Arut 1 - WEN GBAŊKA

¹ Diipo ate niŋdeerɔba jam a nya Izirali tɛŋka zuk la, kom kpiem yaa yiti tɛŋka po. Nuru wanyi ale jam nyini Betiliyem ate ka bo Juda po la. Nuruwa de ale wa pok ale wa bisa baye a yaa cheŋ Moab tɛŋka ayen ba goa maga.

² Nuruwa de yuei ale Elimelek, wa powa yuei ale Naomi, wa nidoabinni wanyi yuei ale Malon, nwala yuei ale Kilion. Ba jam nyini ka Efrat buuni po a bo Betiliyem ale bo Juda po la. Ba yaa jam cheŋ ga bo Moab tɛŋka po.

³ Naomi chorɔwa Elimelek yaa kpi alege wa le bisa bayewa.

⁴ Wa nidoabilisa bayewa yaa faari Moab tɛŋka nipooba, nipowa wanyi yuei ale Orpa, nwala mɛ yuei ale Arut. Ba ale goa dula a nya bena pi la,

⁵ Naomi nidoabilisaŋa bayewa Malon ale Kilion mɛ a kpi alege wadek wa nyiini. Wa nidoabilisaŋa ka. Wa chorɔwa mɛ ka.

⁶ Naomi yaa wom ayen Naawen a maari wa nuruma ate ba kpa nya ŋandiinta yegayega, ate wa ale wa sampooma yaa gomsi ayen ba kuli.

⁷ Wa ale wa sampooma bayewa yaa basi ba ale bo juijui la, alege lo suik po ayen ba kuli.

⁸ Wa yaa weeni wa sampooma bayewa ayen ba ŋman kuli ba mama jigi. Ni le jam ta jiirim ale mi chorɔwa ale m bisaŋa diila, Naawen ale ta jiirim ale ni.

⁹ Naawen ale maari ni ate ni nya chorɔba a kali nalimnyiini.

¹⁰ Naomi yaa banti ba. Alege ba deri a kum ale a weeni ayen, <>

¹¹ Wa yaa ŋman weeni ayen, <

¹² Ni ŋman kuli, diila mi kpaŋ kama ale yalika ŋmana. Mi abe dan poom a poli ayen yiila boro, a yali yokku de a biak bisa.

¹³ Ni le limisi ate ba pagi? Kude ale kasi ate ni kan yali? M lieba ni seba kama ayen kude kan baga a nye. Naawen ale basi ate kude a nye mi. Dii meena abe le nye ni la ku a daani mu yegayega.>>

¹⁴ Ba ŋman deri a kum. Ate Orpa yaa gbaari wa ŋianipowa a banti wa ale ŋman kuli, alege Arut zɛri ale va.

¹⁵ Naomi yaa weeni Arut ayen, <>

¹⁶ Arut yaa ŋman weeni ayen, Kan weeni mu ayen m basi fu. Basi ate m va fu. Juijui meena ate fi a cheŋ la, m le va cheŋ, juijui meena mɛ ate fi a boro la, m le maa boro. Fi nuruma ale chim mi mɛ nuruba, fi Wenni ale chim mi mɛ Wen.

¹⁷ Juijui ate fi a kpi la, mi mɛ a kpi ka dula ate ba a gu mu dula. Naawen a basi ate ninam yegayega a jam m zuk, ase m nin basi ate wayoŋ a poori mu fi jigi alege daa kum ale poori mu fi jigi ya.

¹⁸ Naomi ale nya ale Arut a tik kama ayen wa va wa la, wa an ŋman weeni wari ya.

¹⁹ Ba yaa cheŋ ga paari Betiliyem. Ba le paari dula la, tɛŋka demma sui yaa peenti, ate nipooma a weeni ayen, <>

²⁰ Wa yaa weeni ayen, <

²¹ Mi ale basi dela la, m ta kama yegayega, alege Naawen an ta mi ŋmani ale jaaboa. Ka boa ale soa ate ni a wi mu ayen Naomi. Naawen dii ale zuak la a bo mini mi kama a basi ate ninam a jam mi jigi.>>

²² Naomi ale wa sampowa Arut ale nyini Moab tɛŋka a jam diila ale nna. Ba ale jam Betiliyem la ale ŋanta a nye magsi a yaali ka cheka.