Daniel 2 - WEN GBAŊKA

¹ Nebukadnezzar ale dɛ naamu a paari bena ŋayewa po la, wa yaa gɔdaasim ate wa popolaŋa a daani wa, yok kula wa an jam goa ya.

² Naawa a yaa wi wa sampoporisaŋa ale yam nyama ale baai ale a zamsi chiŋmarisa wie la ayen ba weeni wa gɔdaasimaŋa a sak wa. Ase ba yaa ale jam naawa niŋ la,

³ wa yaa weeni ba ayen m gɔdaasim kama ate ku a daani mu ate mi a yaali ayen m miŋ ku kiri.

⁴ Ba yaa tulisi ale ba tɛŋka biika Aramaik ayen, <>

⁵ Naawa a yaa tulisi ba ayen, <

⁶ Alege ni dan weeni gɔdaasimaŋa ale ŋa kiri ale ka diila a sak mu, mi ale te ni tiirim buui ale zuak la ale zula. Yɔgyɔgla de ni weeni gɔdaasimaŋa ale ŋa kiri a sak mu.>>

⁷ Ba yaa tulisi ayen basi ate Naawa a weeni wa tomteerɔma wa gɔdaasimaŋa ate tama ale weeni wa ŋa kiri.

⁸ Ate naawa a yaa tulisi ayen, mi seba nama a gisi ka suik, dii nyiŋla ni seba mi ale poli diila di za di nye kama.

⁹ Ni dan kan baga a weeni mu gɔdaasimaŋa, wa yeŋ dekki ate mi a yaali ayen m nye ni. Nama ka velimvendisa. Nama a poli ayen wie ale tagri. Ni weeni mu gɔdaasimaŋa ate kula ale sak ayen ni baga a miŋ wie.

¹⁰ Sampoporisaŋa yaa tulisi Naawa ayen nuru ka tɛŋka zuk a baga a tulisi Naawa ale bek diila, aaya Naaba, Nuru kpioŋ an diem bek yam nyama ale sampoporisaŋa ale baai ale a zamsi chiŋmarisa wie la fi beŋŋa nna chaaba.

¹¹ Naawa ale bek diila a melima kama. Waai karo a weeni a sak Naawa ka wenaŋa, ŋa be an bo ale nuruma mɛ.

¹² Kude yaa basi ate Naawa sui yaa puuri ate wa weeni ayen ba ko yam nyama meena Babilon tɛŋka po.

¹³ Kaamka yaa jam ayen ba ko yam nyama meena. Ba yaa jam boro a gisi Daniel ale wa doama ayen ba ko ba.

¹⁴ Naawa yenni kpagni Ariok a yaa le nyini ayen wa ko yam nyama Babilon tɛŋka po la, Daniel a yaa biisi ale wa ale yam.

¹⁵ Wa bek Naawa nuru kpioŋku ayen, <> Ate Ariok yaa weeni wa dii ale nye la.

¹⁶ Daniel a yaa nye nwuli a ga weeni Naawa ayen fi a dan te mi suik maga mi ale weeni fi gɔdaasimaŋa kiri a sak fu.

¹⁷ Daniel yaa ŋman kuli yeri a ga weeni dii ale nye la a sak wa doama batawa Yanania ale Misael ale Azariya.

¹⁸ Wa weeni ba ayen ni puusi ayen Wen dii ale a nya a nyini wenŋmazuk la a sak jiirim abe wa weeni wanni de kiri a sak ti, dii ale ku nye ate ba kan ko ti ale yam nuru baai ale bo Babilon tɛŋka po la.

¹⁹ Yok kula po, Daniel a yaa miŋ wasusugni wa goom po. Daniel a yaa pak Wen dii ale bo wenŋmazuk la.

²⁰ <

²¹ Wa ale basi ate wenkarik ale yoei a jam wa ale a bobi nalima ale a zɛri ba mɛ. Wa ale a te yam nyama miŋ chakka ale popola ate ba a miŋ wie.

²² Wa ale pai wasusuŋŋa a sak ti, wa seba jabuui ale bo legini po la kama bolim abe bo ale ka wala.

