Azaya 30 - WEN GBAŊKA

¹ Naawen a weeni ayen, <

² a cheŋ siŋ Ejipiti alege an bek mi, baai ale gisi maarika a nyini Faaro jigi la, Ejipiti yɔgsum ayen ba suk la.

³ Alege Faaro likka ale te ni ka chivie, ate Ejipiti yɔgsummu ale ta chivie a jam ni jigi.

⁴ Ba dan poom ta kpaga ate ŋa bo Zoan, ate ba tomtomdɔma a paari Yanes,

⁵ waai meena ale jo chivie po, dii nyiŋla, nuruba ale kan ta kiri a te ba. Ba a kan te ba maarika yaase nyuenta, alege ka chivie ale kanpiinta nyiini.>>

⁶ Naawen wa dii ale magsi chaab ale Negev duŋsaŋa la ale nna. Tɛŋ kaai ale pagra ate daanika ale gbeŋma ale gbeŋ niima ale waapiisa ale nakpaasa, tuimtomdɔma a pai ba jigsika a vi bonsa zuk, ba tuilum ŋantaŋa a vi laalaakomiba boataŋa zuk, a cheŋ tɛŋ kaai ale kan ta nyuenta la,

⁷ a cheŋ Ejipiti, kaai maarika ale bola kan ta kiri ya. Dila nyiŋla mi a wi wa ayen ka Arayab a Ka Tuintuini.

⁸ Cheŋ yɔgyɔgla de, a ga ŋmarisi a dueni tintain paglak nyiŋ a te ba, abe fi ŋman ŋmarisi a nyo gbaŋ po, ayen da ŋaai ale cheen la ku baga a chim taam wuu seerɔ kama.

⁹ Ba ka nuru baai ale a zɛri wie, ba ka bi sii ale a velim ale bi sii ale kaa a yaali ayen ba wom Naawen ale a weeni diila.

¹⁰ Ba a weeni baai ale a nya wie la ayen, <> ale a weeni biisiteerɔma ayen, <

¹¹ Ni basi suiku de, ni nyini suiku po a nyini, abe ni kan ŋman ta Waai ale Welema Izirali po la wie a paari ti!>>

¹² Dila nyiŋ, Waai ale Welema Izirali po la ale a weeni diila ale nna: <

¹³ biemu de ale za bu jam ni zuk ase parik woŋ ale na a moata lueta, a yaa deri lo mwuli.

¹⁴ Ka le wɛ ka nna bunabuna ase samɔniŋ la, a lo ate jiirim karo ate takabaŋa po takabi karo a pai bolim kaali daanika po yaase a kuuri nyiam samɔniŋ po.>>

¹⁵ Nyɔnɔwa Naawen dii ale Welema a bo Izirali la ale weeni diila ale nna: <

¹⁶ Ni weeni kama ayen, Dila nyiŋ ni ale chali. Ni weeni kama ayen, ti le do wusum ŋaai ale baga a chali la a chali be, alege baai ale a vi ni la ale chali a gaam ni!

¹⁷ Nuru yeŋ nyigsika ale basi ate tusidi a chali, ate nuruba banu nyigsika ni meena ale chali, ate ba ga tali ni ase tikti la guuku zuk, ase tikti la pina zuk.>>

¹⁸ Alege Naawen a yaali kama ayen wa chim suipeentik a te ni. Wa yiti kama ayen wa sak jiirim. Dii nyiŋla Naawen ka nyemagsika Wen. Baai meena ale a limisi wa la ale nya niaka.

¹⁹ Zayon nuru baai ale bo Jerusalem po la, ni kan ŋman kum. Ni dan kum a yaali maarika wa jigi wa ale chim niauŋ a te ni. Wa dan ga wom wa le tulisi ni.

²⁰ Nyɔnɔwa a te ni ka dachaani ŋandiinta ale namsika nyiam, ni sagrɔma a kan ŋman suk, ni le pai nidek nina a nya ba.

²¹ Ni dan poom cheem juga yaase gala, ni tueŋa ale wom lueluk ni ŋaaŋ, a weeni ayen, <>

²² Ate ni le kaasi ni bɔgtaŋa ate ni pai kpana ale ligmɔniŋ a taari ŋa la. Ni le yuk ŋa a basi ase garuk daŋtik la a weeni ba ayen, <>

²³ Wa ale basi ate ŋmoruk a ni a basi ni ŋan borintaŋa po, ate ni ale a nya ŋandiin tii tɛŋka zuk la ale nala abe ti piisi. Dai dila danni, ni niiŋa ale nya wuuk yɔksuk yegayega a ŋɔbi.

²⁴ Lalisaŋa ale bonsaŋa ale a kpa la ale ŋɔbi kinkaa ale wukosik ate ba pai ŋanta a kati a waaŋ la.

²⁵ Dai dii dai ate ni dachaasaŋa a za ba kpi la ate ba yie woŋtaŋa a za ŋa lo la, beli naŋsa nyaata ale nyini guuta, meena zuk a siŋ.

²⁶ Chiika ale nyaksi ase wenbinni la, ate wenbinni nyaksika ale nye ka nna cheri ku naŋtuok nɔi buyopɔi, ase da puma ŋayopɔi bolim la, Naawen ale pɔbi wa nuruma mulaŋa abe wa tebi wa ale kɔni baai la.

²⁷ Ni nya, Naawen Yue a nyini ka niŋ a cheena ale suipuurum buui ale a dɛ la ale nyuisa chiŋma. Wa nɔngbanvaataŋa a sueri ale ka suipuurum, ate wa giŋgeluŋku a chim bolim buui ale a dɛ.

²⁸ Wa vuusumu a nye ase ka nyiam ale a wuuri la, a yiri jueli a paari ŋiri. Wa pai kaasuŋ yeliŋka a yeliŋ tɛŋsaŋa. Wa pa ka nɔi baŋsa a su ba noaŋa a ta ba a cheŋ bɛ.

²⁹ Ate ni ale lenni yiila ase yok po tigi weleŋ ate ni a de la. Ni suiniima ale de masim ase nuruba ale ta paampuuŋta a jueli Naawen guuku, Izirali Piuŋku zuk la.

³⁰ Naawen ale basi ate nuruba a wom wa lueluk pagrika, abe wa basi ate ba nya wa nisaŋa ale a siŋ tɛŋ ale suipuurum ale bolim buui ale a dɛ la ale nyiam chiŋma, ale ŋmoruk viok ale ŋmoruk tana.

³¹ Naawen lueluku ale kaasi Assiria. Wa ale pai wa dachekka a nak ba a lɔnsi tɛŋ.

³² Nakka meena ate Naawen a pa wa namsika doani a nak la ale chim ka kayaksa ale kpanta yiili, ase wa le pai nigua a kpaliŋ ale ba kpaliŋka po la.

³³ Ba gomsi Tofet ate ku beni ya. Ku gomsi a magsi naawa. Bolim golukku a limisa kama ale lagri, ale bolim yega ale daata. Naawen vuusumu a nye ase ka benaŋ ate bolim ŋiak a nyini du a de la.