Azaya 4 - WEN GBAŊKA

¹ Dai dila danni, nipooba bayopɔi ale yik nidoa yeŋ a weeni wa ayen, <>

² Dai dila danni, Naawen Tiib Naŋ ale ta nalim ale zula, ate tɛŋka yɔnaŋa ale chim baai ale vuuk la kanjanta ale zula Izirali tɛŋka po.

³ Baai ale tali a bo Zayon la ale baai mɛ ale diem bo Jerusalem la, ba ale wi ba ayen nuru weleŋsa. Ale baai ate ba ŋmarisi ba yueŋa a nyo ŋanvutaŋa po Jerusalem la.

⁴ Nyɔnɔwa ale sugri Zayon nipooma daŋtaŋa a basi. Wa ale pai buusa boka chiik ale bolim chiik a duisi ziim buui ale maŋ Jerusalem la a basi.

⁵ Ate Naawen ale nye ate chiŋmari ale nyuisa a bo Zayon Guuku ale baai ale tigsi dula la zuk kantueŋ abe bolim ŋiak a bo ba zuk yok. Viuk ale ku bo zulaŋa meena zuk.

⁶ Ku ale chim ka kusuŋ ale yɔgsum jigi ate kantueŋ kaa nak ba, ale varibasika ale sukka jigi ate vioku ale ŋmorukku kaa paari ba.