Azaya 52 - WEN GBAŊKA

¹ Zayon yiti, pai pagrim a jo fidek ase garuk la. Pai fi garuk naliŋsaŋa a jo. Jerusalem, tuilum tɛŋka. Baai ate ba an gebi ba yua la ale baai ale daŋ la a kan ŋman jo fi po.

² Jerusalem, kpaanti fi paasuku. Yiti zaani ŋmai, a kali naam zukpaglika zuk. Zayon liewa ate ba yik la. Yeeri fidek a nyini chɔrimaŋa ate ba pai a su fi ŋinni po la a basi.

³ Naawen ale weeni diila ale nna: <>

⁴ Nyɔnɔwa Naawen ale biisi diila ale nna, <

⁵ Naawen a weeni kama ayen, <> Naawen a weeni kama ayen, <

⁶ Dila nyiŋla mi nuruma ale seba m yuenni. Dila dai dila danni ba ale miŋ ayen ka mi ale ŋaam weeni ku. Mm, ku ka mi.>>

⁷ Nya waai ale bo guutaŋa zuk a ta wamaŋsa a jam la naŋtaata ale nala soa dii ya. Waai ale a mooli suiyɔgni ale suipeentik wamaŋsa ale waai ale a mooli varibasika wie ale a weeni Zayon ayen, <>

⁸ Ni wom de, fi limisidɔma a lak ka ba luelutaŋa. Ba gum ka chaab a nuem ale masim. Ase Naawen a dan ŋman pilim jam Zayon. Badek nina ale nya ku.

⁹ Ni gum chaab a lɔnsi masim yiila, nama Jerusalem ale chim guura la, diila Naawen a yɔk wa nuruma sue kama ale da Jerusalem a tuesi.

¹⁰ Naawen ale dueni wa tuilum nisaŋa tɛŋ kpieŋsa meena niŋ, ate tɛŋzuk de kpeglimka meena ale nya ti Wenni varibasika.

¹¹ Basi dula, basi dula, cheŋ nyini dula jigini? Kan tiri jabuui ale daŋ la. Cheŋ nyini ku po ate fi nye cheri, nama baai ale a ji Naawen ŋantaŋa la.

¹² Alege fi kan yeenti a basi dula yaase fi nyiŋ a gɔgi. Diila Naawen ale de fi niŋ, Izirali Wenni ale cheŋ ale fu.

¹³ Nya m tomteerɔwa ale tom ale yam. Ba ale zak wa a zaani ate wa ale bo ŋmai, ate wa le nya zak zaanika nna wenwen ya.

¹⁴ Ase nuruba ale jam piisi a yɔgsa ale wa na nyinika la, ba jam kaasi wa nyiŋka kama ate wa kan nye ase nurubiik la, ate wa nyiŋka a kaasi gaam nurubiik miŋka.

¹⁵ Dila nyiŋ wa abe le yarinti tɛŋsa nna yega, ate nalima ale mum ba noaŋa wa nyiŋ. Dila ba le kan weeni ba diila, ba le nya. Ba ale kan wom diila ba le miŋ di kiri.