Chiinika 7 - WEN GBAŊKA

¹ Ase Moosis ale ga ti viuku a nueri la, wa yaa kpiiri kpaam a nyo ku nyiŋ a nye ate ku welema ale ku ŋantaŋa meena. Wa maa jam kpiiri ka kpaam kuŋkuŋku zuk a nye ate ku jaab meena a welema.

² Ate Izirali niŋdeerɔma, yeeŋa nyama baai ale jam a nya diinaŋa zuk ate ba jam chiini la, yaa jam te tiirita.

³ Ba jam ta jam Naawen niŋ ase ba tiirita la ka toroko pilinta bayuebi ale lalisa pi ale siye, niŋdeerɔ wanyi meena a jam te ka lalik yeŋ. Nuruba baye a maa chaab a te toroko yeŋ. Ba ta ŋantaŋa de a jam ka viuku niŋ.

⁴ Naawen a jam weeni Moosis ayen,

⁵ <>

⁶ Dila Moosis yaa pai torokoma ale lalisaŋa a te Livaima.

⁷ Wa pai torokoba baye ale lalisa sinaansi a te Gerson kabini ase ba tuimaŋa ale magsi diila

⁸ ale te torokoba banaansi ale lalisa naaniŋ Merari kabini ase ba tuimaŋa ale ka diila. Ba meena jam boka kaabteerɔwa Aaron nidoabinni Itamar nisima po ate wa a nya ba zuk ate ba a tom.

⁹ Alege Moosis an jam te Koyat kabini jaaboa, dii nyiŋla, ba jam magsi ba a ji tuilum ŋantaŋa ka ba ŋmankpala zuk, dila ale jam chim ba tuini.

¹⁰ Ase ba le jam kpiiri kpaam kuŋkuŋku zuk la, niŋdeerɔma a ta ba tiiritaŋa a jam magsi ka kuŋkuŋku Naawen nisima po pai nyo ka, a pai ti a zaani kuŋkuŋku niŋ.

¹¹ Naawen a jam weeni Moosis kama ayen, <>

¹² Waai ale jam ta wa tiirimu a jam dai dii ale dɛ niŋka la ale Amminadab nidoabinni Nayson ale nyini Juda dɔkku la.

¹³ Wa tiirimu jam ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a va ale ka Naawen yenni ligbieŋa ale ka diila. Dinyi meena ka zom naliŋ ate ba dam kpaam du la ale sueri ase ŋandiinta tiirim la,

¹⁴ ale ligmɔniŋ chin ate di magsika dobrimu a paari ligbie pi ate ŋan baai nyum ale masa la a sueri di,

¹⁵ ale lalik paalik kanyi ale padiak ale padabili dii ale ta bein yeŋ la a magsi juka tiirim

¹⁶ ale buduk a magsi biem tiirim

¹⁷ ale lalisa siye ale padaasa sinu ale budukta tinu ale padabilisa sinu ate si ta bein yeŋ la, ate ba pai a nye suiyɔgni tiirita kaabka. Amminadab nidoabinni Nayson tiirimu a jam le la.

¹⁸ Daa ŋayewa danni Zuar nidoabinni Netanel, Isaka dɔkku niŋdeerɔwa ale jam ta wa tiirimu a jam.

¹⁹ Tiirimu ate wa jam ta jam la ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a jam va ka Naawen yenni ligbieŋa ale ka diila. Dinyi meena ka zom naliŋ ate ba dam kpaam ase ŋandiinta tiirim la,

²⁰ ale ligmɔniŋ chin ate di magsika dobrimu a paari ligbie pi ate ŋan baai nyum ale masa la a sueri di,

²¹ ale lalik paalik kanyi ale padiak ale padabili dii ale ta bein yeŋ la a magsi juka tiirim

²² ale buduk a magsi biem tiirim

²³ ale lalisa siye ale padaasa sinu ale budukta tinu ale padabilisa sinu ate si ta bein yeŋ la, ate ba pai nye suiyɔgni tiirita kaabka. Zuar nidoabinni Netanel tiirimu a jam le la.

²⁴ Daa ŋatawa danni, Yelon nidoabinni Eliab, waai ale ka Zebulun dɔkku niŋdeerɔ la a jam te wa tiirimu.

