Chiinika 3 - WEN GBAŊKA

¹ Aaron ale Moosis dɔkdemma ale ka diila ale nna, diipo ate Naawen a jam biisi ale Moosis Sinai Guuku zuk la.

² Aaron nidoabilisaŋa yue jam le nna bikpagni ale Nadab ale Abiyu ale Eleaza ale Itamar.

³ Aaron nidoabilisaŋa yueŋa jam le la, kaabteerɔ baai ate ba bobi ayen ba tom a te Naawen ase kaabteerɔba la.

⁴ Nadab ale Abiyu a jam kpi kama Naawen niŋ diipo ate ba jam nye tiirim ale bolim a te wa buui ate wa an weeni ba ayen ba nye Sinai Gɔnni po la. Ba jam ka nidoabilisa, dila ka Eleaza ale Itamar ale jam a tom ase kaabteerɔba la, diipo ate ba kowa Aaron a jam vua la.

⁵ Naawen a jam weeni Moosis ayen,

⁶ <

⁷ Ba ale ba a tom a te wa ale Izirali naakuuni meena tuka viuku po ale viuku tuima.

⁸ Ba ale ba a nya ŋan baai meena ale bo tuka viuku po la abe ba a tom Izirali demma ale magsi ba a nye diila a tom viuku tuima.

⁹ Pai Livaima a te Aaron ale wa nidoabilisaŋa. Ba ale Izirali dem baai ale ba pai badek meena a te wa.

¹⁰ Lueri Aaron ale wa nidoabilisaŋa ate ba a tom ase kaabteerɔba la, nuru yoŋ waai meena ale a jo Wen dɔkku po la, ku a fɛ ate ba ko wa.>>

¹¹ Naawen a ŋman weeni Moosis ayen,

¹² <

¹³ ba le dɛ niŋ a biak baai meena la ka mi ale soa. Diipo ate mi a jam ko Ejipiti demma ale dɛ niŋ a biak baai la, Mi a jam gaari Izirali demma ale dɛ niŋ a biak baai la a te ka m dek, ka nidoa yaase duŋ. Ba ka mi ŋanta. Ka Mi ale Naawen.>>

¹⁴ Ate Naawen a weeni Moosis Sinai Gɔnni po ayen,

¹⁵ <>

¹⁶ Dila Moosis yaa chiini ba ase Naawen ale jam weeni wa diila.

¹⁷ Livai nidoabilisaŋa yue jam le Gerson ale Koyat ale Merari.

¹⁸ Gerson yezuimaŋa yue jam le Libni ale Simei.

¹⁹ Koyat yezuimaŋa yueŋa jam le Amram ale Izyar ale Yebron ale Uzziel.

²⁰ Ate Merari yezuimaŋa a chim Mayali ale Musi. Bade jam le Livai yezuimaŋa a ta va ba dɔkdemma ale ka diila.

²¹ Libni ale Simei demma a nyini ka Gerson kabini. Bade jam le Gerson yezuimaŋa.

²² Nidoama meena ale paari chiik yaase ba gaam di ate ba jam chiini ba la jam ka tusa ŋayopɔi ale kobsinu (7,500).

²³ Gerson yezuimaŋa ale ba kali yeniŋ geŋsa viuku ŋaaŋ.

²⁴ Gerson kabini niŋdeerɔwa jam le Lael nidoabinni Eliasaf.

²⁵ Tuka Viuku po Gerson kabini ale ba nya viuku ale ku ŋan pilintaŋa ale garuk panni ale a yik Tuka Viuku nansuiŋku nɔi la zuk,

²⁶ garuk panni ale a yik dabiaka po la ale garuk panni ale a yik dabiaka nansuiŋku a gilim viuku ale kuŋkuŋku ale miisaŋa ale jaab meena ate ba ta a tom ku tuima la.

²⁷ Koyat yezuimaŋa jam le Amram ale Izyar ale Yebron ale Uzziel demma Koyat yezuimaŋa ale bade.

²⁸ Nidoama meena ale jam paari chiik yaase ba gaam dila ka tusa naaniŋ ale kobsiyuebi (8,600). Koyat dɔkku ale jam a nya Wen yenni zuk.

²⁹ Koyat dɔkku yezuimaŋa a jam ba kali ka viuku yeseoku geŋsa.

