Azaya 23 - WEN GBAŊKA

¹ Naawen wa dii ale magsi chaab ale Taaya la ale nna: Nama Tarsis demma ale ta ŋaaruŋta la, ale kum. Dii nyiŋla Taaya tɛŋka a kaasi kama a ŋman ka yie ale ŋaaruŋta zaanika jigi ya. Wanni de a nyini ka Kittim tɛŋka a jam ba jigi.

² Ni nye diki nama baai ale bo tɛŋ kaai ate nyiam a gilim ka la ale nama Saidon geruŋdɔma, ate baai ale a nyiem nyiam po a jigsi ba la.

³ Siyor a nya ba ŋan bieŋa a nyini ka nyakpientaŋa po. Taaya a nya ba ligraŋa a nyini ka ba ale a che ŋan baai Nile benni la, ate ka yaa chim satɛŋsa yaba.

⁴ Saidon tɛŋ demma, Chivie a yik ni, ale nama nyakpiemu ŋan pagrisaŋa, Ka nyakpiemu ale weeni ayen, <>

⁵ Ase wari a dan nyini Taaya a jam Ejipiti demma jigi ku le daani ba popola.

⁶ Ni lo a jueli Tarsis tɛŋka. Nama tɛŋ kaai ate nyiam a gilim ka la demma.

⁷ Ka ni tɛŋ kaai ate ni a dɛ masim ka nyiŋla ale nna, tɛŋ kpakka, tɛŋ kaai naŋsa ale ta ka a cheŋ niŋniŋ tɛŋsa la?

⁸ Ka wana ale zɔk nna a ta chaab ale Taaya tɛŋka, ate ka geruŋdɔba a te naam zutɔgsa la, ate ka geruŋdɔba a chim nabisa la, ate ka geruŋdɔba a ta yue tɛŋzuk de la?

⁹ Ka Naawen Dii Ale A Dɛ Tugurik Tɔŋdɔma Niŋ La ale zɔk, ayen wa ta zula nyam baai meena ale ta kanjanta la a siŋ tɛŋ ate baai meena ale ta yue tɛŋzuk de la a zaab badek.

¹⁰ Nama Tarsis demma ni ga kpa maŋ Nile benni, diila ni ŋman ka ŋaaruŋta zaanka jigi ya.

¹¹ Naawen a teeri ka wa nisa nyakpiemu zuk a nye ate bu naataŋa a choa. Wa a te ka nɔi a magsi chaab ale Keenan ayen ka yie pagrisaŋa ba kaasi.

¹² Wa weeni ayen, <> Yiti a lo jueli Kittim dula jigini vuusum a poom ka.>>

¹³ Nya Kaldiya demma tɛŋka, nuruma de ŋman ka magsa. Assiria demma a basi kama ate ka chim gɔi ŋanta boka jigi. Assiria demma a sɛ ka yie woŋta a gilim, alege Assiria demma a yeeri ka ŋan pagrisaŋa a tulim ka ate ka chim tɛŋ kaasuŋ.

¹⁴ Tarsis demma baai ale ta ŋaaruŋta la abe kum. Dii nyiŋla ba yie pagrisaŋa a kaasi kama.

¹⁵ Va ŋala po ba ale baŋ Taaya wari bena pisiyopɔi, naab ale a nya bena diila. Alege bena pisiyopɔiwa kpeglimka po, ku ale nye Taaya jigi ase ka taabuka yiini ale weeni ayen,

¹⁶ <>

¹⁷ Bena pisiyopɔi a dan nueri, Naawen ale nye ale Taaya tɛŋka. Wa ale ŋman ŋmani waai ate wa pai wa la jigi ase taabuk la ate wa nye wa geruŋku ale tɛŋsaŋa meena ale bo tɛŋzuk la.

¹⁸ Alege wa ale a nya diila ale wa nyuentaŋa meena wa be le gaari a te ka Naawen. Ba kan pai nyo jaab po a zaani yaase ba pai suk. Wa nyuentaŋa ale cheŋ baai ale bo ale Naawen la jigi, a magsi ŋandiinta yegayega ale garuk naliŋsa.