²⁵ Wa tiirimu jam ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a va ale ka Naawen yenni ligbieŋa ale ka diila. Dinyi meena ka zom naliŋ ate ba dam kpaam du la ale sueri ase ŋandiinta tiirim la,

²⁶ ale ligmɔniŋ chin ate di magsika dobrimu a paari ligbie pi ate ŋan baai nyum ale masa la a sueri di,

²⁷ ale lalik paalik kanyi ale padiak ale padabili dii ale ta bein yeŋ dekki a magsi juka tiirim

²⁸ ale buduk a magsi biem tiirim

²⁹ ale lalisa siye ale padaasa sinu ale budukta tinu ale padabilisa sinu ate si ta bein yeŋ la, ate ba pai nye suiyɔgni tiirita kaabka. Yelon nidoabinni Eliab tiirimu a jam le la.

³⁰ Daa ŋanaansiwa danni, Sedeur nidoabinni Elizur, waai ale ka Aruben dɔkku niŋdeerɔ la a jam te wa tiirimu.

³¹ Wa tiirimu jam ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a va ale ka Naawen yenni ligbieŋa ale ka diila. Dinyi meena ka zom naliŋ ate ba dam kpaam du la ale sueri ase ŋandiinta tiirim la,

³² ale ligmɔniŋ chin ate di magsika dobrimu a paari ligbie pi ate ŋan baai nyum ale masa la a sueri di,

³³ ale lalik paalik kanyi ale padiak ale padabili dii ale ta bein yeŋ dekki a magsi juka tiirim

³⁴ ale buduk a magsi biem tiirim

³⁵ ale lalisa siye ale padaasa sinu ale budukta tinu ale padabilisa sinu ate si ta bein yeŋ la, ate ba pai nye suiyɔgni tiirita kaabka. Sedeur nidoabinni Elizur tiirimu a jam le la.

³⁶ Daa ŋanuwa danni, Zurisaddai nidoabinni Selumiel, waai ale ka Simeyon dɔkku niŋdeerɔ la a jam te wa tiirimu.

³⁷ Wa tiirimu jam ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a va ale ka Naawen yenni ligbieŋa ale ka diila. Dinyi meena ka zom naliŋ ate ba dam kpaam du la ale sueri ase ŋandiinta tiirim la,

³⁸ ale ligmɔniŋ chin ate di magsika dobrimu a paari ligbie pi ate ŋan baai nyum ale masa la a sueri di,

³⁹ ale lalik paalik kanyi ale padiak ale padabili dii ale ta bein yeŋ dekki a magsi juka tiirim

⁴⁰ ale buduk a magsi biem tiirim

⁴¹ ale lalisa siye ale padaasa sinu ale budukta tinu ale padabilisa sinu ate si ta bein yeŋ la, ate ba pai nye suiyɔgni tiirita kaabka. Zurisaddai nidoabinni Selumiel tiirimu a jam le la.

⁴² Daa ŋayuebiwa danni, Deuel nidoabinni Eliasaf, waai ale ka Gad dɔkku niŋdeerɔ la a jam te wa tiirimu.

⁴³ Wa tiirimu jam ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a va ale ka Naawen yenni ligbieŋa ale ka diila. Dinyi meena ka zom naliŋ ate ba dam kpaam du la ale sueri ase ŋandiinta tiirim la,

⁴⁴ ale ligmɔniŋ chin ate di magsika dobrimu a paari ligbie pi ate ŋan baai nyum ale masa la a sueri di,

⁴⁵ ale lalik paalik kanyi ale padiak ale padabili dii ale ta bein yeŋ dekki a magsi juka tiirim

⁴⁶ ale buduk a magsi biem tiirim

⁴⁷ ale lalisa siye ale padaasa sinu ale budukta tinu ale padabilisa sinu ate si ta bein yeŋ la, ate ba pai nye suiyɔgni tiirita kaabka. Deuel nidoabinni Eliasaf tiirimu a jam le la.

⁴⁸ Daa ŋayopɔiwa danni, Ammiyud nidoabinni Elisama, waai ale ka Ɛfraim dɔkku niŋdeerɔ la a jam te wa tiirimu.

