋka ale bolim la.

¹² Duŋ sinsila a yaa jɔk si pagrimu ale diem vua a boro magadega.

¹³ <

¹⁴ Wa yaa ta pagrim ale zula. Nuru meena, tɛŋ meena ale waai meena a nyini biik buuri meena po a yaa puusi wa. Wa pagrimu ale boro ka dila taam wuu. Ate wa naamu a kan maa kaasi.

¹⁵ <

¹⁶ Mi yaa bek baai ale za a moata mu la wanyi ayen wa weeni mu ku kiri. Dila wa yaa weeni mi wieŋa de kiri ayen,

¹⁷

¹⁸ Alege Wen Dii Ale Bo Wenŋmazuk La bisaŋa ale za ba tuesi tɛŋka a nya ka zuk taam wuu.>

¹⁹ <

²⁰ M ŋman a yaali ayen m seba nyiila piwa ale bo ka zukku po la kiri. Poom daa nyii fiika ale tagri m ŋala ŋata wa la. Dii ale zak di dek a zaani ale ta nina ale nɔi dii ale a biisi kanjanta wie la.

²¹ Mi ale a nya la, nyiini de yaa boro a nye kpaliŋ ale Wen bisaŋa a nya pagrim ba zuk.

²² Ate Dila Powa Denɔwa a jam bo a te Wen Dii Ale Bo Wenŋmazuk La bisaŋa dii nyiŋla ku paari ka diipo ale magsi ayen ba soa naamu la.

²³ Wa yaa weeni mu ku kiri ayen, <

²⁴ Nyiila piwa ka nalima pi baai ale ba nyini wa naamu po. Bala ŋaaŋnyiŋ Naab wa choa ale jam, wala ale nye ka wa tɔga ale mbala. Wa ale ta mbala batawa a siŋ tɛŋ.

²⁵ Wa yaa ale biisi Wen Dii Ale Bo Wenŋmazuk La a kaasi abe wa namsi wa bisaŋa abe wa dan baga wa tagri tiŋŋa ale wa wieŋa. Wa bisaŋa ale bo wa nisima po a paari bena ŋata ale geli.

²⁶ Alege buusa boka danni ale paari ate wa ale jɔk wa pagrimu.

²⁷ Ate tɛŋ kpieŋ kaai ale zuak la a yaa le bo Wen bisaŋa nisima po, Wen Dii Ale Bo Wenŋmazuk La nuruma ale la. Wa naamu ale boro ka dila taam wuu ate kpaga meena ale kasim a puusi wa.

²⁸ Wanni kpeglimka jigi ale nna. Mi Daniel, ku jam kasim a daani mu kama m popolaŋa po ate mi ninaŋa a tagri alege m jam ta wanni kama m dek m nyiini.