Daniel 1 - WEN GBAŊKA

¹ Jeyoiakim ale jam dɛ wa naamu a paari bena ŋata Juda po la, Naab Nebukadnezzar ate wa nyini Babilon la a jam nye ka kpaliŋ ale Jerusalem tɛŋka.

² Nyɔnɔwa a yaa basi ate Nebukadnezzar a nak yik Jeyoiakim ale pai ŋan baai ate ba ta a tom Wen yenni po la gela a ta cheŋ. Ase Naawa ale ŋman cheŋ Sinar la, wa yaa pai ŋantaŋa de a nyo wadek wenni dɔkku po.

³ Dai yeŋ ate naawa a yaa weeni Aspenaz, wa yenni kpagni, ayen wa lueri nuruba maga a nyini Juda naab dɔkku po, ale Juuma niŋdeerɔma po.

⁴ Naawa a weeni ba ayen, ba magsi ayen ba ta nyiŋyɔgsa, ba nala, ba korisi, ba ta yam, ba seba gbaŋ, ba magsi ba a tom naab yenni po. Sak ba ate ba a biisi abe ba a ŋmarisi ti tɛŋka biika,

⁵ abe fi te ba ŋandiin tii ale da buui ate fi a te mi la, pai bena ŋata a sak ba ate ba chim kpaga buusa boka yenni po.

⁶ Ba po biik paali sii ate ba jam lueri la ale, Daniel ale Yanania ale Misael ale Azariya, ba meena a nyini ka Juda buuni po.

⁷ Alege Naawa yenni kpaŋŋa a te ba ka yue paala. Daniel yuei jam le Beltesazzar, Yanania jam le Sadrak, Misael jam le Mesak, ate Azariya a chim Abednego.

⁸ Daniel yaa nye wa popolaŋa ayen wa kan taŋ wadek ale naab yeri ŋandiintaŋa ale daamu. Ate wa yaa weeni Naawa yenni kpaŋŋa ayen ba kan te wa ŋandiinta ale da buui ate ba a chari naawa yenni po la.

⁹ Wen ale nye ate kpagni a ta yaalika ale jiirim ale Daniel.

¹⁰ Alege nuruwa a ŋman weeni Daniel ayen, <>

¹¹ Daniel a yaa weeni waai ate Naawa a lueri ayen wa a nya Daniel ale Yanania ale Misael ale Azariya zuk la ayen,

¹² Daa pi, te tama nyiam ale jenvaata nyiini ase ku nin paari diipo ale magsi ayen ti dɛ la.

¹³ Daa piwa a dan paari, pai tama a magsi chaab ale nuru paalukku baai ale a dɛ naab yeri ŋandiintaŋa la a nya abe fi yaa nye ti dii ate fi a yaali la.>>

¹⁴ Wa yaa siak a nye dii ate Daniel a weeni wa la.

¹⁵ Daa piwa ale paari la, Daniel ale wa doama a yaa jam pagra ale zunchoŋŋa nuru paalukku baai ale jam a dɛ ŋandiintaŋa naawa yenni po la.

¹⁶ Kude ŋaaŋnyiŋ limisidɔwa an ŋman jam a te ba ŋandiinta ale daamoa. Ba jam a dɛ ka jenvaata nyiini.

¹⁷ Nuru paalisa banaansiwa dɛ, Wen a yaa te ba yam ale sebika ase ba ale jam a kariŋ gbaŋsa nna yegayega la. Daniel mɛ jam a weeni gɔdaasima kiri kama.

¹⁸ Bena ŋatawa ate Naab Nebukadnezzar a jam te la a yaa paari, wa yenni kpagni a yaa ta nuru paalukku meena a jam wa jigi.

¹⁹ Naawa a yaa nya mbala waai a kan nye ase Daniel ale Yanania ale Misael ale Azariya la. Dila nyiŋ ba yaa jam basi ate ba maa chim niŋdeerɔba naawa yenni po.

²⁰ A ta va chaab ale yam wie, wa nya ayen ba yammu a gaam sampopori sii ale bo wa tɛŋka po la kama ku naŋ tuok nɔi pi.

²¹ Daniel a kasim jam bo ka dula a ta ga paari bein dii ate Sairus a chim naab la.