Chiinika 1 - WEN GBAŊKA

¹ Naawen a jam biisi ale Moosis Tuka Viuku po, Sinai Gɔnni po, chiisa siyewa piilimka danni bena ŋayewa po ate Izirali demma a basi Ejipiti tɛŋka la. Wa weeni ayen,

² <

³ Fi ale Aaron a chiini ba a ta va ba labika ale ka diila, nidoama meena ale bo Izirali a paari bena pisiye yaase ba gaam dila la, baai ale baga a tɔŋ tugurik la.

⁴ Nidoa wanyi a nyini dɔk meena abe wa chim yeri nyɔnɔ a maari fu.

⁵ <

⁶ A nyini Simeyon dɔkku ba jam lueri ka Zurisaddai nidoabinni Selumiel.

⁷ A nyini Juda dɔkku ba jam lueri ka Amminadab nidoabinni Nayson.

⁸ A nyini Isaka dɔkku ba jam lueri ka Zuar nidoabinni Netanel.

⁹ A nyini Zebulun dɔkku ba jam lueri ka Yelon nidoabinni Eliab.

¹⁰ A nyini Josefi kabini ba le jam lueri baai la ale nna Ɛfraim dɔkku ba jam lueri ka Ammiyud nidoabinni Elisama. A nyini Manasa dɔkku ba jam lueri ka Pedazur nidoabinni Gamaliil.

¹¹ A nyini Benjamin dɔkku ba jam lueri ka Gideoni nidoabinni Abidan.

¹² A nyini Dan dɔkku ba jam lueri ka Ammisaddai nidoabinni Ayiezer.

¹³ A nyini Asɛ dɔkku ba jam lueri ka Okran nidoabinni Pagiel.

¹⁴ A nyini Gad dɔkku ba jam lueri ka Deuel nidoabinni Eliasaf.

¹⁵ A nyini Nafitali dɔkku ba jam lueri ka Enan nidoabinni Ayira.>>

¹⁶ Nidoama de ate ba jam lueri a ta nyini naakuuni po, ase niŋdeerɔba la a ta nyini ba ŋiaka buuni po. Bala jam le Izirali yezuima nyama.

¹⁷ Moosis ale Aaron yaa jam ta nidoama de baai yueŋa ate ba wi la,

¹⁸ a ga wi naakuuni meena jigi yeŋ chiisa siyewa po ka piilimka danni. Nuruma a jam sak ba ŋiaka buuni ale ka diila kama a ta va ba yezuimaŋa ale ba dɔkdemma ale ka diila, ate ba ŋmarisi nidoa baai ale paari bena pisiye yaase ba gaam dila la yueŋa wanyi wanyi,

¹⁹ ase Naawen ale jam weeni Moosis diila. Wa jam chiini ba ka Sinai Gɔnni po.

²⁰ A nyini Aruben Izirali bikpagni ŋaaŋbisaŋa po, nidoama meena baai ale paari bena pisiye yaase ba gaam di a baga a tɔŋ tugurik la, ba jam ŋmarisi ka ba yueŋa wanyi wanyi a ta va ba yezuimaŋa ale ba dɔkdemma ale ka diila.

²¹ Aruben dɔkku demma a jam paari ka nuruba tusa pisinaansi ale ŋayuebi ale kobsinu (46,500).

²² A nyini Simeyon ŋaaŋbisaŋa po, nidoama meena baai ale paari bena pisiye yaase ba gaam di a baga a tɔŋ tugurik la, ba jam ŋmarisi ba yueŋa kama wanyi wanyi a ta va ba yezuimaŋa ale ba dɔkdemma ale jam ka diila.

²³ Simeyon dɔkdemma jam ka tusa pisinu ale neok ale kobsita (59,300).

²⁴ A nyini Gad ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale jam ka diila.

²⁵ Gad dɔkdemma jam ka tusa pisinaansi ale ŋanu ale kobsiyuebi ale pisinu (46,650).

