Azaya 57 - WEN GBAŊKA

¹ Wayɔrisima nyɔnɔwa a kpi kama, ate nuru waai a kan poli ku wari wa suinum po. Nuru baai ale pai badek a te Naawen la a kpi kama, ate waai a kan miŋ ku kiri ya, ayen wayɔrisima nyam a kpi kama ayen ba yeeri badek a nyini biem po.

² Baai ale a cheŋ yɔrr la a jo ka suiyɔgni po. Ba dan kpi doa ba a nya ka vuusum.

³ Alege ni jam de, nama chichirik wiirisa nidoabilisa, nama kaboŋ nyeerisa ale taabuksa bisa!

⁴ Ka wana ate ni koosi a la? Ka wana ate ni yik nimbie a kaasi ale a yeeri ni giŋgeluŋta? Ni daa tukpari ale venta nyam bisa?

⁵ Koarisa ale a dɛ ni kinkaŋpettaŋa ale ti sii meena ale a teeri la po. Ni pai ni bisaŋa a nye ka kaabka vooliŋsaŋa ale pinaŋa ale zuli wen la muulisaŋa po.

⁶ Bɔgtaŋa ale bo vooliŋsaŋa tintain saalisaŋa po la ka nama ale soa. Mm, ti ka ni ŋanta, ti zuk ni kpiiri ka nyuka tiirita ale te ti ŋandiinta tiirita. Ŋade meena po, ku a magsi ayen m sui peenti?

⁷ Fi nye fi gaduokku ka guuk ale jueli wen ale nala la zuk. Dula jigini fi ga nye ka kaabka.

⁸ Fi tuataŋa ŋaaŋ ale fi tuataŋa zuk fi pai fi bɔgluk ŋantaŋa a yik du kama. Fi banti mi kama ale lak fi gaduokku a basi, fi jueli ka ku zuk ale lak ku nna jassi. Fi nyeka nɔiyeŋ ale baai gaduata ate fi a yaali la ale nya ba chaboalaŋa.

⁹ Fi ta ka kpaam a cheŋ Molek ale nye ate fi ŋan baai nyum ale masa la a piisi. Fi yiak baai ale tagri za fi naŋkula po la a basi ka nna niŋniŋŋa. Fi siŋka boosuku dek po!

¹⁰ Fi jam jiak kama fi suitaŋa po meena, alege fi an jam a weeni ayen, <>, Fi ŋman jam nya fi pagrimu kama, ate dila basi ate fi an cha vuusummoa.

¹¹ <

¹² M le ta fi wayɔrisimaŋa ale fi tuimaŋa a nyini peelim, ate ŋa kan te fu nyuenta.

¹³ Ase fi dan kaari a yaali maarika, fi basi ate fi bɔgtaŋa ate fi tigsi gum chaab la a vari fu basi, viok ale ji ba meena a cheŋ, vuusum nyiini ale ji ba a ta cheŋ. Alege nuru waai ale pai mi a chim wa sukka jigi la ale tuesi tɛŋka abe wa soa m tuilum guuku.>>

¹⁴ Ate ku le weeni ayen, <>

¹⁵ Ka nnala ate waai ale bo ŋmai ale nala la, waai ale boro taam wuu la, waai yuenni ale ka weleŋsa la, ale weeni ayen, <

¹⁶ Mi a kan kaasim a ŋma ni taam wuu, yaase m sui a kasim a puuri ale ni, dila ale te ate nurubiik chiika a kasim a cha m niŋ ale nuru vuusum ate m nye la.

¹⁷ M sui ale jam puuri ale wa ale a yaali biem nyeka la nyiŋ. Mi jam a namsi wa kama ale suk m nimbidiaka a nyini wa jigi ale suipuurum alege wa kasim a nye ka wa ale a yaali diila.

¹⁸ Mi nya wa suitaŋa kama, alege m le tebi wa. M le cheŋ ale wa abe m ŋman yɔk wa sui,

¹⁹ abe maa nye ate pimpauk a bo Izirali baai ale a kum la nɔi po. Suiyɔgni, suiyɔgni a cheŋ baai ale yalima ale baai ale moata la jigi,>> Naawen ale weeni ayen, <>

²⁰ Alege gaasa nyɔnɔwa a nye ase ka nyakpiemu ate viok ji diila, buui ale kaa vuusi la, ate bu nya miisaŋa a ji yaata ale bagta a jam la.

²¹ Mi Wenni ale weeni ayen, <>