Azaya 47 - WEN GBAŊKA

¹ <

² Pai niri a num zom. Yeeri fi garuk nyaara nyaaraŋa. Zak fi mankutaŋa ŋmai, kan su nuesa, abe fi gaam buboalisaŋa a taam.

³ Ba le nya fi chaboalaŋa, ate fi chivieŋa a kan ligi. Mi ale nye a tuni. M kan basi waai ya.

⁴ Ti Da Tuesirɔwa, Naawen Dii Ale A Dɛ Tugurik Tɔŋdɔma Niŋ La ale wa yuenni, Waai ale Welema a bo Izirali la.

⁵ Kali tɛŋ chim, cheŋ legi po, Kaldiya dem liewa, ba kan ŋman wi fu ayen naata nipok naaba.

⁶ Mi sui a jam a puuri ale m nuruma ate m kaasi m nitalimu. Ate m pai ba a nyo fi nisa po alege fi an sak jiirim ale ba. Baai ale poom kpaŋ la fi pai ka niiga diok kuui ale dobra la a vi ba zuk.

⁷ Fi weeni kama ayen, Alege fi an poli wieŋa de, yaase fi poli ayen ka boa ale ku nye.

⁸ <

⁹ Bade meena ale jam fi zuk dai yeŋ po. Bisa jɔkka ale pukɔgini. Fi le fi sampoporinni ale fi tinaŋsa meena po, daanika de ale jam fi zuk ate ku paari fu.

¹⁰ Fi ta ka sebchakka ale fi gaasaŋa ale weeni ayen, Fi yammu ale yam wie miŋka a ta fu cheŋ a bɛ kama ase fi ale a weeni fidek ayen,

¹¹ Kaasuŋ ale jam fi zuk, ate fi kan seba tiim jigi ya. Biem ale lo fi zuk ate fi kan baga a vari fidek a basi. Kaasuŋ ale jam fi zuk ate fi kan baga a nye biem duisi basika. Ninam buui ate fi zɛ ku nɔi po la ale jam fi zuk a diiri fu.

¹² <

¹³ Sinsak ŋaai meena ate fi tuesi la a nye kama ate fi jiak. Basi ate baai ale seba chiŋmarisa wie a jam niŋ, baai ale a porisi chiik po meena la. Basi ate ba vari fu a ta nyini dii ale cheen fi zuk la.

¹⁴ Wensie nyiŋ ba a nye ase ka kinkaa la. Bolimu chogsi a dɛ ba. Ba an baga a vari badek a nyini bolim ŋiaka pagrimu po. Bolim kaala a ka dela a toliŋ waai nyiŋŋa. Bolim a ka dela ate waai a kali bu tɛŋ ŋa.

¹⁵ Dii meena ate ba baga a nye a te fu la ale la. Ŋade ate fi a tom ale gerim a nyini fi bi fiisa po. Ba meena a nye bɛ kama. Ba waai an baga vari fu a basi.