Chiinika 2 - WEN GBAŊKA

¹ Naawen a jam weeni Moosis ale Aaron ayen,

² <>

³ Baai ale kali kori geŋka a tuk wenbinni pusika jigini la ka Juda labika ale ba bo dula ba tiktiwa kiri. Juda demma niŋdeerɔwa ale Amminadab biika Nayson.

⁴ Wa labika jam ka tusa pisiyopɔi ale ŋanaansi ale kobsiyuebi (74,600).

⁵ Isaka dɔkku ale ba kali dula. Isaka dɔkku niŋdeerɔwa ale Zuar biika Netanel.

⁶ Wa labika jam ka tusa pisinu ale ŋanaansi ale kobsinaansi (54,400).

⁷ Zebulun dɔkku ale ba kali dula. Zebulun niŋdeerɔwa jam le Yelon biika Eliab.

⁸ Wa labika jam ka tusa pisinu ale ŋayopɔi ale kobsinaansi (57,400).

⁹ Nuru baai meena ale jam kali Juda jigi a ta va ba labika ale ka diila jam ka tusa kook ale pinaanuŋ ale ŋayuebi ale kobsinaansi (186,400). Ba ale dɛ niŋ a cheŋ.

¹⁰ Yeseoku ale chim ka Aruben labika kabini ale ba kali ba tiktiwa kiri. Sedeur biika Elizur ale Aruben dɔkku niŋdeerɔ.

¹¹ Wa labika jam ka tusa pisinaansi ale ŋayuebi ale kobsinu (46,500).

¹² Simeyon dɔkku ale ba kali dula. Ba niŋdeerɔwa ale Zurisaddai biika Selumiel.

¹³ Wa labika jam ka tusa pisinu ale neok ale kobsita (59,300).

¹⁴ Gad dɔkku ale ba kali dula. Gad nuruma niŋdeerɔwa ale Deuel biika Eliasaf.

¹⁵ Wa labika jam ka tusa pisinaansi ale ŋanu ale kobsiyuebi ale pisinu (45,650).

¹⁶ Nuruma meena ale jam kali ale Aruben la, a ta va ba labika ale ka diila, jam ka tusa kook ale pisinu ale dinyi ale kobsinaansi ale pisinu (151,450). Ba ale ba saari buyewa a cheŋ.

¹⁷ Tuka Viuku ale Livaima a yaa le bo suŋsuŋ. Ba le nyini ka dila degadega ase ba ale jam ba boka jigini diila, waai meena a bo wa tiktiwa kiri.

¹⁸ Yeniŋka geŋsa ale chim ka Ɛfraim labika kabini a bo ba tiktiwa kiri. Ɛfraim demma niŋdeerɔwa ale Ammiyud nidoabinni Elisama.

¹⁹ Wa labika ka tusa pisinaansi ale kobsinu (40,500).

²⁰ Manasa dɔkku ale ba kali dula. Bala niŋdeerɔwa ale Pedazur nidoabinni Gamaliil.

²¹ Wa labika ka tusa pisita ale ŋaye ale kobsiye (32,200).

²² Benjamin dɔkku ale ba kali dula. Gideoni nidoabinni Abidan ale Benjamin demma niŋdeerɔ.

²³ Wa labika ka tusa pisita ale ŋanu ale kobsinaansi (35,400).

²⁴ Nidoama meena ale jam bo Ɛfraim nisa po la jam ka tusa kook ale naaniŋ ale kook (108,100). Ba ale nyini a cheŋ saari buta.

²⁵ Wiilukku geŋsa ale chim ka Dan labika kabini a bo ba tiktiwa kiri. Dan dɔkku nuruma niŋdeerɔwa ale Ammisaddai nidoabinni Ayiezer.

²⁶ Wa labika ka tusa pisiyuebi ale ŋaye ale kobsiyopɔi (62,700).

²⁷ Asɛ dɔkku nuruma ale ba kali dula, Asɛ dɔkku demma niŋdeerɔwa ale Okran nidoabinni Pagiel.

²⁸ Wa labika ka tusa pisinaansi ale dinyi ale kobsinu (41,500).

²⁹ Nafitali dɔkku ale ba kali dula. Bala niŋdeerɔwa ale Enan nidoabinni Ayira.

³⁰ Wa labika ka tusa pisinu ale ŋata ale kobsinaansi (53,400).

³¹ Nidoama meena ale jam bo Dan dɔkku la jam ka tusa kook ale pisinu ale ŋayopɔi ale kobsiyuebi (157,600). Bala ale ba wari ŋaaŋ a nyini cheŋ a kali ba tiktiwa kiri.

³² Izirali demma ale nna ate ba jam chiini a ta va ba dɔkdemma ale ka diila. Baai meena ale jam bo jigi yeŋ a ta va ba labika la jam ka tusa kobsiyuebi ale ŋata ale kobsinu ale pisinu (603,550).

³³ Livaima ba an jam chiini ba a gum Izirali dem mbala po ase Naawen ale jam weeni Moosis diila.

³⁴ Ate Izirali demma a jam nye dii meena ate Naawen a weeni Moosis la. Dila dekdek ate ba jam kali ba tiktima kie la. Nuru meena ale wa yezuk ale wa dɔkdem.