Azaya 16 - WEN GBAŊKA

¹ Ni ta pabisa a cheŋ a ga te waai ale a nya tɛŋka zuk la ase ni lampoo la. Ni nyini Sela a gaam gɔnni a ga paari Jerusalem.

² Moab nipooma ale bo Arnon benni la a nye ase ka nuinsa ale yiti nyini si tukta po ale masim ale poom zɛ si ale a cheŋ juijui la.

³ <

⁴ Basi ate Moab demma a bo ale fu. Chim ba ligrɔ a nyini kaasirɔwa jigi.>> Namsidɔwa ale jam kpeglimka ate kaasuŋ a kan ŋman boro. Dachiaka ale bɛ tɛŋka po.

⁵ Ŋmanteka po naam zukpaglik ale zaani. Wensie po nuru ale kali ka zuk, waai ale nyini ka Deevid yenni po la. Waai ale a bo buusa ale a gisi nyemagsika la ale kpabi ale wayɔrisima tuima.

⁶ Ti wom Moab demma kanjantaŋa yegayega ale ba ale a poli ayen ba gaam nuruba la wari kama. Ba kanjantaŋa ale ba kuulimka meena ka koruk.

⁷ Dila nyiŋ, Moab demma a gum ka chaab a boro kum a te ba tɛŋka. Ba kum a te ka dii ale nye Kir Yareset tɛŋka nidoama la.

⁸ Yesbon tattaŋa a kɔ kama. Sibma tiisaŋa mɛ a kɔ. Tɛŋsaŋa niŋdeerɔma a tabi si a kaasi kama. Ba tiisaŋa nyiem ale jam a teeri a paari Jazer a cheŋ gɔnni po la. Si naŋbuli teeri nyini a cheŋ paari nyakpiemu.

⁹ Ate mi a kum, ate Jazer mɛ a kum a te Sibma tiisaŋa. Yesbon ale Elealeya, mi a kum ale ninyaata a te ni. Ni ale magsi ayen ni nuem ale masim a magsi chaab ale ni tiisaŋa yɔnaŋa ale muni la ale ni ale che ni ŋankpaantaŋa la, ba la meena a kaasi kama.

¹⁰ Masim ale suipeentik a ŋman ka tiisaŋa tɛŋka po. Waai a kan yi yiila a nuem kaduksaŋa po. Waai a kan ŋmiak daam jigini diila mi kpeglim nuemka kama.

¹¹ Mi kum m suinum po a te Moab ase ka kpanuŋ la ale a kum m ponni po a te Kir Yareset.

¹² Moab demma a dan cheŋ ba guuku zuk, ku a kan te ba maarika. Ba abe dan cheŋ ba puusika jigini, ku a kan ta wamaŋ a te ba.

¹³ Wanni de ate Naawen a poom ŋaam a dɛ niŋ a weeni a magsi chaab ale Moab.

¹⁴ Alege yɔgyɔgla de Naawen ale a weeni diila ale nna. <>