Azaya 43 - WEN GBAŊKA

¹ Alege yɔgyɔgla de, Naawen ale weeni diila ale nna. Wa waai ale nye fi Jekob la. Wa waai ale nye fi Izirali la ayen, <

² Fi dan va nyaataŋa po. M le bo ale fu. Fi abe daa va belaŋa po ŋa kan ji fu a ta cheŋ. Fi dan poom va bolim po, bu kan dɛ fu. Bolim ŋiaka a kan baga a chɔgsi fu.

³ Dii nyiŋla Mi ale Naawen fi Wenni, Waai ale Welema Izirali po la, fi varibasidɔwa. M pai Ejipiti a te ka fi varibasika nyiŋ ale pai Kus ale Sɛba a tagri fu.

⁴ Ni ale toalim ta dobrim ale zula mi nina po la, mi ale a yaali ni la nyiŋ, m le pai nidoaba a tagri ni, abe m pai nuruba a tagri ni nyuvooŋa.

⁵ Ni kan chali yɔgsummoa, diila m bo ale ni kama. M le ta ni bisaŋa a nyini konni po, abe m tigsi ni a nyini yeniŋka.

⁶ M le weeni wiilukku ayen, Abe weeni yeseoku ayen, Ta m nidoabilisaŋa ale bo niŋ la ale m liema ale bo tɛŋka kpeglimka la a jam.

⁷ Baai meena ale a wi mi yuenni la, baai ate m nye ba a magsi m zulaŋa la, baai ate m gomsi ale nye ba la.>>

⁸ De baai ale ta nina alege yi la niŋ ale baai ale ta tue alege kan wom la niŋ.

⁹ Tɛŋ kpieŋsaŋa meena ale tigsi la ate nuruma jam jigi yeŋ la, ka ba wana dek ale weeni nyakude ale weeni ti wakpaksa? Basi ate ba ta seerɔba a jam sak ayen ba nye magsi kama, ate nuru yonta a wom a weeni ayen, <>

¹⁰ Naawen a weeni kama ayen, <

¹¹ Mi, poom ka Mi ale Naawen, mi tɔga varibasidɔ wa choa a ŋman karo a gum mi po.

¹² Mi pai sak kama ale vari basi ale mooli. Mi, daa wen chaŋŋa ale bo ale ni. Naawen a weeni kama ayen, <

¹³ Mm, a nyini ŋiaka mi ale la. Waai karo a baga a vari a nyini mi nisa po. M dan nye wari, ka wana ale baga a yik di a labri?>>

¹⁴ Naawen fi Da Tuesirɔwa, Waai ale Welema Izirali po la ayen, <

¹⁵ Mi ale Naawen, fi Waai ale Welema la, Izirali Nyeerɔwa, fi Naawa.>>

¹⁶ Naawen ale weeni diila ale nna. Wa waai ale jam nye suik nyakpiemu po ale suik nyapagrisaŋa po la.

¹⁷ Wala ale waai ale jam yiak wusuma ale ŋa torokoba ale tugurik tommu ale maarɔba a gum ba po ate ba lɔ dula, an ŋman yiti ya ase zeuŋ bolim ale kpi la.

¹⁸ <

¹⁹ Nya, m boro a nye ka wapaali. Yɔgyɔgla ku boro a yiti kama. Nama a poli a miŋ ku? M boro a nye ka suik gɔnni po ale beli naŋsa tɛŋ koroku po.

²⁰ Duŋ waarisa ale gɔi baasa ale viuta a zuli mi kama, dii nyiŋla m basi ate ka nyiam a bo gɔnni po, ale benaŋsa a bo tɛŋ koroku po, a te m nuruma ale baai ate m lueri la nyiam.

²¹ Nuru baai ate mi a nye ba a te m dek la, ayen ba weeni m pimpaukku.

²² <

²³ Fi an ta piisa a jam nye juka tiirita a te mi, yaase fi nye kaabka a zuli mi, Mi an te ate ku chim jib a te fu ale ŋandiinta tiirita yaase m yaali ŋan baai juka nyum ale masa la a nyini fi jigi ate ku nye ate fi jiak ale mu.

²⁴ Fi an da ŋan baai juka nyum ale masa la a te mi, yaase fi nye kaabka ale duŋ kaai ale biigi la a te mi. Alege fi te ate ka fi wabaataŋa a chim jib a te mi ale te ate m jiak ale fi nye kaasuŋku.

²⁵ <

²⁶ Teeri mu wakpagsaŋa. Te ate ti gum chaab a nak nampaga wanni zuk. Ŋmarisi fi ale kan seba dii nɔi po la a dueni.

²⁷ Fi ko waai ale dɛ niŋ la a nye ka biem. Fi nuru baai ale biisi a te fu la a zɛri mi nɔi kama.

²⁸ Dila nyiŋ fi nuru kpientaŋa ale bo fi yenni po la a bo chivie po, abe m gomsi Jekob a magsi kaasika, abe Izirali a chim ja laam.