Azaya 18 - WEN GBAŊKA

¹ Ku ale toa a te tɛŋ kaai ale bo Kus belaŋa nɔi ate ka kiŋkaŋŋa a fuk la

² ate ka tom baai ate ba va ŋaaruŋ tii ate ba pai bimbena a nye la. Ni cheŋ mwuli tomtomdɔba, ni cheŋ nuru baai ale woŋŋa ate ba nyiŋ gbaŋ saala la jigi, nuru baai ate tɛŋka meena a chali ba la jigi, tɛŋ kaai nyeka ale toa ale ta bichaŋ ate bela a poori tɛŋka la.

³ Nama tɛŋka nuruma meena, baai ale bo tɛŋka zuk la, tikti a dan zak guutaŋa zuk, ni le nya, ate damuniŋ a dan peeri, ni le wom.

⁴ Naawen ale weeni mi diila ale nna. <>

⁵ Alege ate gbesika a paari la, puutaŋa a dan kan ŋman ka, ate yɔnaŋa a muni, wa le che naŋ sii ale a pusi la ale gebisa, abe wa che naŋ sii ale teeri la a lɔnsi a pai ta cheŋ.

⁶ Ba le basi ba meena a te guutaŋa nuinsaŋa ale gɔi duŋsaŋa. Nuinsaŋa ale dɛ ba yoenni meena, ate gɔi duŋsaŋa ale dɛ ba wenkarika meena.

⁷ Ba ale ta tiirita a jam a te Naawen Dii Ale A Dɛ Tugurik Tɔŋdɔma Niŋ La. Tiiritaŋa ale nyini ka nuru baai ale woŋŋa ate ba nyiŋ gbaŋsaŋa a saala la jigi, nuru baai ate tɛŋka meena a chali ba la jigi, tɛŋ kaai nyeka ale toa ale ta bichaŋ la ate bela a poori ka la. Ba ale ta tiiritaŋa a jam Zayon Guuku zuk, Naawen Dii Ale A Dɛ Tugurik Tɔŋdɔma Niŋ La Yuenni jigini.