Chiinika 5 - WEN GBAŊKA

¹ Naawen a jam weeni Moosis ayen,

² <

³ Jaduok ale jasari meena, ni yeeri ba a ta nyini ni boka jigini ate ba kan taŋ ba boka jigini, juijui ate mi ale boro ale ba la.>>

⁴ Izirali demma a jam nye kude kama, ba jam yeeri ba kama ba boka jigini. Ba jam nye ka dii dek ate Naawen a jam weeni Moosis la.

⁵ Naawen yaa weeni Moosis ayen,

⁶ <

⁷ Ku a fɛ ate wa lak wa nɔi a weeni biemu ate wa nye la. Ku a fɛ ate wa tuni wa kaasuŋku nyiŋ, wa lab wa ale a tuni diila bunu a pai bunyi a gum ku meena po a te nuru waai ate wa nye kaasi la.

⁸ Alege ase nuru wala a dan kan ta mabiik ate wa moata wa ate ba tuni a te wa kaasuŋku nyiŋŋa tutunaŋa ka Naawen ale soa, ku a fɛ ate ba pai a te kaabteerɔwa a gum chaab ale padiak kaai ate ba ale pai nye biem duisi basika a te wa la.

⁹ Tuilum tiiritaŋa meena ate Izirali demma a ta jam te kaabteerɔwa la ka kaabteerɔwa dek ale soa.

¹⁰ Nuru meena tuilum tiirim ka wadek ale soa, alege jabuui ate wa pai te kaabteerɔwa la ka kaabteerɔwa ale soa.> >>

¹¹ Naawen a jam weeni Moosis ayen,

¹² <

¹³ a goa ale nidoa yoŋ, ate kude a chim wasusugi ate wa chorɔwa a zɛ. Ba an miŋ nipowa ale taŋ wadek la, ase nuru ale kan weeni wari a te nipowa alege ba an yik wa ale wa boro a nye wari la.

¹⁴ Ase nyuri dɛka a dan jam wa chorɔwa jigi ate wa a poli ayen wa powa a taŋ wadek yaase wa poli biem a te wa alege wa an taŋ wa dega.

¹⁵ Wa ale ta wa powa a cheŋ ka kaabteerɔwa jigi. Ku a fɛ ate wa te zaa zom kuruba wa nyiŋ. Ku a fɛ ate wa kan nyo kpaam du yaase wa nyo ŋan baai nyum ale masa la du, dii nyiŋla bu ka ŋandiinta tiirim a magsi nyuri dɛka, teerika tiirim a basi ba ate ba a teeri nye kaasuŋ wie.

¹⁶ <<

¹⁷ Wa yaa le ŋari nyanaliŋ a nyo samɔniŋ po a nye viuku tɛŋka tantaŋa a nyo nyiamu po.

¹⁸ Kaabteerɔwa ale basi ate nipowa a zaani Naawen niŋ la ŋaaŋnyiŋ, wa yaa le vɔssi wa zuisaŋa a nyo wa nisima po teerika tiirimu ale ŋandiinta tiirim a magsi nyuri dɛka alege kaabteerɔwa dek a ta nya tuaka ale ta kikaasa a jam la.

¹⁹ Kaabteerɔwa yaa le basi ate nipowa a pɛ abe wa weeni wa ayen, <

²⁰ Alege fi dan nye kaasi ale diem bo ale fi chorɔwa a taŋ fidek a basi ate nidoa yoŋ a goa ale fu alege daa fi chorɔwa.>>

²¹ Dela kaabteerɔwa ale pai nipowa a nyo kikaasaŋa de po ayen, <

²² Nyiamu de ale ta kikaasa a jam a jo fi nyiŋka po ate fi chim kirik.>> Ate nipowa ale weeni ayen, <>

²³ <<

²⁴ Wa le basi ate nipowa a nyu nyiamu ale toa a ta kikaasa a jam la, ate nyiamu de ale jo wa nyiŋka po a basi ate wa a nam yegayega.

²⁵ Kaabteerɔwa yaa le tuesi ŋandiinta tiirimu ale magsi nyuri dɛka la wa nisa po, a yulum Naawen niŋ abe wa yaa ta jam kuŋkuŋku zuk.

²⁶ Kaabteerɔwa ale nye ŋandiinta tiirimu nisa nɔi ase teerika tiirim la a ju kuŋkuŋku zuk. Dila ŋaaŋnyiŋ wa yaa le basi ate nipowa nyu nyiamu.

²⁷ Ase wa dan taŋ wadek a ka wensie ale wa chorɔwa, wa dan nyu nyiamu ale ta kikaasa a jam la, bu le jo wa nyiŋka po ate wa paariŋka ale ji abe wa kositaŋa a mɛta, wa ale chim kirik, abe wa chim kikaasa a te wa nuruma.

²⁸ Alege ase nipowa a dan kan taŋ wadega wa nala kama wa le biak bisa.

²⁹ <<

³⁰ yaase nidoawa a dɛ nyuri a poli ayen nidoa yoŋ a goa ale wa powa. Kaabteerɔwa ale basi ate nipowa a zaani Naawen niŋ a weeni wa sinsaŋŋa de meena.

³¹ Chorɔwa a kan nya namsika, alege nipowa ale nya wa biemu tutuna.> >>