²³ Mi a nye fi jiam ale a pak fu, m koma Wenni, fi a te mu yam ale pagrim ale basi ate m miŋ dii ate tama a bek fu la, fi basi ate ti seba Naawa gɔdaasimaŋa.>>

²⁴ Daniel yaa ŋman cheŋ Naawa nuru kpioŋku Ariok jigi waai ale jam a nya yam nuruma koka zuk la a weeni wa ayen, <>

²⁵ Ariok yaa nye nwuli a ta Daniel a cheŋ Naawa jigi a yaa weeni wa ayen, <>

²⁶ Naawa yaa bek Daniel ayen, <

²⁷ Daniel yaa tulisi ayen, <

²⁸ Alege Wen dii ale bo wenŋmazuk la, wala ale pai wa susuga a sak. Wa pai sak Naab Nebukadnezzar dii ale ku nye wa chum po la. Fi ale doa fi gaduokku zuk ate gɔdaasimaŋa a bo fi zukku po la ale nna.

²⁹ <

³⁰ Mi jigi wa poom pai sak mi kama. Alege ku kan sak kama ayen mi a ta yam a gaam nuru vuk meena kama, alege fi Naaba, ku a magsi kama ayen fi a seba di kiri abe fi miŋ dii ale bo fi popolaŋa po la.

³¹ <

³² Jaamu zukku ka ligmɔniŋ, wa kuusini ale wa nisimaŋa a jam ka kpana, wa lɔŋŋa ale wa kɔsutaŋa a jam ka kutuk mɔnuŋ.

³³ Wa naŋsaŋa ka kuta, ku naŋtaataŋa gela a jam ka kuta kabita mɛ a jam chim yak.

³⁴ Ase fi yaa le a nya la piuŋ yaa kasi a nyini wenzuk alege nuru nisima an tiri ku alege ate piuŋku a jam nak naŋsaŋa geŋsa a yaa kaasi kutukku ale yakka meena.

³⁵ Ate kutukku ale yakka ale kutuk mɔnuŋku ale kpanaŋa ale ligmɔniŋka a yaa jam muriŋ bɛ ase vɔtta ate ba yali a basi diila. Alege ate piuŋku a taari lik tɛŋka meena.

³⁶ <

³⁷ Fi ka Nalima Naab. Wenŋmazuk Wenni ate fu ka pagrim ale zuaka ale zula.

³⁸ Ate wa yaa pai nuruba ale duŋsa ale nuinsaŋa a nyo fi nisima po. Kauk kuui meena ate ba boro la, fi ale a nya ba zuk. Fi abe le ligmɔniŋ zukku.

³⁹ <

⁴⁰ Kpeglimka po, buui ale saari sinaansiwa po la, bula ale pagra kama ase kutuk la. Ase kutuk ale pagra a kaasi jaab meena la, naam bula ale kaasi m tila meena.

⁴¹ Ase fi ale nya ale naŋsaŋa kabta a chim yak alege kabta mɛ kuta la, naamu mɛ a za ka poori ka dila. Bu ale diem ta pagrim magadega ase kutuk la, ase fi ale nya ale kutuk ale yak ale gum chaab diila.

⁴² Ase naŋsaŋa kabta ale chim kutuk, kabta mɛ a chim yak la, naamu kauk ale pagra alege kauk a wobsa.

⁴³ Ase fi ale nya ale kutuk ale yak a damu chaab la, ku a sak kama ayen nuruma mɛ ka tɔgatɔga a dam chaab. Ba ka nɔiyeŋ ase yak ale kutuk ale ka diila.

⁴⁴ <

⁴⁵ Gɔdaasimaŋa kiri ale nna ase fi ale nya ale piuŋ a kasi alege ate nuru nisima an tiri kula. Piuŋku a nak kutukku ale jabuui ale a nye ase kutuk mɔnuŋ la ale yakka ale kpanaŋa ale ligmɔniŋka a kaasi la. <>

⁴⁶ Naab Nebukadnezzar a yaa lo tɛŋ Daniel niŋ a te wa zula.

⁴⁷ Naawa a weeni Daniel ayen, << Fi Wenni ka wena meena Wen ale ŋman chim nalima meena Nyɔnɔ waai ale pai wasusuga a sak, fi a baga a weeni wasusugni de kama.

⁴⁸ Naawa yaa te Daniel tiirita nna yegayega wa jam basi ate wa chim ka nuru kpioŋ Babilon tɛŋka po ale basi ate wa a nya nuru baai meena ale ta yam la zuk.

⁴⁹ Daniel yaa bek ate Naawa a lueri Sadrak ale Mesak ale Abednego ate ba mɛ a chim kpaga Babilon tɛŋka po alege ate Daniel dek a wari bo naab yenni po.