Azaya 7 - WEN GBAŊKA

¹ Diipo ate Ayazi waai ale ka Jotam nidoabili la, ate wa ko kpieŋ a chim Yuzaya la, ate wa jam chim Juda naab la, Araam naawa Arezin ale Aremaliya nidoabinni Peka waai ale jam ka Izirali naab la, a yaa gɔk santiri a jueli ayen ba nye kpaliŋ ale Jerusalem, alege ba an jam baga a nak dɛ ka.

² Yɔgyɔgla de ba jam weeni Deevid yenni demma kama ayen, <> Dila nyiŋ, Ayazi ale wa nuruma kpaziita yaa jam a nak, ase viok ale a fuk gɔi tiisa diila.

³ Ate Naawen a yaa weeni Azaya ayen, <

⁴ Weeni wa ayen,

⁵ Araam ale Ɛfraim niŋdeerɔwa Aremaliya nidoabinni a nye ba popola po kama ayen ba kaasi ni, ba weeni kama ayen,

⁶ <>

⁷ Alege Nyɔnɔwa Naawen weeni kama ayen. <

⁸ dila nyiŋla Araam niŋdeerɔwa ale chim ka Damasikus, ate Damasikus mɛ niŋdeerɔwa ale chim ka Arezin nyiini. Bena pisiyuebi ale ŋanu po, Ɛfraim demma ale waaŋ ka chaab ate ba a kan ŋman baga a chim nuru yeŋsa.

⁹ Ɛfraim niŋdeerɔwa ale Samaria, ate Samaria mɛ niŋdeerɔwa a chim Aremaliya nidoabinni nyiini. Fi a dan kan baga a zaani ale pagrim fi siaka po, fi poom kan ŋman baga a zaani.>>

¹⁰ Naawen a ŋman pilim a weeni Ayazi ayen,

¹¹ <>

¹² Alege Ayazi a weeni kama ayen, <>

¹³ Ate dila ŋaaŋnyiŋ Azaya a yaa weeni ayen, <

¹⁴ Dila nyiŋla, Nyɔnɔwa dek ale te ni daana. Nipokbili dii ale kan seba nidoa la ale yik puuk a biak nidoabili. Ate ba ale wi wa ayen Immanuel.

¹⁵ Wa dan ga seba a zuak a zɛri wakaasima ale a lueri wamaŋsa, wa a dɛ ka biisim goam ale siita.

¹⁶ Alege ate nidoabinni a seba zuak a zɛri wakaasima a lueri wamaŋsa la, nalima ŋayewa ate fi a chali ba la tɛŋka ale doa kinla.

¹⁷ Naawen ale basi kama ate daanika a jam fi ale fi nuruma jigi, ale fi kowa yenni demma jigi. Wari dii choa ale kan jam a nya la, a zaani diipo ate Ɛfraim a poori wadek a nyini Juda po la, wa ale ta ka Assiria naawa a jam ni po.>>

¹⁸ Da dila danni po, Naawen ale peeri ka wiik ate nanjuŋsa ale nyini Ejipiti beli naŋsaŋa ŋaai ale yalima la a jam, ate sie ale nyini Assiria tɛŋka a jam.

¹⁹ Ŋa ale jam bo ka vooliŋ sii ale churinti la jigini ale pinaŋa muulisaŋa po ale muŋsaŋa meena zuk ale nyiam vie po meena.

²⁰ Da dila danni, Nyɔnɔwa ale pai ka poniŋ kaai ate ba cheŋ gaam Benni a ga piem a ta nyini Assiria naawa jigi ayen ba poni fi zukku ale fi naŋsaŋa kɔbtaŋa ale fi teeŋsaŋa mɛ.

²¹ Da dila danni, nuru ale ta ka naab buui ale diem paala la ale bua ŋaye.

²² Ate ba le ta biisim nna yegayega la nyiŋ, wa ale nya biisim goam a dɛ kama. Baai meena ale a wari tɛŋka po la, a za ba a dɛ ka biisim goam ale siita.

²³ Da dila danni, jiga meena ate tiisa sii ale a yɔn yɔna ate si a paari tusidi la, ate si a da a paari kpana boorisa dobrim tusidi la, jiga ŋala meena ale labri a chim ka muŋkangɔtisa ale muŋsa.

²⁴ Nidoaba ale ta tima ale piema a cheŋ dula, dii nyiŋla muŋkangɔtisaŋa ale muŋsaŋa ale lik tɛŋka meena kama.

²⁵ Guutaŋa meena ale toalim kpa ale kui la, ni kan ŋman cheŋ dula a chali yɔgsum ale muŋkangɔtisa ale muŋsa. Ŋa ale chim ka niiga dɛka jigi ale piisa chali vaka jigi.