Azaya 17 - WEN GBAŊKA

¹ Naawen wa dii ale a magsi chaab ale Damasikus la. <

² Aroer tɛŋ kpieŋsaŋa ale kaasi, ate piisa ale za ŋa a duak dula, ate nuru a kan boro ale nye ate ŋa kpaziita a nagi.

³ Tɛŋ kpieŋ kaai ale pagra la ale bɛ nyini Ɛfraim, naam pagrim ale nyini Damasikus. Baai ale za ba tali a bo Araam la ale nye ase ka Izirali demma zulaŋa la, >> Ka Naawen Dii Ale A Dɛ Tugurik Tɔŋdɔma Niŋ La ale a weeni.

⁴ <

⁵ Ka ale nye ase ka cheerɔ ale a che ŋanta diila ale a gebi ŋanbie ale nisa diila. Nna se nuru ale a yiisi ŋanta Arefaim Viaka po diila.

⁶ Dila meena ŋaaŋnyiŋ, yiisika ale tali, ase kpaam tiib ate ba gbesi la ale basi yɔna ŋaye yaase ŋata ŋmazuk naŋsaŋa nyiŋla, yaase yɔna ŋanaansi yaase ŋanu naŋ kpieŋsaŋa nyiŋla.>> Naawen ale ka Izirali Wenni la ale weeni dila.

⁷ Dai dila danni po, nuruba ale zak a nya ba Nyeerɔwa abe ba viriŋ ba nina a te Waai ale Welema a bo Izirali la.

⁸ Ba a kan zak a nya kuŋkuŋtaŋa ale ba nisa tuimaŋa, ba niŋ kan bo Asera zaŋŋa po ale ŋan baai nyum ale masa la kuŋkuŋtaŋa ate ba nye la.

⁹ Dai dila danni po, ba tɛŋ pagrisaŋa, ate ba jam a basi si Izirali demma nyiŋla ale chim ka juijui ate nuruba ale zɛri ate jiŋŋa ale chim tiisa ale wuuta jigi. Ate jaab meena ale kaasi.

¹⁰ Ni baŋ Naawen ni Varibasidɔwa kama. Ni an teeri Piuŋku, ni pagrɔwa. Dila nyiŋ, ni a vuk ti maŋsa, ale a vuk tiisa ate ni ta nyini tɛŋ yonsa a jam la,

¹¹ dai dii dai ate ni vuk si la, ni nye kama ate si a chim, saluik kuui po ate ni vuk si la, ni nye kama ate si pusi. Alege dila meena kpesika ale chim ka kinla, dai dila danni ale chim ka nyiŋtuila ale nyiŋdomma ŋaai ale kan ta tebika.

¹² Tɛŋ kpieŋsa yegayega a bo ka daanika po ase nyakpiem ale a wuuri diila. Nuruba a bo ka daanika po ase nyakpienta nyiem ale a wuuri diila.

¹³ Nuruma wuurika a poom a nye ase ka nyakpiem wuurika la, wa dan toariŋ ba, ba yiti a cheŋ ka nna niŋniŋa, nna se viok ale a ji vɔtta guuta zuk la, ate ku ale ŋman a nye ase va pagrik ale ji paasuk a gilim diila.

¹⁴ Junɔi ba nye kama ate yɔgsum kpiem a boro alege ta cheen saluik ba cheŋ. Waai meena ale a kɔlim ti tɛŋka la charuk ale la.