Azaya 40 - WEN GBAŊKA

¹ Ni yɔk, ni yɔk m nuruma sue, ni Wenni ale weeni.

² Biisi baliyaa a te Jerusalem, a mooli te ka ayen wa tuim pagraŋa a nueri kama, ba tuni wa biemu nyiŋ kama, ayen wa tuesi a nyini Naawen nisa po wa biemu nyiŋ buye.

³ Nuru lueluk ale boro a wi ayen, <

⁴ Palinti viak meena a sueri, a nye ate guuk meena ale pina meena a siŋ tɛŋ, golaŋa meena a si, ate jigi dii ale lɔrima la ale nala.

⁵ Ate Naawen zulaŋa ale nyini peelim, ate nuru meena ale nya ŋa. Diila ka Naawen nɔnni ale biisi.

⁶ Lueluk ale boro a weeni ayen, <> Ate mi yaa weeni ayen, <

⁷ Wuutaŋa a kpi kama, ate puutaŋa a lɔ, dii nyiŋla Naawen vuusumu ale a fuk ti. Chekki nuruma ka wuuta.

⁸ Wuutaŋa a kpi kama, ate puutaŋa a lɔ, alege Wen wanni ale kasim boro kama taam wuu.>>

⁹ Fi waai ale ta wapaala a jam Zayon la, ni jueli guwoŋ zuk. Nama baai ale ta wapaala a jam Jerusalem po la, a lak ni luelutaŋa a nuem ate ku jueli, ni te ku jueli, ni kan chali yɔgsummoa. Ni weeni Juda tɛŋsaŋa ayen, <>

¹⁰ Nya, Nyɔnɔwa Naawen a cheena ale pagrim, ate wa nisaŋa a nya wie meena zuk a te wa. Nya, wa tutunaŋa a bo ale wa kama ate wa ale vari baai a basi la ale bani wa.

¹¹ Wa a nya wa piisaŋa zuk ase ka naapeerik la. Wa ta pabisaŋa ka wa nisa po ale pai si a pɛ. Wa a nya sii ale diem ta bisa la zuk ka nna baliyaa.

¹² Ka wana ale pai wa nisa a magsi nyiamoa, yaase a pai wa nisa a magsi wenŋmazukku? Ka wana ale baga a pai tɛŋzuk de nyuŋ a nyo busik po yaase wa baga a pai ja magsim a magsi pinaŋa ale guutaŋa?

¹³ Ka wana ale baga a miŋ Naawen popolaŋa yaase wa dak wa ayen wa nye wari ase wa sagrɔ la?

¹⁴ Naawen a bek ka wana ayen wa sak wa? Ka wana abe le sak wa suik miŋka? Ka wana ale jam sak wa sebika yaase wa sak wa wie miŋka suik wa?

¹⁵ Tɛŋ kpieŋsaŋa a nye ase ka nyanyuila la. Ba a nye ase ka paasuk ale bo ja magsim po diila. Wa magsi tɛŋ sii ale gilim nyiam la kama ate si a nye ase paasuk la.

¹⁶ Lebanon a ka daata a paari kuŋkuŋ bolim cheemka, yaase ka duŋsaŋa a paari juka tiirita nyeka.

¹⁷ Tɛŋ kpieŋsaŋa meena daa jaab wa niŋŋa. Wa niŋ tɛŋsaŋa meena ka kinla, wa jigi si ka kiri ya.

¹⁸ Ka wana ate fi ale pai Wen a magsi chaab ale wa? Jameem boan choa ate fi ale pai wa a magsi?

¹⁹ Dan ka bɔgluk, ka nuru ale peesi ku, ka nuru ale pai ligmɔniŋ a taari ku, ale pai kpana chɔrima a gomsi ku.

²⁰ Nuru waai ale ŋmasi jaŋ an baga tiirim bula choa a te la, luk ka da tii ale ka a puak la a te. Wa gisi peesirɔ ate wa nye bɔgluk ate ku kan baga a lɔ.

²¹ Fi a zɛ? Fi an wom ya? Ba an weeni fi a nyini piilimka? Fi an miŋ chagi a nyini tɛŋka piilimka?

²² Wa kali ka wa naam zukpaglika zuk a bo wenŋmazukku ate tɛŋ gigilukku a bo wa tɛŋ, ate ka nuruma a nye ase nanchoŋta la. Wa lagri wenŋmazukku kama nna se viuk la ale lati ku ase garuk pali ayen wa bo ku po.

²³ Wa nye ate nabisa a ka kiri ya ale nye ate niŋdeerɔba tɛŋzuk de a ka kiri ya.

²⁴ Ku an beni ya ate ba vuk, ku an beni ya ate ba bori, ku kan beni ba le feri tɛŋ naŋsa, ate wa fuk ba ase viok la ate ba wiiri, ate va pagrik a ji ba a ta cheŋ ase vɔtta la.

²⁵ <

²⁶ Zak nya wenŋmazukku. Ka wana ale nye ŋantaŋa de meena? Wala waai ale nye ate chiŋmarisaŋa kanyi kanyi ale si yue kanyi kanyi la. Wa pagrim buui ale zuak la ale wa pagrim kpiemu nyiŋ, ba wanyi mɛ la a kan yuli a bɛ.

²⁷ Jekob, ka boan nyiŋ ate fi a biisi. Izirali, ka boan nyiŋ ate fi a fɔbili ayen, <>

²⁸ Fi a zɛ? Fi an wom ya? Naawen ka Wen dii ale boro taam wuu. Wa ka tɛŋka kpeglimka Nyeerɔ. Wa kan jiagi yaase wa pagrim a nueri, ate waai karo a miŋ wa popolaŋa ale ka diila.

²⁹ Baai pagrim ale nueri la wa a te ba pagrim ale a gum pagrim du a te baai ale wobsa la.

³⁰ Bi paaluk a jiak kama ate ba pagrim a nueri, nidoa paaluk nyiŋsa ale gɔk ate ba lɔ.

³¹ Alege baai ale ta yiila ale Naawen la ale nya pagrim paalik. Ba ale yiri ale kiŋkaŋŋa ase jiirita la. Ba le chali ba kan jiagi, ba le cheŋ ba kan cha vuusummoa.