Azaya 22 - WEN GBAŊKA

¹ Naawen wa dii ale magsi chaab ale pa sakka viaka la ale nna: Ka boa ale a daani ni yɔgyɔgla de, ate ni meena a jueli gbirima zuima,

² tɛŋ kaai ate daanika a sueri ka la, tɛŋ kpieŋ kaai ate nuemka ale masim dɛka a sueri ka la? Ni nuruma daa gebik ate ba pai ko ba yaase ba kpi kpaliŋ po.

³ Ni niŋdeerɔma meena maa chaab a yiti chali kama. Ba dachaasaŋa a yik ba kama ale an pai tom a tɔŋ ya. Nama baai ale a chali alege ate ni dachaasaŋa a bo niŋ la, ba a yik ni meena a lik kama.

⁴ Dila nyiŋ mi yaa weeni ayen, <>

⁵ Nyɔnɔwa, Naawen Dii Ale A Dɛ Tugurik Tɔŋdɔma Niŋ La a ta ka nuemka ale tabika kpazinagsuk dai pa sakka viaka po, parisa chub lɔnsika ale guuta kum teka dai.

⁶ Iilam demma a pai ba peema pakka ale ba toroko duerɔma ale wusuma. Kir demma a gomsi ba kpaliŋ ŋanchɔgsintaŋa a magsi.

⁷ Viak kaai ate ni lueri la, a sueri ale ka wusuma torokoba, ate wusum duerisa a za tɛŋ kpieŋka nansuiŋtaŋa.

⁸ Ba yeeri baai ale a maari Juda la pagrimu kama. Ate dai dila danni ba a nya kpaliŋ kɔlima Tiisa Naam Yenni po.

⁹ Fi nya kama ayen Deevid Tɛŋka parisaŋa a ta ka muulisa nna yegayega. Fi nyo nyiam Beli dii ale bo Tɛŋ la po.

¹⁰ Fi chiini Jerusalem yeeŋa kama a yaa nak ŋa gela a lɔnsi ayen fi nye ate parika a pagra.

¹¹ Fi se ka nyiam nyoka jigi parisa siyewa suŋsuŋ a magsi Beli Kpakka nyiamu, alege fi an gisi a nya Waai ale nye dila la, yaase fi niŋ a bo Waai ale poli di wie dipo la.

¹² Ka Nyɔnɔwa, Naawen Dii Ale A Dɛ Tugurik Tɔŋdɔma Niŋ La ale wi fu dai dila ayen fi kum abe fi kaari, abe fi dari fi zuisaŋa a vɔssi abe fi jo boorisa garuk.

¹³ Alege ni nya, suipeentik ale masim dɛka ale boro, niiga tɔgrika ale piisa koka, lanta ŋɔbika ale daam nyuka, <>

¹⁴ Ka Naawen Dii Ale A Dɛ Tugurik Tɔŋdɔma Niŋ La ale pai wanni de a sak mi ate m wom ayen, <

¹⁵ Nyɔnɔwa, Naawen Dii Ale A Dɛ Tugurik Tɔŋdɔma Niŋ La ale weeni ayen, <

¹⁶ Ka boa ate fi bo dela a nye, ka wana ale te fi suik ayen fi keri boosuk a te fidek dela, a keri fi boosuku ŋmazukku dela ale a keri fi vuusumu jigini piuŋku po?

¹⁷ <

¹⁸ Wa ale kpamsi fu kama nna ŋmapi ase gbeli la a yuk fu basi tɛŋ kpieŋ po. Ate fi ale kpi dula ate fi wusuma toroko naliŋsaŋa ale wari du. Fi ka chivie a te fi kpagni yenni.

¹⁹ Mi ale yeeri fi kpaŋtaŋa po, ate fi jɔk kpaŋtaŋa.

²⁰ <

²¹ M le pai ka fi naam garukku a jo wa, abe m pai fi garuk panni bobi wa, a yaa pai fi pagrimu a te wa. Wa ale chim ka baai ale bo Jerusalem ale Juda yenni la koa.

²² M le pai ka Deevid yenni saafiika a vi wa ŋmankpala. Ate wa ale a lak jabuui la, waai an baga a kpari, ate wa ale a kpari jabuui la waai an baga a lagi.

²³ M le feri wa ase kpaasiri ate ba nak a feri diila, Wa ale ta zula a jam wa kowa yenni po.

²⁴ Wa dɔkdemma zulaŋa meena ale bo ka wa jigi, wa bisa ale wa ŋaaŋbisa meena ale wa yenni ŋantomta meena.

²⁵ Naawen Dii Ale A Dɛ Tugurik Tɔŋdɔma Niŋ La ale weeni ayen, <> Ka Naawen ale biisi.