Azaya 44 - WEN GBAŊKA

¹ <

² Dii ate Naawen a weeni la ale nna. Wa waai ale nye fu la, waai ale nye fu fi mawa ponni po la. Wala ale waai ale wa maari fu. Kan chali yɔgsummoa Jekob m tomteerɔ, Jesurun, waai ate m lueri la.

³ Ale mi ale kpiiri nyiam a nyo tɛŋ sii ate nyanyuila a ta la zuk, ale buboalisaŋa ale bo tɛŋ kosik zuk la po. M le basi ate m Chiika a jam fi bisaŋa zuk abe m niauŋku a bo fi ŋaaŋbisa zuk.

⁴ Ba le chim ase wuuk ale a jueli diila, ase niak tiisa ale za buboalik nɔi la.

⁵ Waai ale weeni ayen, Wa choa ale pai Jekob yuenni a te wadek ayen ba a wi wa. Wa choa ale diem a ŋmarisi wa nisa nyiŋ ayen, abe wa pai Izirali yuenni a te wadek.

⁶ <

⁷ Ka wana ale a nye ase mi la? Basi ate wa mooli. Basi ate wa weeni a dueni mi niŋ, dii ale nye a nyini diipo ate m nye ŋiak nuruma la, ale dii ale diem za di jam la mm, basi ate wa ŋaam weeni dii ale di jam la.

⁸ Kan te fi nyiŋ a gɔgi, be kan chali yɔgsummoa. Mi mooli kude ale ŋaam weeni ku wari ka dipo. Ni ka baai ale chim mi seerɔba. Wen di choa a boro a gum mi po? Aaya, Piuŋ ku choa a ŋman karo. Mi zɛ kunyi nɔi po.>>

⁹ Baai meena ale a nye bɔgta la a ka kiriya, ate ba ale pai ba popola a dueni ŋan baai zuk la a ka kiriya. Baai ale biisi a te ba la a yi kama. Ba ale kan seba wari nɔi po la a te ba ka chivie.

¹⁰ Ka wana ale a peesi wen ya, be ka wana ale a nye bɔgluwa, ku kan te wa nyuenta?

¹¹ Wa ale wa vaanchaama meena ale nya chivie. Peesirɔma a ka kiriya alege ka nuruba kama. Basi ate ba meena a jam ba zaana jigi. Ba ale siŋ tɛŋ ate kpazinagsuk ale chivie a yik ba.

¹² Choa biik a pai ka jaab a nyo bolim kaala po a tom. Wa a pai ka kutuk a nak a nye bɔgluk. Wa a nye ku ale ka wa nigiri. Wa sui nyiem puuri ate wa jɔk wa pagrimu. Wa kan nyu nyiamoa ate jianta a paari wa.

¹³ Danagrɔwa a pai ka miik a magsi. Wa pai ka liaka a chiisi ale pai jaab a kpesi nya. Wa a peesi ku ase ka nuru la ku nalimu meena po, ate ku bo wa tangbanaŋa po.

¹⁴ Wa che nyunyoŋta a lɔnsi, yaase dai dii dai wa pai damɔnta tiisa yaase tiib kpiensa. Wa basi ate bu maa bo tiisaŋa po a chim a bo gɔnni po, yaase wa vuk kinkaŋ peruk, ate ŋmorukku a nye ate ku a chim.

¹⁵ Ka nuru ale pai ku a cheem bolim. Wa pai ku gela a cheem bolim a ŋuuŋ wadek ale pai ku mɛ a cheem bolim a sɛ boroborok. Alege pai ku a nye wen a kaab ku. Wa pai ku a nye bɔgluk a koori tɛŋ a te ku.

¹⁶ Wa pai daataŋa geli a ju bolim. Ku zuk ate wa a dik ŋandiinta ale a sɛ wa lammu a ŋɔbi a chak. Wa nyiem ŋuuŋ wadek kama ale weeni ayen, <>

¹⁷ Tii ale tali la ate wa pai a nye wen ate di chim wa bɔgluk. Wa koori tɛŋ a te ale a puusi ku. Wa a puusi a te ale a weeni ayen, <>

¹⁸ Ba zɛ jaaboa, ba kan miŋ wari kiri ya. Ba taari lik ba ninaŋa kama ate ba kan nya, ate ba popolaŋa a lik ate ba kan miŋ wari kiri ya.

¹⁹ Waai karo a basi polika. Waai a ka yam wie miŋka yaase wa ta miŋka a weeni ayen, <

²⁰ Wa a dɛ ka buntuem, ate suinum buui ale kaasi la a ta wa cheŋ be. Wa an baga a vari wadek a basi, yaase wa weeni ayen, <>

²¹ Jekob, teeri ŋantaŋa de, diila fi ka m tomteerɔ Izirali. Mi ale nye fu, fi ka m tomteerɔ. Izirali, m kan baŋ fu.

²² M duisi fi nye kaasuŋku a basi ase ka chiŋmari la ale nye ate fi wabaataŋa a muriŋ bɛ ase saluik pik la. Ni pilim ŋman jam mi jigi dii nyiŋla m da tuesi ni a basi kama.

²³ Wenŋmazukku a yi masim yiila, diila ka Naawen ale nye nna. Tɛŋ zuk de a nye nuemka. Guutaŋa ale gɔnni ale tiisaŋa lɔnsi yiili mob, diila Naawen a da Jekob a tuesi kama. Wa a sak wa zulaŋa Izirali po kama.

²⁴ Naawen ale weeni diila ale nna: <

²⁵ Waai ale nye ate venta biisiteerɔba an baga a nye ba ale a yaali diila ale nye ate chichirik wiirisa a chim betta, waai ale yiak yam nyam zamsika a basi ale labri ate ku a chim wie kayaata la.

²⁶ Waai ale a pai wa tomteerɔma wie a tom tuima, ate wa basi ate wa ale a tom baai la ale a weeni diila a sum a nye ale a weeni ayen, nuruba a ŋman jam kali Jerusalem tɛŋka po. Juda tɛŋsaŋa ale pilim ŋman sɛ, ate m le ŋman pai ba ŋan baai ale kaasi la a te ba.

²⁷ Waai ale weeni ayen nya liuŋku kpeeri la, ate m sum a nye ate fi buboalisaŋa a kpeeri.

²⁸ Waai ale weeni ayen Sairus ka m naapeerik ate m le nye dii meena ate m sui a peenti la. Wa ale weeni Jerusalem wie ayen, basi ate ka ŋman pilim a sɛ, abe wa weeni mi yenni wie ayen, basi ate ba ŋman dueni di nyubaŋa.>>