Daniel 6 - WEN GBAŊKA

¹ Ku yaa nye Darius masim ate wa yeeri nuruba kook ale pisiye tɛŋka po meena,

² Ale nuruba bata ayen ba a nya ba zuk. Ba wanyi a jam le Daniel. Nuruma de a jam maari wa kama ale basi ate naawa a kan namu.

³ Wa ale a tom nalimnyiini a gaam mbala meena la ale soa ate naawa a lueri wa ayen wa a nya tɛŋsa zuk.

⁴ Mbala a yaa jam a gisi suik ayen ba velim a te naawa ayen wa kan tom wa tuimaŋa a magsi. Alege ba an jam nya suiwa. Dii nyiŋla wa tom kama nalimnyiini. Dii ale magsi ayen wa nye la wa jam nye kama.

⁵ Kpeglim ka po, ba yaa weeni chaab ayen, <>

⁶ Ba meena a yaa cheŋ naawa jigi a weeni wa ayen, <

⁷ Tɛŋka niŋdeerɔma, baai ale a sak naawa wie la ale kpaŋŋa la a nye ka nɔiyeŋ ba nye kisuk ayen waai a kan puusi wen yoŋŋoa yaase nuru yoŋ a gum chaab ale naawa bɔglukku.

⁸ Naaba basi ate ku nye abe fi ŋmarisi ku a ta va chaab ale Miidi ale Persia wieŋa ale ka diila ate ba kan baga a tagri.>>

⁹ Naab Darius mɛ yaa ŋmarisi kaamka.

¹⁰ Ase Daniel ale wom dii ate ba weeni la, wa yaa kuli yeri a jueli gboŋ wa dɔkku po a lak tuokpattaŋa a basi Jerusalem geŋka a kpi duna tɛŋ a puusi a te wa Wenni jiam ase wa nyiem ale jam a nye diila.

¹¹ Nuruma de yaa tigsi chaab a yaa nya ale Daniel a puusi a bek Wen ayen wa maari wa.

¹² Ba yaa cheŋ Naawa jigi a bek wa ayen, <> Naawa a siak, <>

¹³ Ba yaa weeni Naawa ayen, <>

¹⁴ Ase Naawa ale wom dila la, ku yaa daani wa. Wa jam kasim a gisi ka suik ayen wa vari Daniel a basi.

¹⁵ Nuruma yaa tigsi chaab a cheŋ Naawa jigi a yaa weeni wa ayen Naaba a teeri ayen Miidi ale Persia tɛŋka wieŋa ale weeni diila Naawa a kan baga a tagri ŋa.

¹⁶ Darius yaa weeni ayen ba ta Daniel a jam yuk basi gbeŋmaŋa dɔkku po. Naawa a weeni Daniel ayen, <>

¹⁷ Tintain ate ba jam pai lik gbeŋmaŋa dɔkku nɔnni. Darius ale wa nuruma a yaa ŋmarisi ba yueŋa ate ku a sak ayen gbaŋka an baga a tagri Daniel ale nye diila.

¹⁸ Yok kula meena Darius an daliŋ ale waai ya wa bi an goa ya.

¹⁹ Vari ale veenti la, Naawa a yiti saluik a cheŋ gbeŋmaŋa dɔkku.

²⁰ Ase wa ale moata dɔkku la wa yaa kaari wi Daniel nna tuotuowa ayen, <>

²¹ Daniel yaa tulisi ayen, <

²² Mi Wenni a tom ka maarɔ ate wa lik gbeŋmaŋa noaŋa ŋa an baga a nye mu wari ya, dii nyiŋla mi an nye wari a kaasi fu Naaba.

²³ Naawa sui yaa peenti ate wa weeni ayen ba lak Daniel ate wa nyini gbeŋmaŋa dɔkku po a nyini. Ba ale lak wa la ba an nya lauŋ wa nyiŋka dii nyiŋla wa ta sebchakka ale wa Wenni kama.

²⁴ Naawa a weeni ate ba pai baai ale velim a te Daniel la ale ba pooma ale ba bisaŋa a nyo gbeŋmaŋa dɔkku po. Alege jigi ate ba paari dɔkku tɛŋka la gbeŋmaŋa a poom labi ba ka gela gela.

²⁵ Naab Darius a tom ayen ba weeni nuru meena ale tɛŋ meena ale buuri meena ayen ka wa ale a puusi ba.

²⁶ Mi weeni kama ayen waai meena m tɛŋka po, ku a magsi kama ayen ni a chali abe ni a zuli Daniel Wenni. Dii nyiŋla wa ka Wen vuk ale boro taam wuu. Wa naamu a kan maara a taamu wa pagrimu mɛ a ka kpeglimka.

²⁷ Wa ale vari a basi wa a tom wakperikaliisa wenŋmazuk ale tɛŋzuk de. Wa vari Daniel a ta nyini gbeŋmaŋa jigi a basi.

²⁸ Daniel a jam nya ka niaka diipo ate Darius ale Sairus Persia demma a jam chim nalima la.