Daniel 10 - WEN GBAŊKA

¹ Persia Naawa Sairus ale jam dɛ wa naamu a paari bena ŋatawa la, Daniel, waai ate ba jam a wi wa ayen Beltesazzar la, a yaa jam gɔdaasim a nya wasusugi. Wanni a jam ka wensie a ta va chaab ale kpaliŋ. Wa jam miŋ wanni kiri ka wa gɔdaasima po.

² Dila po mi, Daniel a jam a kum kama a ti ku ga paari daa pisiye ale dinyi.

³ Mi an dɛ ŋandiinta, m be an ŋɔbi lammoa yaase daam a tiri m nɔngbanvaataŋa yaase mi sa kpaammoa, ate daa pisiye ale dinyiwa meena a ga taamu.

⁴ Chiik kaai ale dɛ niŋka la ka daa pisiye ale ŋanaansiwa danni, ase mi ale jam za beli kpienni ate ba a wi di ayen Tigris kuŋkuŋku zuk la,

⁵ mi yaa zak nya ŋmai ale ka nuru ale za mi niŋ a jo garuk ate ku a nyaksi ale pai ligmɔniŋ gbain a bobi wa chiaka.

⁶ Wa nyiŋka jam a nye ase ka tintain salima la. Wa nimbidiaka mɛ a nye nna se bolim la wa ninaŋa mɛ a nyaksi ase bolim ŋaasa la wa nisimaŋa ale wa naŋsaŋa mɛ a jam maari a nyaksi kama alege ate wa lueluku a nye ase nuru boari lueluta la.

⁷ Mi Daniel, nyiini ale waai ale jam nya wanni de, nuru baai ale jam bo dula ale mi la an jam nya wanni de. Kude a jam nye kama ate yɔgsum a yik ba ate ba yaa chali a suk.

⁸ Mi dek m nyiini ale jam tali za dula jigini a nya wakpienni de. Pagrim a ŋman jam ka mi jigi ya. M ninaŋa a jam tagri kama nna ase m kpi kama la. Maarika a ŋman jam ka mi jigi ya.

⁹ Mi a yaa wom ale wa a biisi. Ase mi ale a wom wa la, mi yaa deri doa po nyiŋ a goa.

¹⁰ Ate nisa a yaa tiri mi a zak mu a zaani alege mi nyiŋka diem a gɔk.

¹¹ Ate wa weeni mi ayen Daniel Wen a yaali fu kama zaani nalimnyiini a wom dii ate mi a yaali ayen m weeni sak fu la, ba tom mu kama fi jigi. Ase wa ale weeni dii ale mi la, mi yaa yiti zaani ate m nyiŋka a gɔk.

¹² Wa ŋman weeni mi Daniel ayen m ka a chali yɔgsummoa a zaani dai dii danni ate fi piilim a zɛri fidek ale a puusi ayen fi miŋ wanni kiri la, Wen a wom fi puusaŋa kama m jam kama ayen m tulisi fu puusaŋa.

¹³ Alege maarɔ waai ale a nya Persia tɛŋka zuk la a yaa kasi mu suik ate ku paari daa pisiye ale dinyi. Ate Maakil maarɔma kpagni dinyi a yaa jam a maari mu. M beni dula kama dii nyiŋla Persia maarɔwa ale kasi mu la nyiŋ.

¹⁴ Yɔgyɔgla de mi jam kama ayen m weeni wanni kiri a sak fu dii ale a yaali ku nye fi nuruma chum po la. Wa dii ale a yaali di nye ase gɔdaasimaŋa ale weeni diila a diem bo ka ŋaaŋ cheena.

¹⁵ Ase wa ale boro a weeni mi wanni de la, mi yaa koori a pai m ninaŋa a vuk tɛŋ chorototo.

¹⁶ Ate waai ale a nye ase nidoa la yaa tiri mi nɔngbanvaataŋa ate mi a jam lak m nɔnni a yaa piilim a biisi. Mi yaa weeni waai ale za m niŋ la ayen, <>

¹⁷ Mi fi tomteerɔwa, mi a yaa m nye ka sɛ a biisi ale fu m nyɔnɔ? M ŋman ka pagrimoa mi an baga a vuusi.>>

¹⁸ Ate waai ale a nye ase nidoa la a yaa ŋman tiri mu a te mu pagrim.

¹⁹ Kan chali yɔgsummoa. Wen a yaali fu kama, kan basi ate fi nyiŋ a gɔgi.

²⁰ Ate wa yaa weeni ayen, <

²¹ Alege dii ale dɛ niŋ la mi a yaali m weeni ka dii ale ŋmarisi Wensie Gbaŋka po la. Waai an jam maari mi ate mi a kpaliŋ ale ba, ka Maakil waai ale a nya Izirali zuk la.