²⁶ A nyini Juda ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale jam ka diila.

²⁷ Juda dɔkdemma jam ka tusa pisiyopɔi ale ŋanaansi ale kobsiyuebi (74,600).

²⁸ A nyini Isaka ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale ka diila.

²⁹ Isaka dɔkdemma a jam ka tusa pisinu ale ŋanaansi ale kobsinaansi (54,400).

³⁰ A nyini Zebulun ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale ka diila.

³¹ Zebulun dɔkdemma jam ka tusa pisinu ale ŋayopɔi ale kobsinaansi (57,400).

³² A nyini Josefi nidoabilisaŋa kabini, ka Ɛfraim ŋaaŋbisaŋa, nidoama meena ale jam paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale ka diila.

³³ Ɛfraim dɔkdemma jam paari ka tusa pisinaansi ale kobsinu (40,500).

³⁴ A nyini Manasa ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale ka diila.

³⁵ Manasa dɔkdemma a jam ka tusa pisita ale ŋaye ale kobsiye (32,200).

³⁶ A nyini Benjamin ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale ka diila.

³⁷ Benjamin dɔkdemma jam ka tusa pisita ale ŋanu ale kobsinaansi (35,400).

³⁸ A nyini Dan ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale jam ka diila.

³⁹ Dan dɔkdemma jam ka tusa pisiyuebi ale ŋaye ale kobsiyopɔi (62,700).

⁴⁰ A nyini Asɛ ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale jam ka diila.

⁴¹ Asɛ dɔkdemma jam ka tusa pisinaansi ale dinyi ale kobsinu (41,500).

⁴² A nyini Nafitali ŋaaŋbisaŋa po, nidoama meena baai ale paari bena pisiye yaase ba gaam dila a baga a tɔŋ tugurik la, ba jam ŋmarisi ba yueŋa kama a ta va ba yezuimaŋa ale ba dɔkdemma ale jam ka diila.

⁴³ Nafitali dɔkdemma jam ka tusa pisinu ale ŋata ale kobsinaansi (53,400).

⁴⁴ Moosis ale Aaron ale Izirali niŋdeerɔba pi ale bayewa ba wanyi meena a jam za ka wa dɔkdemma naŋkula po bala ale jam chiini nidoama.

⁴⁵ Izirali demma baai ale paari bena pisiye yaase ba gaam dila a baga a tɔŋ tugurik la, ba jam chiini ba kama a ta va ba dɔkdemma ale ka diila.

⁴⁶ Ba meena a jam gum chaab a paari ka tusa kobsiyuebi ale ŋata ale kobsinu ale pisinu (603,550).

⁴⁷ Livai dɔkku demma ba an jam chiini ba a gum mbala po.

⁴⁸ Naawen a jam weeni Moosis kama ayen,

⁴⁹ <

⁵⁰ Alege lueri Livaima ate bala a nya viuku ate Naawen Wanni a bo ku po la ale ku ŋan baai meena ale bo ku po la. Bala ale ba ji viuku ale ku ŋantaŋa meena, ba ale ba a nya ku zuk abe ba kali moata ku.

⁵¹ Diipo meena ate ku a magsi ba cheŋ jigi yoŋ la, Livaima ale ba kpiti viuku, diipo ale a magsi ba ti viuku la, ka Livaima ale ba ti ku. Nuru yoŋ a dan cheŋ moata ku be ko wa.

⁵² Izirali demma a ti ba viitaŋa a ta va ba labika ale ka diila, waai meena ale wa boka jigi ale ba tikti.

⁵³ Livaima a magsi ba ti ba viitaŋa a gilim viuku ate Naawen Wanni a boro la ate dila abe basi ate kaasuŋ a kan jam Izirali naakuuni po. Livaima ale a magsi ba nya viuku ate Naawen Wanni a boro la zuk.>>

⁵⁴ Izirali demma a jam nye ka dii meena dek ate Naawen a jam weeni Moosis la.