Azaya 14 - WEN GBAŊKA

¹ Naawen ale ta jiirim ale Jekob dɔkdemma. Wa ale ŋman pilim lueri Izirali demma pai ba a kali badek tɛŋ po. Nicham ale gum chaab ale ba, ate ba nye nɔiyeŋ ale Jekob dɔkdemma.

² Satɛŋsa ale ta ba a ŋman jam badek jigini. Ate Izirali dɔkdemma ale soa tɛŋsaŋa ate ba nidoama ale nipooma ale chim ba yɔm a bo Naawen tɛŋka zuk. Baai ale a yik Izirali la, ba ale yik ba. Ate ba ale nya baai ale a namsi ba la zuk.

³ Dai dii dai ate Naawen a yeeri ni ta a nyini ninam ale butimka ale nyeka tuem yontidi po la,

⁴ ni le ni nye Babilon naawa a la diila ale nna: Nya namsidɔwa nuerika a paari ya. Nya wa suipuurumu a kpeglim ya.

⁵ Naawen a wɛ nuru bioku tachekka, ale niŋdeerɔma tachekka mɛ.

⁶ Suipuurum nyiŋ wa kasim teeri ka niguri a nak nuruba a lɔnsi, ate wa suipuurumu nyiŋ, wa fɛ ate tɛŋsa a siak a te wa ale kasim a namsi ba.

⁷ Tɛŋsaŋa meena a bo ka vuusum ale suiyɔgni po. Ba a yi ka yiila.

⁸ Ate damɔnta tiisa ale Lebanon nyunyoŋtaŋa a dɛ ka masim ni zuk ale a weeni ayen, <>

⁹ Vɔrumu ale bo tɛŋ la a gomsi kama ayen bu tu fi jamka. Bu choa ka baai ale kpi la chiisaŋa ayen bu puusi fu, baai meena ale jam chim niŋdeerɔba tɛŋka po la. Bu nye kama ate ba yiti ba naam zukpagliksaŋa zuk. Baai meena ale jam chim nalima a nya tɛŋsaŋa zuk la.

¹⁰ Ba meena ale tulisi, ba ale weeni ni ayen, <>

¹¹ Ni nalimu meena a siŋ ka boosuku po ale ni kpanuŋku nakka. Ni doa ka nanzue zuk ate bobla a lik ni nyiŋsaŋa meena.

¹² Nya fi le nyini wenŋmazuk a lo dii ya, vari chiŋmariga ale varivientidi nidoabiligaa. Fi waai ale jam basi ate tɛŋsa a duak tɛŋ la.

¹³ Fi weeni fi suinum po ayen, <

¹⁴ Mi ale yiti a jueli chiŋmaaŋa zuk. Mi ale nye m dek ase Wen Dii Ale Bo Wenŋmazuk La.>>

¹⁵ Alege ba ta fu siŋ ka vɔrumu po, a ta siŋ golukku tɛŋ.

¹⁶ Ku ale cha baai ale a nya la, ba ale poli fi ale jam ka diila abe ba ayen, <

¹⁷ nuru waai ale nye ate tɛŋka meena a chim gɔi la, waai ale nak yiak tɛŋ kpieŋsaŋa ale kan basi ate baai ate wa yik la a kuli?>>

¹⁸ Tɛŋsaŋa nalimaŋa meena a doa ka ba jiga waai meena a doa ka wadek vɔrup po.

¹⁹ Alege ba yeeri fi a ta nyini fi vɔrumu po kama ase tiib naŋ ate ba zɛri la. Baai ate ba ko la ale lik fu, baai ate ba chub ale gebik la, baai ale siŋ golukku tanaŋa po la. Fi a nye nna ase ka kpio ate ba tabi wa zuk la.

²⁰ Ba a kan maa gu fu ale ba, dii nyiŋla fi kaasi fi tɛŋka kama ale ŋman ko fi nuruma. Ba a kan teeri nuru baataŋa bisa ŋmana.

²¹ Ni gomsi jigi a magsi wa nidoabilisaŋa tɔgrika. Ba kokpieŋsaŋa wabaataŋa nyiŋ. Ba kan ŋman yiti a tuesi tɛŋka abe ba lik tɛŋzuk de ale ba tɛŋsaŋa.

²² Naawen Dii Ale A Dɛ Tugurik Tɔŋdɔma Niŋ La a weeni ayen, <> Naawen a weeni ayen, <>

²³ Naawen Dii Ale A De Tugurik Tɔŋdɔba Niŋ La a weeni kama ayen, <>

²⁴ Ka Naawen dii ale ka Tugurik Tɔŋdɔma Niŋdeerɔ la ale pɛ ayen, <

²⁵ Mi ale kaasi Assiria demma m dek tɛŋka po. M guuku zuk ate mi ale tabi ba a dueni tɛŋ. Wa niiga diokku a kan ŋman vi m nuruma zuwa, ate wa jibtaŋa a zak ba ŋmankpalaŋa zuk.>>

²⁶ Mi ale poli dii a ta va tɛŋzuk de meena la ale nna. M be teeri ka nisa a basi tɛŋ kpieŋsaŋa meena zuk.

²⁷ Dii nyiŋla Naawen Dii Ale A Dɛ Tugurik Tɔŋdɔma Niŋ La ale poli diila ka wana ale wa baga a yik tagri? Wa nisaŋa a teeri kama a nyini, ka wana ale wa baga a yik si a ta ŋmani?

²⁸ Naawen wanni de a jam mi jigi ka ben dii ate naab Ayazi a kpi la.

²⁹ Nama Filistia demma ni kaa naŋ ayen tachek kaai ale nak ni la a wɛ ya. A nyini waab bula tɛŋ naŋka waab piik ale yiti, bu yoanni ale chim ka waab biok tintueta.

³⁰ Baai ale jaŋ a gaam ŋanjaksa meena la ale nya ba le a yaali diila, ate baai ale a silim la ale boro ale suiyɔgni. Alege mi ale kaasi fi buuni ale kɔm. Bu ale ko ni nuru baai ale vuuk la.

³¹ Nansuiŋŋoa, kum! Tɛŋŋa, kaari ate ku jueli Filistia demma meena ale nyaliŋ bɛ! Chiŋmari ale nyuisa ale nyini wiiluk geŋ a jam, ba ka tugurik tɔŋdɔ baai ate jayɔgsuk a ka ba po.

³² Ka boan jaab tulisa ate ti le pai te tɛŋ kala tomtomdɔma? <>