³⁰ Koyat yezuimaŋa diinaŋa niŋdeerɔwa jam le Uzziel nidoabinni Elizafan.

³¹ Ba ale jam a nya dakanni ale jazaanimu ale zeuŋ jazaanimu ale kuŋkuŋtaŋa ale ŋan baai meena ale bo Wen yenni po ate ba ta a tom la zuk ale garuk panni ale jaab meena ate ba magsi ba pai tomka la.

³² Niŋdeerɔ naab waai ale jam a nya Livaima meena zuk la jam le kaabteerɔwa Aaron nidoabinni Eleaza. Wa ate ba jam lueri ate wa a nya baai ale nya Wen yenni zuk la.

³³ Merari yezuimaŋa jam le Mayali ale Musi demma. Bade jam le Merari yezuimaŋa.

³⁴ Nidoama meena ale paari chiik yaase ba gaam dila la, baai ate ba jam chiini la jam ka tusa ŋayuebi ale kobsiye (6,200).

³⁵ Merari dɔkdemma yezuimaŋa niŋdeerɔwa jam le Abiyail nidoabinni Zuriel. Bala ale jam ayen ba kali viuku wiilukku geŋsa.

³⁶ Merari dɔkku ale jam a nya viuku zaŋŋa ale ku chibsaŋa ale zaŋŋa ale kuta golaŋa ale ku ŋantaŋa meena ale jabuui meena ale magsi ba pai a tom ku tuima la,

³⁷ ale zaŋ gela ale bo dabiaka po la ale kuta golaŋa ale viuku kpaasaŋa ale miisaŋa.

³⁸ Moosis ale Aaron ale wa nidoabilisaŋa ale ba bo Tuka Viuku kori geŋsa wenbinni ale a pusi juijui la viuku niŋ geŋsa. Bala ale jam a nya Naawen yenni zuk a te Izirali demma meena. Nuru yoŋ a dan torisi paari viuku ba ko wa.

³⁹ Livaima meena ate ba jam chiini ba ase Naawen ale jam weeni Moosis ale Aaron a ta va ba yezuimaŋa zuk la, ba jam chiini nidoama ale paari chiik yaase ba gaam dila la a gum du kama ate ba paari tusa pisiye ale ŋaye (22,000).

⁴⁰ Naawen yaa weeni Moosis ayen, <

⁴¹ Pai Livaima a te mi, ate ba tagri zaani Izirali demma bi kpaŋŋa nankula po, ale Livaima duŋsaŋa a tagri zaani Izirali demma duŋsaŋa ale dɛ niŋ a biak sii la nankula po. Ka Mi ale Naawen.>>

⁴² Dila nyiŋ Moosis yaa chiini Izirali demma ale dɛ niŋ a biak baai la meena ase Naawen ale jam weeni wa diila.

⁴³ Nidoabilisaŋa meena ale paari chiik yaase ba gaam dila la, ate ba jam ŋmarisi ba yueŋa la ka tusa pisiye ale ŋaye ale kobsiye ale pisiyopɔi ale ŋata (22,273).

⁴⁴ Naawen mɛ jam weeni Moosis ayen,

⁴⁵ <

⁴⁶ Ate fi da tuesi Izirali demma ale dɛ niŋ a biak kobsiye ale pisiyopɔi ale batawa baai ale piisi gaam Livaima la,

⁴⁷ tuesi ligbie dobrim ŋanu a magsi nuru yeŋ a magsi chaab ale Wen yenni ligbieŋa ale ka diila, ate ŋa masika dobrimu a paari pisiye la.

⁴⁸ Pai ligni ale magsi ba tuni Izirali dem mbala nyiŋla a te Aaron ale wa nidoabilisaŋa.>>

⁴⁹ Dila nyiŋ Moosis yaa tuesi diaka ligraŋa a ta nyini baai ale piisi gaam baai ate Livaima a da la.

⁵⁰ A nyini Izirali demma ale dɛ niŋ a biak baai la jigi, wa jam tuesi ka ligbie ate ŋa dobrimu a paari tusidi ale kobsita ale pisiyuebi ale ŋanu (1,365) a ta va Wen yenni magsika ale ka diila.

⁵¹ Moosis a jam pai diaka ligraŋa a te ka Aaron ale wa nidoabilisaŋa ase Naawen wanni ale weeni wa diila.