⁴⁹ Wa tiirimu jam ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a va ale ka Naawen yenni ligbieŋa ale ka diila. Dinyi meena ka zom naliŋ ate ba dam kpaam du la ale sueri ase ŋandiinta tiirim la,

⁵⁰ ale ligmɔniŋ chin ate di magsika dobrimu a paari ligbie pi ate ŋan baai nyum ale masa la a sueri di,

⁵¹ ale lalik paalik kanyi ale padiak ale padabili dii ale ta bein yeŋ dekki a magsi juka tiirim

⁵² ale buduk a magsi biem tiirim

⁵³ ale lalisa siye ale padaasa sinu ale budukta tinu ale padabilisa sinu ate si ta bein yeŋ la, ate ba pai nye suiyɔgni tiirita kaabka. Ammiyud nidoabinni Elisama tiirimu a jam le la.

⁵⁴ Daa naanika danni, Pedazur nidoabinni Gamaliil, waai ale ka Manasa dɔkku niŋdeerɔ la a jam te wa tiirimu.

⁵⁵ Wa tiirimu jam ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a va ale ka Naawen yenni ligbieŋa ale ka diila. Dinyi meena ka zom naliŋ ate ba dam kpaam du la ale sueri ase ŋandiinta tiirim la,

⁵⁶ ale ligmɔniŋ chin ate di magsika dobrimu a paari ligbie pi ate ŋan baai nyum ale masa la a sueri di,

⁵⁷ ale lalik paalik kanyi ale padiak ale padabili dii ale ta bein yeŋ dekki a magsi juka tiirim

⁵⁸ ale buduk a magsi biem tiirim

⁵⁹ ale lalisa siye ale padaasa sinu ale budukta tinu ale padabilisa sinu ate si ta bein yeŋ la, ate ba pai nye suiyɔgni tiirita kaabka. Pedazur nidoabinni Gamaliil tiirimu a jam le la.

⁶⁰ Daa neokku danni, Gideoni nidoabinni Abidan, waai ale ka Benjamin dɔkku niŋdeerɔ la a jam te wa tiirimu.

⁶¹ Wa tiirimu jam ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a va ale ka Naawen yenni ligbieŋa ale ka diila. Dinyi meena ka zom naliŋ ate ba dam kpaam du la ale sueri ase ŋandiinta tiirim la,

⁶² ale ligmɔniŋ chin ate di magsika dobrimu a paari ligbie pi ate ŋan baai nyum ale masa la a sueri di,

⁶³ ale lalik paalik kanyi ale padiak ale padabili dii ale ta bein yeŋ dekki a magsi juka tiirim

⁶⁴ ale buduk a magsi biem tiirim

⁶⁵ ale lalisa siye ale padaasa sinu ale budukta tinu ale padabilisa sinu ate si ta bein yeŋ la, ate ba pai nye suiyɔgni tiirita kaabka. Gideoni nidoabinni Abidan tiirimu a jam le la.

⁶⁶ Daa piika danni, Ammisaddai nidoabinni Ayiezer, waai ale ka Dan dɔkku niŋdeerɔ la ale jam ale wa tiirimu.

⁶⁷ Wa tiirimu jam ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a va ale ka Naawen yenni ligbieŋa ale ka diila. Dinyi meena ka zom naliŋ ate ba dam kpaam du la ale sueri ase ŋandiinta tiirim la,

⁶⁸ ale ligmɔniŋ chin ate di magsika dobrimu a paari ligbie pi ate ŋan baai nyum ale masa la a sueri di,

⁶⁹ ale lalik paalik kanyi ale padiak ale padabili dii ale ta bein yeŋ dekki a magsi juka tiirim

⁷⁰ ale buduk a magsi biem tiirim

⁷¹ ale lalisa siye ale padaasa sinu ale budukta tinu ale padabilisa sinu ate si ta bein yeŋ la, ate ba pai nye suiyɔgni tiirita kaabka. Ammisaddai nidoabinni Ayiezer tiirimu a jam le la.

⁷² Daa pi ale dinyiwa danni, Okran nidoabinni Pagiel, waai ale ka Asɛ dɔkku niŋdeerɔ la ale jam ale wa tiirimu.

