Azaya 8 - WEN GBAŊKA

¹ Naawen a yaa weeni mi ayen, <

² Ate m le wi Yuraya ale ka kaabteerɔ la, ale Zakaria ale ka Jeberekia nidoabinni la ate ba chim wensie seerɔba a te mu.>>

³ Ate mi a yaa jam cheŋ nipok biisiteerɔwa jigi, ate wa yik puuk a biak nidoabilik. Ate Naawen a weeni mi ayen. <

⁴ Alege ate nidoabinni a seba wa le wa nye dii a weeni ayen, Assiria naawa ale pai Damasikus jigsika ale Samaria ŋan baai ate ba kɔlim la a ta cheŋ.

⁵ Naawen a ŋman weeni mi ayen,

⁶ <

⁷ dila nyiŋ, Nyɔnɔwa za wa ta ka Assiria naawa ale wa tugurik tɔŋdɔma ate ba jam ta chaab ale ba ase Benni nyaata ale mobi a pagra diila. Di ale sueri a waaŋ va di bimbimaŋa meena zuk a cheŋ

⁸ ate bu chuiri a cheŋ Juda a vilinti a va ka zuk, a va ka po a cheŋ ale a paari ŋiri. Bu ale teeri dii ase kinkaŋŋa la ale lik ni tɛŋka labsimu la, Immanuel!

⁹ Nama tɛŋsa demma, ni kaari kpaliŋ kaarik abe ni seba ayen ni za ni kaasi kama! Ni be wom nama tɛŋ sii ale yalima la. Ni gomsi a magsi kpaliŋ abe ni kaasi! Ni gomsi a magsi kpaliŋ abe ni kaasi!

¹⁰ Ni dan poom tagri ni zɔŋŋa ŋa ale labri a chim wari yoŋ, ate ni dan poom weeni ni zɔŋŋa ŋa kan tom tuima. Dii nyiŋla Wen a bo ale ti kama.

¹¹ Naawen a pai ka wa nisim pagrika a vi m zuk ale a kaam mu a ayen, kan va nuruma de suiku. Wa weeni kama ayen.

¹² <

¹³ Naawen Dii Ale A Dɛ Tugurik Tɔŋdɔma Niŋ La ale magsi ayen ni nya wa ase wa ale welema la. Wala ale magsi ayen ni a chali wa. Wala ale magsi ayen ni kpaziita a nak ale wa.

¹⁴ Ate wa ale chim yeri. Alege Izirali yie ŋayewa ale chim ka tintain dii ale nye ate nuruba a nak naŋsa ale piuŋ kuui ale nye ate nuruba a lo. Ate Jerusalem demma wa ale chim ka baruk a te ba.

¹⁵ Ba yega ale nak naŋsa, ate ba ale lo a kaasi. Ba ale bari a yik ba.>>

¹⁶ Ni yik m wieŋa a tara abe ni a nya ŋa zuk ate ŋa kan siŋ tɛŋŋa a bo m ŋaaŋviirɔma po.

¹⁷ Mi ale limisi Naawen dii ale a suk wadek a nyini Jekob demma jigi la. M le ta mariŋka ale wa.

¹⁸ Mi ale nna, ale bi sii ate Naawen a pai te mu la. Tama ka daana ale magsa a bo Izirali a nyini Naawen Dii Ale A Dɛ Tugurik Tɔŋdɔma Niŋ La jigi waai ale bo Zayon Guuku zuk la.

¹⁹ Ase nuruba a dan weeni ni ayen ni kpesi wie a nyini sampoporisa ale chichiri wiirisa jigi, baai ale a waasi wie la. Ka boan nyiŋ ate nuruba a kan bek a nyini Wen jigi ya? Boan nyiŋ ate ba a bek wie a nyini kpieba jigi a te ŋanvuta?

²⁰ Ba sinsaŋŋa ale ba wieŋa a dan ka a va chaab ale wanni de, ku kiri ale ba a bo ka legi po.

²¹ Ninam ale kɔm ale yik ba, ate ba ale gilim tɛŋka meena, alege kɔm ale kasim a ta ba ate ba ale zak a nya wenŋmazuk ate ba ale ka a te ba Naawa, ale ba Wenni.

²² Ate ba ale nya tɛŋ zuk de, a nya ninam ale legi ale yɔgsum, ate ba ale bo ka legi kpien po.