⁷³ Wa tiirimu jam ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a va ale ka Naawen yenni ligbieŋa ale ka diila. Dinyi meena ka zom naliŋ ate ba dam kpaam du la ale sueri ase ŋandiinta tiirim la,

⁷⁴ ale ligmɔniŋ chin ate di magsika dobrimu a paari ligbie pi ate ŋan baai nyum ale masa la a sueri di,

⁷⁵ ale lalik paalik kanyi ale padiak ale padabili dii ale ta bein yeŋ dekki a magsi juka tiirim

⁷⁶ ale buduk a magsi biem tiirim

⁷⁷ ale lalisa siye ale padaasa sinu ale budukta tinu ale padabilisa sinu ate si ta bein yeŋ la, ate ba pai nye suiyɔgni tiirita kaabka. Okran nidoabinni Pagiel tiirimu a jam le la.

⁷⁸ Daa pi ale ŋayewa danni, Enan nidoabinni Ayira, waai ale ka Nafitali dɔkku niŋdeerɔ la ale jam ale wa tiirimu.

⁷⁹ Wa tiirimu jam ka kpana chin tanlaŋ ate di magsika dobrimu a paari ligbie kook ale pisita ale kpana chin misini ate di magsika dobrimu a paari ligbie pisiyopɔi, buyewa meena a va ale ka Naawen yenni ligbieŋa ale ka diila. Dinyi meena ka zom naliŋ ate ba dam kpaam du la ale sueri ase ŋandiinta tiirim la,

⁸⁰ ale ligmɔniŋ chin ate di magsika dobrimu a paari ligbie pi ate ŋan baai nyum ale masa la a sueri di,

⁸¹ ale lalik paalik kanyi ale padiak ale padabili dii ale ta bein yeŋ dekki a magsi juka tiirim

⁸² ale buduk a magsi biem tiirim

⁸³ ale lalisa siye ale padaasa sinu ale budukta tinu ale padabilisa sinu ate si ta bein yeŋ la, ate ba pai nye suiyɔgni tiirita kaabka. Enan nidoabinni Ayira tiirimu a jam le la.

⁸⁴ Tiiritaŋa de ale Izirali niŋdeerɔma a jam te a magsi ayen ba pai kuŋkuŋku a nyo Naawen nisima po diipo ate ba kpiiri kpaam ku zuk la. Kpana chin tanlaŋsaŋa jam ka pi ale ŋaye, ate kpana chin misimaŋa a paari pi ale ŋaye ate ligmɔniŋ chinaŋa a paari pi ale ŋaye.

⁸⁵ Kpana chin dinyi meena magsika dobrimu a jam ka ligbie kook ale pisita, ate chin misini dinyi meena magsika dobrimu a paari ligbie pisiyopɔi. Fi dan pai ŋa meena a gum chaab, kpana chinaŋa, magsika dobrimu jam ka ligbie tusa ŋaye ale kobsinaansi (2,400) a ta va Naawen yenni magsika ale ka diila.

⁸⁶ Ligmɔniŋ china pi ale ŋayewa ate ŋan baai nyum ale masa a sueri dinyi meena ate ŋa masika dobrimu a paari ligbie pi la, a ta va ka Naawen yenni magsika ale ka diila, fi dan pai ŋa a gum chaab, ligmɔniŋ chinaŋa magsika dobrimu jam ka ligbie kook ale pisiye.

⁸⁷ Duŋsaŋa meena ate ba jam pai a nye juka tiirimu la, ka lalik paalisa pi ale siye, padaasa pi ale siye ale padabilisa sii ale ta bein yeŋ dekki la pi ale siye a gum chaab ale ba ŋandiinta tiirimu. Budukta pi ale tiye ate ba jam pai nye biem tiirimu.

⁸⁸ Duŋsaŋa meena ate ba jam pai nye suiyɔgni tiirita kaabka la jam ka lalisa pisiye ale sinaansi, padaasa pisiyuebi, budukta pisiyuebi ale padabilisa sii ale ta bein yeŋ dekki la pisiyuebi. Tiiritaŋa de ate ba te a magsi kuŋkuŋku Naawen nisa po pai nyo ka, ba le kpiiri kpaam ku zuk la ŋaaŋnyiŋ.

⁸⁹ Diipo ate Moosis jam jo Tuka Viuku po ayen wa biisa ale Naawen la, wa yaa wom lueluk a biisi ale wa a nyini ŋanvuta tiyewa suŋsuŋ biem duisi basika nanlikka ale bo nɔiyeŋka dakanni zuk la. Ate wa yaa biisi ale wa.